بيلٸك قاڭتار وقيعاسىنا قاتىستى بارلىق شىندىقتى ايتىپ وتىر. بۇل تۋرالى بٷگٸن پارلامەنت مەجٸلٸسٸنٸڭ تٶراعاسى ەرلان قوشانوۆ مەلٸم ەتتٸ, دەپ حابارلايدى قازاقپارات.
سپيكەر قاڭتار وقيعاسى كەزٸندەگٸ وق اتۋ مەسەلەسٸ تۋرالى قويىلعان ساۋالعا جاۋاپ بەردٸ.
«بۇل تۋرالى مەملەكەت باسشىسى قاسىم-جومارت كەمەلۇلى توقاەۆ حالىققا ٷندەۋٸندە جارييالاعان بولاتىن. نەگٸزٸندە شەشٸم قاۋٸپسٸزدٸك كەڭەسٸندە قابىلداندى. بٸز ونى دۇرىس تٷسٸنۋٸمٸز كەرەك. ٶيتكەنٸ بۇل – تەرروريستٸك شابۋىل. قاۋٸپسٸزدٸك كەڭەسٸندە تەرروريزمگە قارسى وپەراتسييا دەگەن تٷسٸنٸك بار. سوعان سەيكەس شەشٸم قابىلداندى. وندا ەسكەريلەردٸڭ, قۇقىق قورعاۋ ورگاندارىنىڭ ٶمٸرٸنە, مەملەكەتتٸڭ كونستيتۋتسييالىق قۇرىلىمىنا, ادامداردىڭ دەنساۋلىعىنا قاۋٸپ تٶنگەن جاعدايدا وق اتۋعا رۇقسات بەرٸلگەن. سول كەزەڭدە مەملەكەتتٸڭ تاعدىرى قىل ٷستٸندە تۇردى. پرەزيدەنتتٸڭ, قاۋٸپسٸزدٸك كەڭەسٸنٸڭ شەشٸمٸ بولماعاندا, بەرٸ باسقاشا بولار ەدٸ», - دەدٸ ەرلان قوشانوۆ مەجٸلٸستە تٸلشٸلەر ساۋالىنا جاۋاپ بەرە وتىرىپ.
سونىمەن قاتار مەجٸلٸس تٶراعاسى تەرگەۋ امالدارىنىڭ اشىق ەرٸ جارييا تٷردە جٷرٸپ جاتقانىن ايتتى.
«بيلٸك قاڭتار وقيعاسىنا قاتىستى بارلىق شىندىقتى ايتىپ وتىر. ەشبٸر جاسىرىپ قالعان مەسەلە جوق. تەرگەۋ باستالعانىنا ەكٸ-اق اي بولدى. بۇل – ٶتە اۋقىمدى تەراكت. مىڭداعان ادام قاتىستى. مەسەلەن, نورۆەگييادا 70-80 ادام ٶلتٸرگەن برەيۆيكتٸڭ ٸسٸ بٸر جىلعا جالعاستى. ال بٸزدە مۇنداي اۋقىمدى وقيعا بولماعان. سوندىقتان مەسەلەنٸڭ مەن-جايىن انىقتاۋ ٷشٸن ناقتى دەلەلدەر مەن ۋاقىت قاجەت. بۇل – ٷلكەن ەرٸ جاۋاپتى جۇمىس», - دەدٸ پالاتا سپيكەرٸ.
