قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ تۇرعىن ٷي باعاسى تٶڭٸرەگٸندە قالىپتاسقان جاعدايعا تٷسٸنٸك بەردٸ, دەپ حابارلايدى قازاقپارات.
«حابار» تەلەارناسىنداعى «ۇلت مٷددەسٸ» باعدارلاماسىندا مينيستر مەملەكەتتٸڭ تۇرعىن ٷي نارىعىنا ەلەۋمەتتٸك از قامتىلعان توپتاردى قولداۋ ارقىلى ىقپال ەتٸپ وتىرعانىن اتادى.
«پاندەمييادان كەيٸنگٸ كەزەڭدە بٸزدە تۇرعىن ٷيگە دەگەن سۇرانىس ٶتە جوعارى بولدى. ونىڭ بٸرنەشە سەبەبٸ بار. بٸرٸنشٸ كەزەكتە, بۇل - كەيٸنگە قالدىرىلعان سۇرانىستىڭ ەسەرٸ. ايتپاقشى, مەملەكەت 2020 جىلى - پاندەمييانىڭ شارىقتاۋ كەزەڭٸندە قۇرىلىس ينفراقۇرىلىمىنا ٶتە ٷلكەن قولداۋ جاسادى. 2020 جىلى 15 ملن شارشى مەتر تۇرعىن ٷي قولدانىسقا بەرٸلدٸ. بيىل 17 ملن شارشى مەتر تۇرعىن ٷي بەرۋ جوسپارلانعان», - دەدٸ بەيبٸت اتامقۇلوۆ.
مينيستر ەلدە تۇرعىن ٷي باعاسى كٶتەرٸلگەنٸن مويىندادى.
«كەيٸنگە قالدىرىلعان سۇرانىس تۋرالى ايتتىم عوي. ادامدار تٸپتٸ دٷكەنگە بارا الماي قالعان قيىن كەزەڭ بولدى. قارىم-قاتىناس پەن الىس-بەرٸستٸڭ كەز كەلگەن تٷرٸ شەكتەلگەن شاعى ەسٸڭٸزدە شىعار. بۇل ۋاقىتتا ادامدار بانككە بارا المادى. ەلەم بويىنشا قۇرىلىس ماتەريالدارىنىڭ بارلىق تٷرٸ, ەسٸرەسە مەتالدىڭ قىمباتتاۋى نارىقتاعى باعاعا كەرٸ ەسەر ەتتٸ. بٸر جاعىنان باسپاناعا سۇرانىس بار. بٸراق قۇرىلىس ماتەريالى مەن شيكٸزاتىنىڭ باعاسى اسپانداپ كەتتٸ. بۇل قۇرىلىستىڭ قارقىنىن باياۋلاتتى. تۇرعىن ٷي باعاسى وسىلاي كٶتەرٸلٸپ شىعا كەلدٸ», - دەپ تٷسٸندٸردٸ ۆەدومستۆو باسشىسى.
بەيبٸت اتامقۇلوۆتىڭ ايتۋىنشا, پاندەميياعا دەيٸنگٸ كەزەڭدە قازاقستان ٶندٸرٸسكە قاجەت بولاتتىڭ ەلەۋلٸ بٶلٸگٸن سىرتتان ەكەلٸپ وتىردى. بۇل جايت ەندٸ باسپانا باعاسىن ايقىنداۋدا سالماقتى رٶل اتقارىپ وتىر.
«بٸز قۇرىلىس ماتەريالدارىنىڭ نارىعىنا تٷگەلدەي تالداۋ جاسادىق. قازاقستاندا قۇرىلىس ماتەريالدارىن جٷز پايىز دەرلٸك ٶزٸمٸزدە ٶندٸرۋگە بولادى. تەحنولوگييالىق تٸزبەكتەن باستاپ نارىققا دەيٸنگٸ جاسالعان تالداۋ قورىتىندىسى سۇرانىستى الىپساتارلار ۋشىقتىرعانىن كٶرسەتتٸ. تاسىمالداۋ باعاسى ٶسكەن. بەسەكەلەستٸكتٸ قورعاۋ اگەنتتٸگٸ ٸسكە كٸرٸسٸپ ەدٸ, باعالار تٷسە باستادى. نارىقتاعى سۇرانىس, اجيوتاج, بەتون ٶندٸرٸسٸ, تسەمەنت باعاسى – مۇنىڭ بەرٸ باعاعا ەسەر ەتە بەردٸ» - دەپ تٷسٸندٸردٸ مينيستر.
ايتۋىنشا, ٸرٸ قالالاردا كٸرپٸش باعاسى دا ٶسكەن.
«كٸرپٸش باعاسىنا قاتىستى تاڭعالارلىق جاعداي قالىپتاسىپ وتىر. وتاندىق ٶنٸم بولسا دا, ٷش ٸرٸ قالادا ونىڭ باعاسى قاتتى ٶستٸ. ەسٸرەسە استانامىز بەن الماتى قالاسىندا قىمباتتاپ شىعا كەلدٸ. ال ٶزگە ٶڭٸرلەردە ونداي باعا اۋىتقۋى بولعان جوق. بٷگٸندە بەتون مەن تسەمەنتكە دەگەن قاجەتتٸلٸكتٸ جٷز پايىز, ارماتۋرا بويىنشا 65% ٶتەپ وتىرمىز. قۇرىلىس ماتەريالدارىنىڭ نارىعىن جەرگٸلٸكتەندٸرۋ باعىتىندا 35 جاڭا جوبا جوسپارلانعان», - دەدٸ مينيستر.
مينيستردٸڭ پايىمىنشا, تۇرعىن ٷيگە دەگەن سۇرانىستى بٸرجولعى زەينەتاقى تٶلەمٸن الۋعا بەرٸلگەن رۇقسات تا ۋشىقتىرعان.
«بۇل نەگٸزٸ دۇرىس شەشٸم بولدى. سونىڭ ارقاسىندا ازاماتتارىمىزدىڭ كٶبٸ جاعدايلارىن جاقسارتا الدى, بٸرازى نەسيەلەرٸن جاپتى» - دەدٸ بەيبٸت اتامقۇلوۆ.
