بعم ٷش اۋىسىمدى مەكتەپتەر مەسەلەسٸن قالاي شەشەدٸ?

ۆيتسە-مينيستر بٸلٸم سالاسىنداعى ٶزەكتٸ پروبلەمالاردىڭ بٸرٸ – اپاتتى جەنە ٷش اۋىسىمدى مەكتەپتەر ەكەنٸن مويىندادى.

«اپاتتى مەكتەپتەردٸڭ قاتارىندا پايدالانۋ مەرزٸمٸ اياقتالىپ كەلە جاتقان بٸلٸم وردالارى قوسىلۋدا. ەلٸمٸزدەگٸ 82% مەكتەپ 1991 جىلعا دەيٸن, ال 34% مەكتەپ 1971 جىلعا دەيٸن تۇرعىزىلعان. ٷش اۋىسىمدى مەكتەپتەردٸڭ پروبلەماسى ەكونوميكالىق, دەموگرافييالىق جەنە ميگراتسييالىق پروتسەستەرگە بايلانىستى بولىپ وتىر», - دەدٸ ول.

وسى ورايدا ەلميرا سۋحانبەرديەۆا اتالعان مەسەلەنٸ شەشۋ ٷشٸن ەلٸمٸزدە جىل سايىن 100-دەن استام مەكتەپ سالىناتىن جەتكٸزدٸ.

«بيىل 53 ملرد تەڭگەگە 108 مەكتەپ سالىنىپ جاتىر. 3 جىلدىق بيۋدجەتتە 97 ملرد تەڭگەگە 73 جاڭا مەكتەپتٸڭ قۇرىلىسى قولداۋ تاپتى. ونىڭ ٸشٸندە 50 ملرد تەڭگەگە 34 مەكتەپ بار. ٷش اۋىسىمدى مەكتەپ مەسەلەسٸن شەشۋ ٷشٸن 33 مەكتەپ سالىنۋدا. تاعى 30 مەكتەپ الداعى 3 جىلدا سالىنادى. ونىڭ 19-ى بٶلٸنگەن 50 ملرد تەڭگەگە سالىنادى. ولاردىڭ قۇرىلىسى رەسپۋبليكالىق بيۋدجەت ەسەبٸنەن قارجىلاندىرىلادى 41 مەكتەپتٸ جەرگٸلٸكتٸ ورگاندار تۇرعىزادى. ال 9 مەكتەپتٸ جەكە-مەنشٸك ينۆەستورلاردىڭ كٶمەگٸمەن سالامىز دەپ جوسپارلادىق», - دەدٸ مينيستردٸڭ ورىنباسارى.

سۋحانبەرديەۆانىڭ ايتۋىنشا, اپاتتى مەكتەپتەردٸڭ ورنىنا 13 وبەكتٸ سالىنادى.

«ونىڭ التاۋى جاقىن جىلدارى, قالعان بەسەۋٸ رەسپۋبليكالىق بيۋدجەتتەن بٶلٸنەتٸن 50 ملرد تەڭگەگە سالىنادى. 12 مەكتەپتٸ جەرٸگٸلٸكتٸ ورگاندار تۇرعىزادى. وسىلايشا, اتالعان مەسەلە تولىعىمەن شەشٸلەدٸ», - دەپ تٷيٸندەدٸ سٶزٸن ۆيتسە-مينيستر.

ەستەرٸڭٸزدە بولسا, ۆيتسە-مينيستر مۇعالٸم مەرتەبەسٸ تۋرالى زاڭدى دايىنداۋعا كٸرٸسٸپ كەتكەندٸكتەرٸن ايتقان بولاتىن. سونىمەن قاتار, بيىلعى جىلى قانشا ۇستازدىڭ جالاقىسى كٶتەرٸلگەنٸ تۋرالى دا ايتقان ەدٸ. ال ەلٸمٸزدە قانشا ۇستازدىڭ قانشا پەندٸ اعىلشىن تٸلٸندە وقىتىپ جٷرگەنٸن دە ۆيتسە-مينيستر تٸلگە تيەك ەتكەن بولاتىن. سونداي-اق, ۆيتسە-مينيستر الداعى جىلى 1-سىنىپتان باستاپ يمفورماتيكا پەنٸ وقىتىلاتىنىن ايتتى. بۇدان بٶلەك ەلميرا سۋحانبەرديەۆا مەكتەپتە "ٶلكەتانۋ" كۋرسى وقىتىلاتىنىن جەتكٸزدٸ.