قاراعاندى قالاسىنداعى «دوستىق ٷيٸندە» اقپارات جەنە قوعامدىق دامۋ مينيسترٸ دەۋرەن اباەۆتىڭ قاتىسۋىمەن دٶڭگەلەك ٷستەل وتىرىسى ٶتتٸ. وندا «قازاقستاندا بەيبٸت جينالىستار ۇيىمداستىرۋ جەنە ٶتكٸزۋ تەرتٸبٸ تۋرالى» قر زاڭىنىڭ جوباسى تالقىلاندى, دەپ حابارلايدى "ۇلت اقپارات".
كەزدەسۋگە قوعام قايراتكەرلەرٸ, ساياسي پارتييانىڭ, قوعامدىق بٸرلەستٸكتەردٸڭ, كەسٸپوداق ۇيىمدارىنىڭ ٶكٸلدەرٸ, سونداي-اق قاراعاندى وبلىسىنىڭ زاڭگەرلەرٸ, جۋرناليستەرٸ, مەملەكەتتٸك ورگاندار ٶكٸلدەرٸ قاتىستى. زاڭ جوباسىن تالقىلاۋعا قاراعاندى وبلىسىنا ارنايى كەلگەن اقپارات جەنە قوعامدىق دامۋ مينيسترٸ دەۋرەن اباەۆقا ولار ٶز ۇسىنىستارىن بٸلدٸردٸ.
«مۇنداي قوعامدىق تىڭداۋلار تەك نۇر-سۇلتان مەن الماتىدا عانا ەمەس, پاۆلودار, پەتروپاۆل, كٶكشەتاۋ, ورال, ٶسكەمەن جەنە شىمكەنت قالالارىندا ٶتكٸزٸلدٸ. جوبانىڭ تولىق مەتٸنٸ egov.kz سايتىنا ورنالاستىرىلدى, بارلىق تٸلەك بٸلدٸرۋشٸلەر ونىمەن تانىستى. قازٸر بٸز قازاقستاندىقتار دا, مەملەكەت باسشىسى دا كەلٸسپەيتٸن كەيبٸر نورمالاردى باستاپقى نۇسقادان الىپ تاستادىق. مىسالى, ونىڭ تاپسىرماسى بويىنشا زاڭنان 250-دەن استام ادام قاتىسقان بەيبٸت جينالىستار رۇقسات بەرۋ سيپاتىندا بولۋى تيٸس دەگەن نورما الىپ تاستالدى. ەندٸ جوبادا بارلىق جينالىستاردىڭ قاتىسۋشىلار سانىنا قاراماستان حابارلاما سيپاتىندا بولۋى تۋرالى سٶز بولىپ وتىر. ياعني, ميتينگ ٶتكٸزۋ ٷشٸن رۇقسات الۋدىڭ قاجەتٸ جوق, تەك جەرگٸلٸكتٸ اتقارۋشى ورگاندارعا حابارلاما جٸبەرۋ كەرەك», - دەدٸ دەۋرەن اباەۆ.
سونداي-اق, مينيستر جينالىستى ٶتكٸزۋگە رۇقسات بەرٸلگەن ورىندار شەتكٸ جەرلەردە ەمەس, ينفراقۇرىلىمى دامىعان ورىندارىندا ورنالاساتىنىن اتاپ ٶتتٸ.
تاعى بٸر جاڭالىق, زاڭ جوباسىندا بەيبٸت جينالىستارعا 18 جاسقا تولماعان تۇلعالار قاتىسا الاتىنى تۋرالى جازىلعان.
«بۇرىن 18 جاستان جوعارى بولۋى تيٸس دەگەن شەكتەۋ بولعان. شىنىمدى ايتسام, بٸز بۇل شەكتەۋدٸ الىپ تاستاعىمىز كەلگەن جوق. بٸراق الىپ تاستاۋعا مەجبٷر بولدىق, سەبەبٸ بۇل قازاقستان بەكٸتكەن بالا قۇقىقتارى تۋرالى كونۆەنتسييانىڭ تالابى, وندا بالانىڭ بەيبٸت جينالىستار بوستاندىعىنا قۇقىعى تانىلادى. وسىلايشا, 18 جاسقا دەيٸنگٸ ازاماتتارعا بەيبٸت جينالىستارعا قاتىسۋعا رۇقسات بەرٸلدٸ», - دەدٸ مينيستر.
