بٷگٸندە قىتايدا قىسقى اق وليمپيادا ٶتٸپ جاتىر. ٶكٸنٸشكە قاراي, قازاقستاننىڭ قورجىنىندا ەزٸرگە جٷلدە جوق. وسى ورايدا قازاقستاننىڭ ۇلتتىق وليمپيادا كوميتەتٸ سپورت ديرەكتسيياسىنىڭ ديرەكتورى ەلسييار قاناعاتوۆ ايتۋلى جٷلدەگە قاتىستى مەن-جايدى تٷسٸندٸرٸپ بەردٸ, دەپ حابارلايدى قازاقپارات.
«ەرينە, سپورتشىلارىمىزعا پاتريوتتىق سەزٸم تۋرالى ٷنەمٸ ايتىپ وتىرامىز. جالپى قىسقى سپورت تٷرٸنە كەلسەك, بٸزدە 2 كەشەن بار. بٸرٸ الماتىدا, ەكٸنشٸسٸ ششۋچينسكٸدە. جالپى ايتقاندا, قىسقى سپورت تٷرٸ مەن ەر الاڭنىڭ ٶزٸندٸك قىر-سىرى بار. ياعني سپورتشى سول جەرگە بارىپ دايىندالماسا بولمايدى. دەمەك وتاندىق سپورتشىلار شەتەلگە جيٸ شىعىپ, دايىندالۋى تيٸس», - دەدٸ ەلسييار قاناعاتوۆ بەيجٸڭنەن تٸكەلەي ەفيردە ٶتكەن باسپاسٶز مەسليحاتىندا.
ونىڭ ايتۋىنشا, بەيجٸڭ وليمپياداسىنان كەيٸن ۇلتتىق قۇرامانىڭ ٶنەر كٶرسەتۋٸنە قاتىستى قورىتىندى جاسالادى.
«قىسقى وليمپياداعا 91 مەملەكەت قاتىسىپ وتىر. سونىڭ ٸشٸندە بٸزدٸڭ مەملەكەت ايتارلىقتاي نەتيجە كٶرسەتۋدە. ايتار بولساق, فريستايلدان قىزدارىمىز قانداي سەكٸرۋلەر جاسادى. ونى ٶزدەرٸڭٸز كٶردٸڭٸزدەر», - دەيدٸ ول.
