پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەنەرگييا ٷنەمدەۋ جەنە ەنەرگييا تيٸمدٸلٸگٸن ارتتىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسى مەملەكەت باسشىسىنىڭ 2018 جىلعى قازاقستان حالقىنا جولداۋىندا بەرٸلگەن تاپسىرماسىنا سەيكەس ەزٸرلەندٸ. ماقساتى - كەسٸپورىنداردىڭ ەنەرگييا تيٸمدٸلٸگٸنە قويىلاتىن تالاپتاردى كٷشەيتۋ, ەنەرگييا تيٸمدٸلٸگٸن ارتتىرۋ سالاسىنداعى جٷرگٸزٸلەتٸن ساياساتتىڭ تٷپكٸ نەتيجەسٸنە قول جەتكٸزۋ.
قۇجات ەنەرگييا ٷنەمدەۋ جەنە ەنەرگييا تيٸمدٸلٸگٸن ارتتىرۋ سالاسىنداعى زاڭناما نورمالارىن جەتٸلدٸرۋگە باعىتتالعان. جالپى زاڭنىڭ 9 بابىنا ٶزگەرٸس ەنگٸزٸلٸپ, 2 جاڭا باپپەن تولىقتىرۋ كٶزدەلگەن. نەگٸزگٸ باعىتتار - مەملەكەتتٸك ەنەرگەتيكالىق تٸزٸلٸم, ەنەرگييا اۋديتٸ, مەملەكەتتٸك باقىلاۋ, بيۋدجەت سەكتورى جەنە ٶڭٸرلٸك ساياسات.
«بٸرٸنشٸدەن, ەلدەگٸ تۇتىنۋ كٶلەمٸنٸڭ ٷشتەن بٸرٸ تيەسٸلٸ ٸرٸ كەسٸپورىنداردا ەنەرگييا ٷنەمدەۋ مەسەلەلەرٸ بويىنشا جاۋاپتى تۇلعالاردى ەنگٸزۋ ۇسىنىلادى. ولار ەنەرگييا مەنەدجەرلەرٸنٸڭ رٶلٸن اتقارماق. سونىمەن قاتار, ەنەرگەتيكالىق تٸزٸلٸم اياسىندا جەكە سەكتور ٷشٸن اقپارات تٸزبەسٸن وڭتايلاندىرۋ ۇسىنىلادى. مەملەكەتتٸك سەكتور ٷشٸن اۆتوماتتاندىرىلعان جىلۋ پۋنكتٸمەن قامتاماسىز ەتۋ تۋرالى جەنە باسقا دا اقپاراتپەن تولىقتىرۋ ارقىلى كەڭەيتۋ كٶزدەلەدٸ. ماقسات - ەڭ وزىق تەجٸريبەلەرمەن ەرٸ قاراي سالىستىرۋ جەنە ۇسىنىستار دايىنداۋ», - دەدٸ قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ.
ونىڭ ايتۋىنشا, ەنەرگييا اۋديتورلارىنا ٷمٸتكەرلەردٸ اتتەستاتتاۋ فۋنكتسييالارىن قىزمەتكەرلەردٸڭ لايىقتىلىعىن راستايتىن ورگاندارعا بەرۋ ۇسىنىلادى. بۇل شارا سالا ساراپشىلارىنىڭ كەسٸبي دەڭگەيٸن ارتتىرۋعا ىقپال ەتٸپ, ەنەرگييا اۋديتٸنٸڭ ساپاسىن جاقسارتادى.
بۇدان بٶلەك, زاڭ جوباسىندا ەنەرگييا اۋديتتەرٸن تولىق, ماقساتتى جەنە جەدەل ەنەرگييا اۋديتٸ ەتٸپ جٸكتەۋ كٶزدەلگەن.
«ەنەرگييا ٷنەمدەۋ ساياساتىن ٸسكە اسىرۋدا جەرگٸلٸكتٸ اتقارۋشى ورگاندار ماڭىزدى رٶل اتقارادى. بٷگٸندە جەرگٸلٸكتٸ جەرلەردە ەنەرگييا ٷنەمدەۋ شارالارىنا باعىتتالعان باعدارلامالار جوق.
وسىعان بايلانىستى جەرگٸلٸكتٸ اتقارۋشى ورگاندارعا ٷش جىلعا ارنالعان جول كارتالارىن قابىلداۋ جەنە ٸسكە اسىرۋ قۇزىرەتٸن بەرۋ ۇسىنىلادى», - دەدٸ مينيستر.
بەيبٸت اتامقۇلوۆتىڭ سٶزٸنە قاراعاندا, ەنەرگييا ٷنەمدەۋدٸڭ ەلەۋلٸ ەلەۋەتٸ بار بيۋدجەت سەكتورىن رەتتەۋدٸ كٷشەيتۋ جەنە بيۋدجەت شىعىندارىن ازايتۋ ماقساتىندا تيٸستٸ قۇرالدار ۇسىنىلدى.
وسى ورايدا:
- مەملەكەتتٸك مەكەمەلەردە ەنەرگييا ٷنەمدەۋدٸ قامتاماسىز ەتەتٸن, سونىمەن بٸرگە ەنەرگييا تۇتىناتىن جابدىقتار نارىعىن قايتا قۇرۋعا سەرپٸن بەرەتٸن ەنەرگييا تيٸمدٸ مەملەكەتتٸك ساتىپ الۋدى ەنگٸزۋ.
- ەنەرگييا تۇتىنۋ نورماتيۆتەرٸن قابىلداۋ, ولاردىڭ ساقتالۋىنا مونيتورينگ جٷرگٸزۋ, بەنچماركينگ جەنە ەنەرگييا تيٸمدٸلٸك بويىنشا تيٸستٸ ۇسىنىمدار بەرۋ.
