2022 جىلعى قىسقى پاراليمپيادا ويىندارىندا قازاقستان نامىسىن كٸمدەر قورعايتىنى بەلگٸلٸ بولدى, - دەپ حابارلايدى Tengrinews.kz تٸلشٸسٸ ۇلتتىق پاراليمپيادا كوميتەتٸنە سٸلتەمە جاساپ.
XIII قىسقى پاراليمپيادا ويىندارى 4-13 ناۋرىز ارالىعىندا ٶتەدٸ. وعان ەلەمنٸڭ 50 ەلٸنەن 700-دەن اسا سپورتشى قاتىسادى. ۇلتتىق قۇرامادا بەس سپورتشى بار: الەكساندر گەرليتس, ەربول حاميتوۆ, سەرگەي ۋسولتسەۆ, يۋريي بەرەزين جەنە دەنيس پەترەنكو. قازاقستاننىڭ پاراليمپياداشىلارى ەكٸ سپورت تٷرٸنەن ٶنەر كٶرسەتەدٸ: شاڭعى جارىسى جەنە پارابياتلون.
"بيىل COVID-19 جاعدايى قىسقى پاراليمپياداعا سپورتشىلاردىڭ تولىق دەڭگەيدە قاتىسۋىنا كەدەرگٸ كەلتٸردٸ. ليتسەنزييا الۋعا دايىندىق كەزٸندە كەيبٸر سپورتشى بٸلٸكتٸلٸك راۋندتارىنان ٶتە المادى. باستاپقىدا كٶپ سپورتشى بارادى دەپ جوسپارلانعان بولاتىن. بٸراق قازٸر قۇراما تولىق قۇرامدا بارا جاتقان جوق. بٸزدٸڭ پاراليمپياداشىلار قىسقى ويىندارعا ٷلكەن جۇمىس جاسادى. پاراليمپياداعا قاتىسۋدىڭ ٶزٸ - ٷلكەن جەتٸستٸك. ولاردىڭ جەڭٸسكە دەگەن ۇمتىلىسى جەنە ٶزدەرٸنە دەگەن بەرٸك سەنٸمٸ بار", - دەدٸ ۇلتتىق پاراليمپيادا كوميتەتٸنٸڭ پرەزيدەنتٸ قايرات بورانباەۆ.
ويىنداردىڭ اشىلۋ سالتاناتى 4 ناۋرىزدا نۇر-سۇلتان ۋاقىتىمەن 22.00-دە ٶتەدٸ. شاڭعى جارىسى بويىنشا ەلەم كۋبوگىنىڭ قولا جٷلدەگەرٸ, حالىقارالىق دەرەجەدەگٸ سپورت شەبەرٸ ەربول حاميتوۆ قازاقستان پاراليمپيادا قۇراماسىنىڭ تۋىن ۇستاپ شىعادى.
"قازٸر شاڭعى جارىسىنان قازاقستان ۇلتتىق قۇراماسى الماتى وبلىسىندا, ولارعا پاراليمپيادا الدىندا وقۋ-جاتتىعۋ جيىنى ٶتٸپ جاتىر. بەرٸ كارانتين رەجيمٸنە ساي ٶتەدٸ. كوروناۆيرۋستى تاراتپاۋ بويىنشا بارلىق ساقتىق شاراسى قاراستىرىلدى. قىسقى ويىندارعا قاۋٸپسٸز جاعدايدا قاتىسۋ جەنە سپورتشىلارىمىزدىڭ دەنساۋلىعى - باستى نەرسە. سپورتشىلاردىڭ جاعدايى جاقسى", - دەدٸ شاڭعى جارىسىنان قازاقستان قۇراماسىنىڭ باس باپكەرٸ ۆاسيليي كولوميەتس.
