بٸلٸم بەرۋ, عىلىم سالاسىنداعى تٷيتكٸلدٸ مەسەلەلەر قر پرەزيدەنتٸ قاسىم-جومارت توقاەۆتىڭ قاتىسۋىمەن ٶتكەن ۇلتتىق قوعامدىق سەنٸم كەڭەسٸندە كەڭٸنەن ايتىلدى. قر بٸلٸم بەرۋ ٸسٸنٸڭ ٷزدٸگٸ, شەبەر-پەداگوگ بورانباي مەجەنوۆتٸڭ پٸكٸرٸنشە, مەملەكەت باسشىسىنىڭ بٸلٸم بەرۋ سالاسىن دامىتۋعا قاتىستى ايتقان تاپسىرمالارى ٶتە ٶزەكتٸ, دەپ حابارلايدى قازاقپارات.
بورانباي مەجەنوۆ نۇر-سۇلتان قالاسىنداعى №38 مەكتەپ-ليتسەيدە تاريح پەنٸنەن ساباق بەرەدٸ. تەجٸريبەلٸ ۇستازدىڭ پٸكٸرٸنشە, بٸلٸم بەرۋ سالاسىن رەفورمالاۋعا قاتىستى مەسەلەلەر قوعامدا كٶپتەن بەرٸ تالقىلانىپ كەلەدٸ. ەلدٸڭ بٸلٸم مەن عىلىم سالاسى مىقتى بولماي, ەكونوميكاسى ەش ۋاقىتتا تۇراقتى دامي المايدى.
«قوعامدىق كەڭەس وتىرىسىندا پرەزيدەنتٸمٸز شەشٸلۋٸ قاجەت مەسەلەلەردٸ ايتىپ ٶتتٸ. سونىڭ بٸرٸ - سىنىپتارداعى وقۋشىلاردىڭ سانىن ازايتۋ. مىسالى نۇر-سۇلتان قالاسىنداعى مەكتەپتەردٸ الاتىن بولساق, قازاق مەكتەپتەرٸنە بالالار سىيمايدى. بٸر سىنىپتا 38-40 بالادان وتىرعاندارى بار. مەسەلەن № 38 مەكتەپ 700 بالاعا ارنالسا, شىن مەنٸندە وندا 2,5 مىڭ بالا وقىپ جاتىر, ەكٸ اۋىسىممەن. وسىنىڭ ٶزٸ بٸلٸم ساپاسىنا كەرٸ ەسەر ەتەتٸنٸ تٷسٸنٸكتٸ», - دەيدٸ شەبەر-پەداگوگ.
ونىڭ ايتۋىنشا, 2,5 مىڭ بالاعا بٸر عانا سپورت زالى بار. دەنە شىنىقتىرۋ ساباعىنا اپتاسىنا 3 ساعات بەرٸلگەن. بارلىق سىنىپ بٸر سپورت زالىندا جاتتىعۋعا مەجبٷر.
«مەملەكەتتٸك باعدارلاما بويىنشا 2025 جىلعا دەيٸن ەلٸمٸزدە 650 مىڭ بالا سىياتىن 800 مەكتەپتٸڭ سالىناتىندىعى ايتىلدى. اۋىلداعى تٸرەك مەكتەپتەرگە 114 ينتەرنات, 700-دەن استام سپورت زالى سالىنباق ەكەن. وقۋشىلار سانى جىلدان-جىلعا ارتىپ كەلەدٸ. سول سەبەپتٸ جاڭا مەكتەپتەردٸڭ قۇرىلىسى ٶزەكتٸ مەسەلەنٸ شەشپەك», - دەيدٸ بورانباي مەجەنوۆ.
مەكتەپتەرگە باسشىلاردى سايلاۋدا دا ويلانارلىق مەسەلە بار. پەداگوگتىڭ ايتۋىنشا, مەكتەپتە جاس ۇستازدار ٶتە كٶپ. ولار ماگيستراتۋرا, دوكتورانتۋرا بٸتٸرگەن. شەتەلدە وقىپ, تەجٸريبە جيناقتاپ كەلگەندەرٸ دە بار. بٷگٸندە ولار قاراپايىم مۇعالٸم بولىپ ەڭبەك ەتٸپ جٷر.
«جاستاردىڭ العان بٸلٸمٸن, جيناعان تەجٸريبەسٸن نەگە پايدالانىپ, باسشىلىق قىزمەتتەرگە قويماسقا, «جاس كەلسە – ٸسكە» دەگەن بار ەمەس پە?!
پرەزيدەنت ديرەكتورلار اراسىندا روتاتسييا جاساپ تۇرۋ قاجەتتٸگٸن دە ايتتى. كەي ديرەكتورلار بٸر ورىندا 15-20 جىل وتىرادى. مىقتى ديرەكتورلاردى اۋىستىرىپ وتىرسا, ولار ٶز تەجٸريبەلەرٸن باسقا بٸلٸم وردالارىنا ەنگٸزەر ەدٸ. بۇل سىبايلاس جەمقورلىققا دا جول بەرمەس ەدٸ. ديرەكتورلار اتتەستاتسييادان ٷش جىلدا بٸر رەت ٶتٸپ تۇرۋى كەرەك دەگەن دە دۇرىس شەشٸم», - دەيدٸ بٸلٸم بەرۋ ٸسٸنٸڭ ٷزدٸگٸ.
ەڭبەك جولىن اۋىلدا باستاعان ۇستازعا اۋىل مەكتەپتەرٸندەگٸ جاعداي جاقسى تانىس. بورانباي مەجەنوۆتىڭ ايتۋىنشا, قالا مەن اۋىل مەكتەپتەرٸندە ايىرماشىلىق بار ەكەنٸ راس. كەي اۋىلداردا سىنىپتار بوس. بٸراق بٸر مۇعالٸم وقۋشى سانىنىڭ ازدىعىنان تٷرلٸ جاستاعى بالالارعا ساباقتى قاتار بەرۋگە مەجبٷر. ال ول ەڭبەكاقىسىندا ەش ەسكەرٸلمەيدٸ.
«مۇعالٸم مەرتەبەسٸن كٶتەرۋگە بايلانىستى كٶپتەگەن ٸستەر قولعا الىنباق. ەڭبەكاقىسى ەلٸ دە ٶسەدٸ, جۇمىس جٷكتەمەسٸ ازايدى, تٷرلٸ قاعازباستىلىقتان ارىلىپ جاتىر. تاعى بٸر جاقسى جاڭالىق – مۇعالٸمدٸككە وقىپ جاتقان ستۋدەنتتەردٸڭ ستيپەنديياسىن باسقالارعا قاراعاندا 42 مىڭ تەڭگەگە جەتكٸزۋ, دوكتورانتتاردىڭ ستيپەنديياسىن 150 مىڭ تەڭگەگە دەيٸن كٶبەيتۋ مەسەلەسٸ. جوسپارلانعان رەفورما جٷزەگە اسسا - مۇنىڭ بەرٸ بٸرەر جىلدا ٶز نەتيجەسٸن بەرە باستايدى», - دەيدٸ بورانباي مەجەنوۆ.