قوعامدىق تىڭداۋ كەزٸندە قاراعاندىلىقتار بەيبٸت جينالىستار كەزٸندە پوليتسەيلەردٸڭ قۇقىقتارى مەن مٸندەتتەرٸن ەگجەي-تەگجەيلٸ تٷسٸندٸرۋدٸ سۇرادى.
«مەنٸڭ ويىمشا, پوليتسەيلەردٸڭ قىزمەتٸن رەگلامەنتتەۋ قاجەت. ەگەر ولار ميتينگ ٶتكٸزۋ ورنىندا قىزمەت اتقارسا, قانداي جاعدايلاردا ولار كٷش قولدانا الادى, ال قانداي جاعدايلاردا قولدانباۋلارى تيٸس ەكەنٸن تٷسٸندٸرگەن جٶن. ٸس-قيمىل ستاندارتتارى بولۋى تيٸس», - دەيدٸ قر ٸٸم قاراعاندى اكادەميياسىنىڭ اعا وقىتۋشىسى وكسانا لادىگينا.
حالىق قالاۋلىلارى بۇل زاڭ جوباسى «حالىق ٷنٸنە قۇلاق اساتىن مەملەكەتتٸ» قۇرۋعا سەپتٸگٸن تيگٸزەتٸن بولادى دەپ ەسەپتەيدٸ.
«مەن ايتقىم كەلەتٸنٸ, قاسىم جومارت كەمەلۇلى ٶزٸنٸڭ سوڭعى جولداۋىندا «حالىق ٷنٸنە قۇلاق اساتىن مەملەكەتتٸ» قالىپتاستىرۋ كەرەكتٸگٸن ايتتى. وسى جولداۋ نەگٸزٸندە ەلٸمٸزدەگٸ ميتينگٸلەر جٶنٸندەگٸ زاڭداردى قايتا قاراپ, ونى زاڭداسترۋ مەسەلەسٸن تاپسىرعان بولاتىن. بٷگٸن, مٸنە, وسىعان بايلانىستى مينيستردٸڭ قاتىسۋىمەن ٷلكەن كەلەلٸ كەزدەسۋدە وسى مەسەلەلەر جالپى قاراعاندى وبلىسىنىڭ قوعام بەلسەندٸلەرٸمەن, قوعام قايراتكەرلەرٸنٸڭ قاتىسۋىمەن ەرەكشە تالقىلاندى. بۇل زاڭ 1995 جىلى قابىلدانعان بولاتىن. وسى 25 جىل ٸشٸندە بۇل زاڭ مورالدىق جاعىنان دا, باسقا تۇرعىدان دا ەسكٸرگەن. ونى جاڭادان قايتا قابىلداۋدى ۋاقىتتىڭ ٶزٸ تالاپ ەتٸپ وتىر. جالپى ميتينگٸ دەگەنٸمٸزدٸڭ ٶزٸ حالىقتىڭ ەڭ سوڭعى, ەش نەرسەگە مٷمكٸندٸگٸ بولماعان ۋاقىتتا نارازىلىعىن الىپ باراتىن ەڭ سوڭعى شارالاردىڭ بٸرٸ دەپ قابىلداۋ كەرەك. ال مەنٸڭ ويىمشا, حالىق ٷنٸنە قۇلاق اساتىن مەملەكەت بولعان جاعدايدا بٸز بۇل ميتينگٸلەرگە جەتكٸزبەيتٸن دەڭگەيدە جۇمىس جاساۋىمىز كەرەك دەپ ەسەپتەيمٸن», - دەپ اتاپ ٶتتٸ وبلىستىق مەسليحاتتىڭ دەپۋتاتى بەكزات التىنبەكوۆ.
اقپارات مينيسترٸنٸڭ ايتۋىنشا, جوبا مەتٸنٸ ەلەكتروندىق ٷكٸمەت پورتالىندا ورنالاستىرىلعاننان كەيٸن وعان پٸكٸر جازۋشىلار مەن ونى قاراۋ سانى رەكوردتىق دەڭگەيگە جەتكەن.
