2025 جىلعا قاراي مەكتەپتەردەگٸ ورىن تاپشىلىعى 670 مىڭدى قۇرايدى. بۇل تۋرالى بٷگٸن ٷكٸمەت وتىرىسىندا قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«ماڭىزدى باعىتتاردىڭ بٸرٸ – ينفراقۇرىلىمدى دامىتۋ. قازٸرگٸ ۋاقىتتا ەلٸمٸزدە 34 اپاتتى جەنە 137 ٷش اۋىسىمدى مەكتەپ جۇمىس ٸستەيدٸ. 2025 جىلعا قاراي ورىن تاپشىلىعى 670 مىڭ ورىنعا جەتەدٸ دەپ بولجاپ وتىرمىز. بۇل مەسەلەنٸ شەشۋ ٷشٸن 800 جاڭا مەكتەپ سالىنادى. تەك قانا وسى جىلدىڭ سوڭىنا دەيٸن 200 جاڭا مەكتەپتٸ پايدالانۋعا بەرۋ قاجەت. ايماقتار تيٸستٸ جوسپارمەن قامتاماسىز ەتٸلدٸ. بٷگٸنگٸ كٷنٸ جۇمىس قارقىندى جٷرٸپ جاتىر», - دەدٸ مينيستر.
ونىڭ اتاپ ٶتۋٸنشە, جەكەمەنشٸك مەكتەپ جەلٸسٸن ارتتىرۋ ٶتە ماڭىزدى. سوڭعى ەكٸ جىلدا ەلٸمٸزدە 41 مىڭ وقۋشىعا ارنالعان 126 جەكەمەنشٸك مەكتەپ اشىلدى.
«بۇل بۇعان دەيٸن اشىلعان جەكەمەنشٸك مەكتەپتەردٸڭ سانىنان 2 ەسە كٶپ ەكەنٸن اتاپ ٶتكٸم كەلەدٸ. قازٸرگٸ ۋاقىتتا مينيسترلٸك ەكٸمدٸكتەرمەن بٸرلەسٸپ, 800 مەكتەپتٸ سالۋ جول كارتالارىن جاساۋدا. ول ٷشٸن 4 مەحانيزم قولدانىلادى: مەملەكەتتٸك-جەكەشەلٸك ەرٸپتەستٸك, جەكەمەنشٸك مەكتەپتەر جەلٸسٸن دامىتۋ, مەملەكەتتٸك بيۋدجەتتەن نىسانالى قۇرىلىس جەنە مودۋلدٸك كونسترۋكتسييالاردان مەكتەپتەر سالۋ», - دەدٸ اسحات ايماعامبەتوۆ.
