كٶكشەتاۋلىق وقۋشىلارعا WhatsApp ارقىلى جازىپ نەمەسە حابارلاسىپ "كالمار ويىنىنا" قاتىسۋعا شاقىرىپ جاتىر. وسىعان بايلانىستى قالالىق بٸلٸم بٶلٸمٸ ارنايى بەينەٷندەۋ جارييالادى, دەپ حابارلايدى Sputnik قازاقستان.
ەلەۋمەتتٸك جەلٸدە پايدا بولعان ويىن وڭتٷستٸككورەيالىق "كالمار ويىنى" جەلٸسٸ بويىنشا جاسالعان. سەريال قارجىدان قىسىلىپ, ارالعا ويناۋعا بارۋعا كەلٸسكەن كەيٸپكەرلەر ٶمٸرٸنە نەگٸزدەلگەن. ولار تەك بٸر ادام عانا تٸرٸ قالعانشا وينايدى. سەريال ەلەم بويىنشا قىزىعۋشىلىققا يە بولدى. وقۋشىلار سەريال ستسەنارييٸن قايتالاۋعا ەۋەس.
"قازٸرگٸ ۋاقىتتا مۇنداي فاكت كٶكشەتاۋدا دا بايقالادى. WhatsApp ارقىلى نەمەسە تٷرلٸ نٶمٸردەن قوڭىراۋ شالىپ "كالمار ويىنىنا" قاتىسۋعا شاقىرادى", - دەدٸ قالالىق بٸلٸم بٶلٸمٸ جەتەكشٸسٸنٸڭ ورىنباسارى اينۇر مۋسينا.
ول بالالارعا ويىن مەن مانيپۋلياتسييانىڭ ايىرماشىلىعىن تٷسٸندٸرۋگە شاقىردى.
"بالالارعا: "جوق, مەن مۇنداي ويىنعا قاتىسپايمىن", "بۇل قاتىگەز ويىن, ماعان ۇنامايدى" دەگەن سٶزدەر ٷيرەتٸڭٸز", - دەدٸ مۋسينا.
وسىنداي جاعداي بايقالسا, 102 تەلەفونىنا حابارلاسۋعا كەڭەس بەردٸ. بۇل مەسەلەنٸ قالالىق پوليتسييا باسقارماسى باقىلاۋعا العانى ايتىلىپ وتىر.
بۇل وقيعاعا بايلانىستى ەرەسەكتەر ەكٸ توپقا بٶلٸندٸ. بٸرٸ بەلگٸلٸ "سينيي كيتكە" ۇقساتسا, ەندٸ بٸرٸ ايتارلىقتاي قاۋٸپ كٶرٸپ وتىرعان جوق. ولاي بولسا, "يگرا پرەستولوۆ" سەريالى, Counter-Strike پەن Minecraft ويىندارى دا قاۋٸپتٸ دەگەندٸ العا تارتادى.
پوليتسييا دەپارتامەنتٸ ەزٸرگە تٷسٸنٸكتەمە بەرگەن جوق.
