قىتاي استاناسىندا كوروناۆيرۋسقا شالدىققان سوڭعى ەكٸ پاتسيەنت اۋرۋحانادان شىقتى, دەپ حابارلايدى بەيجٸڭنٸڭ گيگيەنا جەنە دەنساۋلىق ساقتاۋ كوميتەتٸ.
بەيجٸڭدە كوروناۆيرۋس ەپيدەميياسى باستالعاننان بەرٸ العاش رەت COVID-19 جۇقتىرعان بٸردە-بٸر ادام قالعان جوق.
ەسكە سالا كەتسەك, كوروناۆيرۋس تارالا باستاعان كەزدەن بەرٸ قىتاي استاناسىندا 935 ادام COVID-19 جۇقتىرعان, سونىڭ ٸشٸندە 335 ادام ماۋسىم ايىندا «سينفادي» كٶتەرمە بازارىندا بولعان ٶرشۋدەن كەيٸن اۋىرىپ قالعان.
قازٸرگٸ كەزدە بەيجٸڭ بيلٸگٸ ەپيدەميولوگييالىق قاداعالاۋ شارالارىن ەلسٸرەتتٸ: ەندٸ كٶشەلەردە ماسكا تاعۋ مٸندەتتٸ ەمەس. بٸراق قوعامدىق كٶلٸكتەر مەن ادامدار كٶپ جينالاتىن جەرلەردە (ساۋدا ورتالىقتارى, مەدەني جەنە ويىن-ساۋىق مەكەمەلەر, مەملەكەتتٸك مەكەمەلەر) ماسكا تاعۋ قاجەت.
رەسمي ستاتيستيكا بويىنشا, قۇرلىقتىق قىتايدا ٸندەت جۇقتىرعان ادامداردىڭ 94 پايىزدان استامى جازىلىپ شىققان. 2019 جىلدىڭ جەلتوقسان ايىنان بەرٸ Covid-19 ۆيرۋسىن 85 مىڭعا جۋىق ادام جۇقتىردى. ٶلٸم كٶرسەتكٸشٸ 5,45 پايىزدى كٶرسەتٸپ وتىر (4,6 مىڭنان استام ادام قايتىس بولدى). بٷكٸل ەل بويىنشا اۋرۋحانالاردا دياگنوزى راستالعان 324 ادام جاتىر (ٶتكەن كٷنٸ 31 ادام جازىلىپ شىقتى). تٶرت پاتسيەنتتٸڭ جاعدايى اۋىر.
