جاڭا زاڭ جوباسى بيلٸك پەن حالىق اراسىنداعى بايلانىستى نىعايتادى. بۇل تۋرالى كٶكشەتاۋدا ٶتكەن «قازاقستان رەسپۋبليكاسىندا بەيبٸت جيىندار, شەرۋ, پيكەتتەر, دەمونستراتسييالىق جينالىستاردى ٶتكٸزۋ مەن ۇيىمداستىرۋ تەرتٸبٸ تۋرالى» زاڭ جوباسى تالقىلانعان ديالوگتىق الاڭدا «قازاق تٸلٸ مەن مەدەنيەتٸ» قوعامدىق بٸرلەستٸگٸنٸڭ تٶراعاسى مەيرامبەك قيىقوۆ ايتتى, دەپ حابارلايدى قازاقپارات.
«مەملەكەت باسشىسىنىڭ «حالىق ٷنٸنە قۇلاق اساتىن مەملەكەت» تۇجىرىمداماسى قالىڭ ەل تاراپىنان قولداۋ تاپقان بولاتىن. ياعني, وعان سەيكەس, بيلٸك بۇقاراعا بارىنشا جاقىن بولۋى كەرەك. شەنەۋنٸكتەر الدىنا كەلگەن ادامعا شەكەسٸنەن قاراماي, قايتا مەسەلەسٸن شەشٸپ بەرۋگە ۇمتىلۋى تيٸس. بيلٸك تۇرعىنداردىڭ ەلەۋمەتتٸك, تۇرمىستىق مەسەلەلەرٸن قوردالاندىرماي شۇعىل شەشۋٸ كەرەك. مەسەلە شەشٸلمەگەندٸكتەن حالىقتىڭ كٶشەگە شىعۋىنا تۋرا كەلەدٸ», - دەدٸ جيىنعا قاتىسقان «قازاق تٸلٸ مەن مەدەنيەتٸ» قوعامدىق بٸرلەستٸگٸنٸڭ تٶراعاسى مەيرامبەك قيىقوۆ.
سونىمەن قاتار, ول دەموكراتييالىق باعىت ۇستانعان ەل ٷشٸن حالىق مۇڭ-مۇقتاجىن بيلٸككە زاڭدى جولمەن جەتكٸزە الاتىن بەيبٸت جيىندار تۋرالى زاڭنىڭ بولعانىن قولداپ وتىر.
«ەگەر بيلٸك حالىقتىڭ ەلەۋمەتتٸك, تۇرمىستىق مەسەلەلەرٸن جەدەل شەشٸپ وتىرسا, وندا حالىقتىڭ بيلٸككە دەگەن سەنٸمٸ ارتىپ, ميتينگتٸڭ دە سانى از بولار ەدٸ. دەگەنمەن, ەل بولعان سوڭ مەسەلە بولماي تۇرمايدى. ەرينە, دەموكراتيياعا اياق باسقان ەل ٷشٸن مۇنداي زاڭنىڭ بولعانى دۇرىس. وسى زاڭ ارقىلى بيلٸك پەن حالىق اراسىنداعى بايلانىس نىعايا تٷسەدٸ دەپ ەسەپتەيمٸن», - دەپ تولىقتىردى مەيرامبەك قيىقوۆ.
ايتا كەتەيٸك, بٷگٸن كٶكشەتاۋدا قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸنٸڭ جاۋاپتى حاتشىسى جانات قوجاحمەتوۆتٸڭ قاتىسۋىمەن بەيبٸت جيىندار تۋرالى زاڭ جوباسىن قوعامدىق تالقىعا سالعان ديالوگتىق الاڭ ۇيىمداستىرىلدى.
شاراعا جەرگٸلٸكتٸ قوعامدىق بٸرلەستٸك تٶراعالارى, ٷكٸمەتتٸك ەمەس ۇيىمدار مەن پارتييا فيليالدارىنىڭ بەلسەندٸلەرٸ, كەسٸپوداقتار جەنە بۇقارالىق اقپارات قۇرالدارى ٶكٸلدەرٸ قاتىستى.
