بٷگٸندە ەكسترەميزم ٷشٸن شىۇ ەلدەرٸ اۋماعىندا قازاقستان ٸزدەۋ سالعان ادامدار جوق. بۇل تۋرالى پارلامەنت سەناتىندا قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى نۇرعالي بٸلٸسبەكوۆ مەلٸم ەتتٸ, دەپ حابارلايدى قازاقپارات.
«بٷگٸندە ەكسترەميزم بويىنشا شىۇ ەلدەرٸ اۋماعىندا بٸزدٸڭ تاراپىمىزدان ٸزدەستٸرۋدە جٷرگەن ادامدار جوق. الايدا سوڭعى بەس جىلدا شىۇ ەلدەرٸ اۋماعىندا قازاقستاننىڭ 30 ازاماتى ٸزدەستٸرٸلٸپ, ەلگە قايتارىلدى, قىلمىستىق جاۋاپكەرشٸلٸككە تارتىلدى. ولار نەگٸزٸنەن قىرعىزستاننان, ياعني 25-كە جۋىق ادام, سونداي-اق رەسەي مەن تەجٸكستاندا دا ٸزدەستٸرٸلدٸ», - دەدٸ نۇرعالي بٸلٸسبەكوۆ سەناتور ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, سوڭعى بەس جىلدا 200-دەن استام ادام قازاقستان اۋماعىندا ٸزدەستٸرٸلگەن ەرٸ ۇستالعان. كەيٸننەن ولار شىۇ ەلدەرٸ قۇزىرەتتٸ ورگاندارىنا تاپسىرىلدى.
بۇدان بٶلەك بٸلٸسبەكوۆ شىۇ اياسىندا لاڭكەستٸك نەمەسە ەكسترەميستٸك ەرەكەتتەرگە قاتىستى ادامداردىڭ بٸرىڭعاي تٸزبەسٸ جٷرگٸزٸلەتٸنٸن جەتكٸزدٸ.
«ونداي ادامداردىڭ جالپى سانى 7 مىڭنان استام. ولاردىڭ ٸشٸندە 700-گە جۋىعى قازاقستان ازاماتى. ولار نەگٸزٸنەن قاقتىعىس ايماقتارىنا بارعاندار, ياعني تاياۋ شىعىسقا شىققاندار», - دەدٸ ۇقك ٶكٸلٸ.
بۇدان بۇرىن حابارلانعانداي, ۇلتتىق قاۋٸپسٸزدٸك كوميتەتٸ «جۋسان» گۋمانيتارلىق وپەراتسيياسىنىڭ تٶرت كەزەڭٸن قورىتىندىلادى.
«2019 جىلى قر ۇلتتىق قاۋٸپسٸزدٸك كوميتەتٸنٸڭ ٷيلەستٸرۋٸمەن سيرييادان 595 قازاقستان ازاماتى قايتارىلدى. وپەراتسييانىڭ بٸرٸنشٸ كەزەڭٸندە 47 ادام, ونىڭ ٸشٸندە 6 ەر ادام, 11 ەيەل جەنە 30 بالا, ەكٸنشٸ كەزەڭٸندە 231 ادام, ونىڭ ٸشٸندە 16 ەر ادام, 59 ەيەل جەنە 156 بالا (18 جەتٸم), ٷشٸنشٸ كەزەڭٸندە 246 ادام, ونىڭ ٸشٸندە 8 ەر ادام, 67 ەيەل جەنە 171 بالا (9 جەتٸم), تٶرتٸنشٸ كەزەڭٸندە 71 ادام, ونىڭ ٸشٸندە 3 ەر ادام, 19 ەيەل جەنە 49 بالا (5 جەتٸم) ەلگە جەتكٸزٸلدٸ. وسىلايشا, جالپى سيرييادان قايتارىلعاندار سانى – 595 ازامات (33 ەر ادام, 156 ەيەل, 406 بالا (32 جەتٸم)», - دەپ حابارلاندى ۇقك Youtube پاراقشاسىنان.
ايتا كەتەيٸك, بٷگٸن پارلامەنت سەناتىنىڭ جالپى وتىرىسىندا «شانحاي ىنتىماقتاستىق ۇيىمىنىڭ ەكسترەميزمگە قارسى ٸس-قيمىل جٶنٸندەگٸ كونۆەنتسيياسىن راتيفيكاتسييالاۋ تۋرالى» زاڭى قابىلداندى .
