بعم بالاباقشالارعا قويىلاتىن تالاپتاردى كٷشەيتٸپ جاتىر. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ Telegram ارناسىندا جازدى, - دەپ حابارلايدى "ۇلت اقپارات".
مينيستردٸڭ ايتۋىنشا, ورناتىلعان بەينەكامەرالاردىڭ ارقاسىندا قوعام بالالاردىڭ قۇقىقتارى بۇزىلعان فاكتٸلەر تۋرالى حاباردار وتىر. بۇل بالاباقشالارعا قويىلاتىن تالاپتاردى كٷشەيتۋ قاجەتتٸلٸگٸ تۋرالى ۇستانىمىمىزدىڭ ٶزەكتٸلٸگٸن راستايدى.
"ون جىلدان استام ۋاقىت بۇرىن بالاباقشالار سانىنىڭ جىلدام ٶسۋٸن ىنتالاندىرۋ ٷشٸن ليتسەنزييالاۋدان, كەيٸن مەملەكەتتٸك باقىلاۋدان, مونيتورينگتەن جەنە ولاردىڭ قىزمەتٸن رەتتەۋدەن باس تارتۋ تۋرالى شەشٸم قابىلداندى. ول قانداي نەتيجە بەردٸ?
جەكەمەنشٸك بالاباقشالار سانى كٷرت ارتىپ, 3 جاستان 6 جاسقا دەيٸنگٸ بالالار بٸردەن 99%-عا دەيٸن قامتىلدى. بۇل - جاقسى نەتيجە. الايدا بالاباقشالار سانىن كٶبەيتۋگە مٷمكٸندٸك بولسا دا, ساپا مەسەلەسٸ ٶزەكتٸ بولىپ قالا بەرەدٸ. بالاباقشالاردىڭ جارتىسى تەحنيكالىق جەنە سانيتارلىق تالاپتارعا ساي كەلمەيتٸن عيماراتتاردا, بٸلٸكتٸ ماماندارسىز جەنە قاۋٸپتٸ جاعدايلاردا اشىلعان. مۇنداي فاكتٸلەر جەتكٸلٸكتٸ" - دەپ جازدى ول.
مينيستر ەكٸ جىل بۇرىن ليتسەنزييالاۋ مەن مەملەكەتتٸك باقىلاۋدى قايتارۋعا ەرەكەت جاساعاندارىن ايتتى. الايدا سول كەزدە كەسٸپكەرلەر پالاتاسى, بالاباقشالار قاۋىمداستىعى جەنە بٸرقاتار مەملەكەتتٸك ورگان ۇستانىمى بۇل نورمانى زاڭعا ەنگٸزۋگە مٷمكٸندٸك بەرمەگەن.
"بٸراق بٸز بۇل باعىتتا جۇمىستى توقتاتپادىق. بىلتىردىڭ سوڭىندا مەملەكەتتٸك اتتەستاتتاۋ جٷيەسٸن ەنگٸزە الدىق. اتتەستاتسييا نەتيجەسٸ كٶڭٸلدەن شىقپادى. تەكسەرٸستەن ٶتكەن بالاباقشالاردىڭ 80%-ى مەملەكەتتٸك اتتەستاتسييادان ٶتە المادى.
ەڭگٸمە بالاباقشاداعى بٷلدٸرشٸندەرگە قولايلى جاعداي جاسالماۋى, وقۋ-تەربيە جۇمىستارىنىڭ مەملەكەتتٸك بٸلٸم بەرۋ ستاندارتىنا, قاۋٸپسٸزدٸك تەحنيكاسى, ٶرت جەنە سانيتارلىق نورمالاردىڭ تالاپتارعا سەيكەس كەلمەۋٸ, تەربيەشٸلەردٸڭ قول كٶتەرۋٸ جەنە باسقا دا كەلەڭسٸز فاكتٸلەر تۋرالى بولىپ وتىر" - دەيدٸ مينيستر.
ۆەدومستۆو بەس نەگٸزگٸ باعىت بويىنشا جۇمىس ٸستەپ جاتىر:
1. ليتسەنزييالاۋدى قايتارۋ. بۇل مەسەلە بويىنشا دەپۋتاتتاردىڭ, قوعام مەن مەملەكەتتٸك ورگانداردىڭ قولداۋىنا ٷمٸت ارتامىز.
2. جۇمىس جاعدايلارى مەن ساپاسىن تەكسەرٸپ, بارلىق بالاباقشانى اتتەستاتسييالاۋدان ٶتكٸزۋ.
3. بالاباقشالارعا مەملەكەتتٸك تاپسىرىستاردى ورنالاستىرۋعا قويىلاتىن تالاپتاردى كٷشەيتۋ.
4. مەكتەپكە دەيٸنگٸ مەكەمە قىزمەتكەرلەرٸنٸڭ كادرلىق ەلەۋەتٸن ارتتىرۋ. كوللەدجدەر مەن جوو-لاردا مامانداردى دايارلاۋ ساپاسىن ارتتىرۋ.
5. مەكتەپكە دەيٸنگٸ بٸلٸم بەرۋدٸڭ جاڭا مودەلٸ بويىنشا باعدارلامالاردىڭ مازمۇنىن جاڭارتۋ.
مينيستردٸڭ ايتۋىنشا, سوڭعى جىلدارى بالاباقشا تەربيەشٸسٸ ماماندىعىنا وقۋعا تٷسۋگە كونكۋرس كٷرت تٶمەندەپ كەتكەن. بۇل ەڭ الدىمەن جالاقىعا بايلانىستى.
"تەربيەشٸلەردٸڭ جالاقىسى جىل سايىن 25%-عا ٶسكەنٸمەن, بازالىق جالاقىنىڭ ازدىعىنان ول ەلٸ دە بولسا جەتكٸلٸكسٸز بولىپ وتىر. قازٸر بٸز بٸرنەشە بالاباقشادا پيلوتتىق جوبا باستادىق. بۇل جوبا بويىنشا ەكٸ تەربيەشٸ جارتى كٷن ەمەس, كٷنٸ بويى جۇمىس ٸستەپ, ەكٸ ەسە جالاقى الادى. كەيٸن پيلوتتىق جوبا نەتيجەسٸ بويىنشا شەشٸم قابىلدانادى.
ەرينە, جەكەمەنشٸك بالاباقشا اشاتىن كەسٸپكەرلەردٸ قولداۋ ماڭىزدى ەكەنٸن تٷسٸنەمٸز. بٸراق بٸزدٸڭ جۇمىسىمىزداعى باستى باعىت – بالالاردىڭ قاۋٸپسٸزدٸگٸ جەنە ولارعا قولايلى ەرٸ ساپالى جاعداي جاساۋ. مۇنداي ەرەجەلەر اتا-انالار ٷشٸن ماڭىزدى جەنە ادال كەسٸپكەرلەر ٷشٸن پايدالى دەپ ەسەپتەيمٸن" - دەپ تٷيٸندەدٸ ايماعامبەتوۆ.
