بٸلٸم بەرۋ ۇيىمدارىن اتتەستاتتاۋ قاعازدىڭ كٶبەيۋٸنە ەكەپ سوقپاۋى كەرەك. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«مەملەكەتتٸك اتتەستاۋدان ٶتپەك بولعان بالاباقشالاردىڭ 80 پايىزعا جۋىعى اتتەستاتسييا رەسٸمٸنەن ٶتە المادى. بۇل - ساپا بويىنشا سۇراق بار دەگەندٸ بٸلدٸرەدٸ. وسى ۋاقىتقا دەيٸن بالاباقشا دەڭگەيٸندە مەملەكەتتٸك باقىلاۋ تەتٸگٸ بولماعان. جەنە دە ٶزدەرٸڭٸز جاقسى بٸلەسٸزدەر, بالاباقشالار ليتسەنزييانى دا المايدى. ليتسەنزيياسىز جۇمىس ٸستەيدٸ. بۇل شەشٸم كەزٸندە بالاباقشالاردىڭ سانىن جىلدام ۇلعايتۋ ٷشٸن قولدانىلعان بولاتىن. نەتيجەسٸندە قازٸرگٸ ۋاقىتتا 3-6 جاس ارالىعىنداعى بالالاردى 99 پايىز قامتۋ كٶرسەتكٸشٸنە جەتٸپ وتىرمىز. بۇل ٶتە جاقسى كٶرسەتكٸش. بٸراق, بٸزگە كەرەگٸ – ساپا. اتا-انالار تاراپىنان بٸراز سۇراق تۋىنداپ جٷرگەنٸن جاقسى بٸلەمٸز. سوندىقتان مەملەكەتتٸك باقىلاۋدىڭ بولۋى ٶتە ماڭىزدى. وسىعان وراي زاڭناماعا تيٸستٸ ٶزگەرتۋلەر ەنگٸزٸلٸپ, بٸز بٸرٸنشٸ رەت بالباقشالاردىڭ اتتەستاتسيياسىن ٶتكٸزدٸك», - دەدٸ ول مينيسترلٸكتٸڭ اپپارات جينالىسىندا.
مينيستردٸڭ اتاپ ٶتۋٸنشە, مەكتەپكە دەيٸنگٸ بٸلٸم بەرۋ ۇيىمدارىن اتتەستاتتاۋ الداعى ۋاقىتتا كەڭٸنەن قولدانىلاتىن بولادى.
«اتتەستاتتاۋدى جىل بويى ٶتكٸزەتٸن بولامىز. جەكەمەنشٸك بولسىن, مەملەكەتتٸك بولسىن بارلىق بالاباقشاعا قاجەتتٸ ساپانى قامتاماسىز ەتۋ بويىنشا باقىلاۋ بولادى. سول باقىلاۋعا ساي تيٸستٸ ٸس-شارالار دا قابىلدانادى. بۇل ٶتە ماڭىزدى. اتتەستاتتاۋدى قاعاز تولتىرۋ رەسٸمٸنە اينالدىرماۋىمىز كەرەك. بالاباقشا, مەكتەپ, كوللەدج دەڭگەيٸندە باقىلاۋ ٶتكٸزگەندە قۇجات مەسەلەسٸنە كٶڭٸل بٶلمەي, ناقتى ساپاعا نازار اۋدارۋ قاجەت. اتتەستاتتاۋ جەنە باسقا دا باقىلاۋ ٸس-شارالارى قاعازدىڭ كٶبەيۋٸنە ەكەپ سوقپاۋى كەرەك», - دەدٸ اسحات ايماعامبەتوۆ.
