قازاقستان قۇراماسىنىڭ باس باپكەرٸ عالىمبەك كەنجەباەۆ بيبوسىنوۆتىڭ جەكپە-جەگٸ بويىنشا نەگە نارازىلىق جاسالماعانىن ايتتى, دەپ حابارلايدى Sputnik قازاقستان .
"بۇل وليمپيادا AIBA-نىڭ (حالىقارالىق بوكس قاۋىمداستىعى - Sputnik) ەرەجەسٸ بويىنشا ٶتٸپ وتىرعان جوق. وندا باپكەرلەرگە جەكپە-جەكتٸڭ قورىتىندىسىنا قارسىلىق بٸلدٸرۋگە مٷمكٸندٸك بەرٸلەدٸ. ەربٸر كومانداعا ەكٸ رەت نارازىلىق جاساۋعا بولادى. ال وسى جولى بەرٸن حالىقارالىق وليمپيادا كوميتەتٸ ۇيىمداستىرىپ وتىر. ولار وليمپيادانىڭ الدىندا بەرٸمٸزگە "پروتەست بولمايدى, پروتەست جازباي-اق قويىڭدار" دەگەن. بەرٸبٸر قارالمايدى. سول سەبەپتٸ نارازىلىق بٸلدٸرگەن جوقپىز", - دەدٸ كەنجەباەۆ ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
ونىڭ ايتۋىنشا, باپكەرلەر بيبوسىنوۆتىڭ فينالدا التىن الاتىنىنا سەنٸمدٸ بولعان.
"بٸز سەكەن فينالعا شىقسا, ەندٸگٸ قارسىلاسى فيليپپيندٸك بولادى دەپ ويلادىق. بيبوسىنوۆ ونى يوردانييادا ٶتكەن تۋرنيردە جەڭگەن. التىن الۋعا بولاتىن ەدٸ. بٸز التىندى سەكەننەن عانا كٷتكەن جوقپىز. باسقا دا جٸگٸتتەر بولدى. بٸراق ولاردىڭ جولى بولماي, ۇتىلىپ قالدى. بوكستا بٸز ەربٸر سپورتشىدان ٷمٸت كٷتەمٸز. وسى جولى سەكەن جاقسى دايىندالىپ كەلدٸ. بٸرٸنشٸ جەكپە-جەكتەن باستاپ جاقسى ٶنەر كٶرسەتتٸ. ٶكٸنٸشكە قاراي, بولمادى", - دەپ اتاپ كٶرسەتتٸ كەنجەباەۆ.
باس باپكەر بوكسشىلارعا پسيحولوگييالىق تۇرعىدا قيىن بولدى دەپ سانايدى.
بٷگٸن توكيو وليمپياداسىندا سوڭعى بوكسشىمىز سەكەن بيبوسىنوۆ جارتىلاي فينالدا ۇلىبريتانييالىق گالال يافايدان 2:3 ەسەبٸمەن ۇتىلىپ, قولا مەدالدٸ قاناعات تۇتتى.
ايتا كەتەرٸ, وسى جولى بوكستان قازاقستان قۇراماسى العاش رەت وليمپيادادان التىن مەدالسٸز قايتادى. توكيودا ولار ەكٸ قولا عانا جەڭٸپ الدى.
