زاڭ ٷستەمدٸگٸن جەنە قوعامدىق تەرتٸپتٸ ساقتاۋ بارشاعا ورتاق مٸندەت ەكەنٸن ۇعىنعان جٶن. بۇل تۋرالى پرەزيدەنت قاسىم-جومارت توقاەۆ ٶزٸنٸڭ «اباي جەنە ححٸ عاسىرداعى قازاقستان» اتتى ماقالاسىندا جازدى, دەپ حابارلايدى "ۇلت اقپارات".
«بٸز ەگەمەن ەل رەتٸندە ٶسٸپ-ٶركەندەۋٸمٸز ٷشٸن مەملەكەتتٸلٸگٸمٸزدٸ نىعايتۋىمىز كەرەك. زاڭ ٷستەمدٸگٸن جەنە قوعامدىق تەرتٸپتٸ ساقتاۋ بارشاعا ورتاق مٸندەت ەكەنٸن ۇعىنعان جٶن. حالىقتىڭ بيلٸككە دەگەن قۇرمەتٸ بولماسا – ەلدٸگٸمٸزگە سىن. سوندىقتان ازاماتتارعا, ەسٸرەسە, جاستارعا مەملەكەتتٸ سىيلاۋدىڭ مەن-ماڭىزىن تٷسٸندٸرۋ قاجەت. وسى رەتتە تاعى دا ابايدىڭ مۇراسىنا زەيٸن قويعان ابزال», - دەلٸنگەن مەملەكەت باسشىسى ماقالاسىندا.
وسى ورايدا ق. توقاەۆ ۇلى اقىن ٶزٸنٸڭ شىعارمالارىندا ەلدٸك مۇراتتى اسقاقتاتىپ, ۇلت بٸرلٸگٸن بيٸكتەتكەنٸن اتاپ ٶتتٸ. ول ەدٸلەتتٸ قوعام قۇرۋ يدەياسىن كٶتەرگەن. دەمەك, ابايدىڭ كٶزقاراستارى ححٸ عاسىرداعى قازاقستان قوعامى جەنە ونىڭ بەرەكە-بٸرلٸگٸ ٷشٸن اسا قۇندى. حاكٸم ابايدىڭ ۇستانىمدارى ٶركەنيەتتٸ مەملەكەت قاعيدالارىمەن ٷندەسەدٸ. زاڭ ٷستەمدٸگٸ, بيلٸكتٸڭ اشىقتىعى مەن حالىق الدىندا ەسەپ بەرۋٸ جوعارى دەڭگەيدە بولىپ, مەملەكەت ٸسٸنە ازاماتتىق قوعام ٶكٸلدەرٸ بەلسەنە ارالاسقان جاعدايدا عانا ەدٸلەتتٸلٸك بەرٸك ورنىعادى.
«مەنٸڭ «حالىق ٷنٸنە قۇلاق اساتىن مەملەكەت» اتتى تۇجىرىمدامام دەل وسى ەدٸلەتتٸ قوعام يدەياسىن دامىتۋ ماقساتىمەن ۇسىنىلدى. بيلٸك پەن قوعام اراسىنداعى سىندارلى ديالوگ مەملەكەتكە دەگەن سەنٸمدٸ نىعايتا تٷسەدٸ. ٷكٸمەت مٷشەلەرٸ, سونىڭ ٸشٸندە مينيسترلەر مەن ەكٸمدەر مەملەكەتتٸك جەنە قوعامدىق ماڭىزى بار مەسەلەلەرگە قاتىستى شەشٸم قابىلداعان كەزدە ازاماتتاردىڭ ۇسىنىستارى مەن تٸلەكتەرٸن ەسكەرۋٸ كەرەك. مۇنى اباي مەڭزەگەن ەدٸلەتتٸ قوعام قالىپتاستىرۋدىڭ بٸردەن-بٸر شارتى دەپ بٸلەمٸن», - دەدٸ پرەزيدەنت.
سونىمەن قاتار مەملەكەت باسشىسى بۇل باعىتتا ۇلتتىق قوعامدىق سەنٸم كەڭەسٸنٸڭ ماڭىزدىلىعىنا توقتالدى.
«ۇلى اقىن «كەلەلٸ كەڭەس جوعالدى, ەل سىبىردى قولعا الدى» دەگەندٸ بەكەر ايتقان جوق. ەلگە بيلٸك جٷرگٸزەتٸندەرگە جۇرتتىڭ كٶڭٸلٸ تولمايتىنىن دا اڭعارتادى. «سىبىردان باسقا سىرى جوق, شارۋاعا قىرى جوق» زامانداستارىمىز كٶبەيمەس ٷشٸن بيلٸك حالىققا ەردايىم قۇلاق تٷرٸپ وتىرعانى جٶن. مەملەكەت پەن قوعام ٶكٸلدەرٸ تٷيتكٸلدٸ مەسەلەلەردٸ بٸرگە تالقىلاپ, شەشٸمٸن تابۋ ماقساتىندا ۇلتتىق قوعامدىق سەنٸم كەڭەسٸن قۇردىق. كەڭەس فورمالدى سيپات الىپ كەتپەۋٸ ٷشٸن ونىڭ مٷشەلەرٸمەن ارنايى كەزدەسٸپ, جۇمىسىن جٸتٸ قاداعالاپ وتىرمىن», - دەپ قاداپ ايتتى قاسىم-جومارت توقاەۆ.
