پرەمەر-مينيستر ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا «جاسىل قازاقستان» ۇلتتىق جوباسىن ٸسكە اسىرۋ بارىسى قارالدى, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ «جاسىل قازاقستان» ۇلتتىق جوباسىنىڭ نەگٸزگٸ ماقساتى اتموسفەرالىق اۋانىڭ لاستانۋىن ازايتۋ, قالدىقتاردى, سۋ رەسۋرستارىن جەنە ورمان شارۋاشىلىعىن باسقارۋ جٷيەسٸن جەتٸلدٸرۋ ەكەنٸن اتاپ ٶتتٸ.
2021 جىلى 16 كەسٸپورىن اتموسفەرالىق اۋاعا شىعارعان لاستاۋشى زات مٶلشەرٸ 3%-عا ازايعان, ال 2022 جىلدىڭ 6 ايىندا ٶتكەن جىلدىڭ سەيكەس كەزەڭٸمەن سالىستىرعاندا 6,7%-عا تٶمەندەدٸ. بۇل كٶرسەتكٸشكە تابيعاتى قورعاۋ ٸس-شارالارىمەن قاتار, ٶنەركەسٸپتٸ مودەرنيزاتسييالاۋ ەسەبٸنەن قول جەتكٸزٸلگەن.
"سونىمەن قاتار 3005 پوليگوننىڭ 639-ى ەكولوگييالىق نورمالارعا سەيكەس كەلتٸرٸلدٸ. بٶلەك جيناۋ ٷشٸن 3876 كونتەينەر ورناتىلدى. نۇر-سۇلتان قالاسىندا قۇرىلىس قالدىقتارىن جيناۋعا جەنە ٶڭدەۋگە ارنالعان الاڭ سالىندى. پاۆلودار وبلىسىندا «بىلقىلداق» كٶلٸ اۋماعىنىڭ لاستانۋىن وقشاۋلاۋعا باعىتتالعان ٸس-شارالار ٶتكٸزٸلٸپ جاتىر.
سونداي-اق كانالداردى, سونىڭ ٸشٸندە بالقاش كٶلٸنٸڭ باسسەينٸندە جاڭعىرتۋ جۇمىستارى جٷرگٸزٸلدٸ. سىردارييا ٶزەنٸنٸڭ 50 شاقىرىمى تازارتىلدى. 22 ارنانىڭ سۋ ەسەبٸ تسيفرلاندى. وسى شارالار بالقاش كٶلٸنە شامامەن 12 تەكشە كيلومەتر سۋ اعىمىن قامتاماسىز ەتتٸ, سولتٷستٸك ارال تەڭٸزٸنٸڭ كٶلەمٸ 20,6 تەكشە كيلومەتر دەڭگەيٸندە ساقتالىپ, سۋارۋ كەزٸندە سۋ شىعىنى 200 ملن تەكشە مەترگە قىسقارتىلدى, كٶلەمٸ 230 ملن تەكشە مەترگە سۋ قوسىمشا جيناقتالدى" - دەلٸنگەن اقپاراتتا.
پرەمەر-مينيستر قورشاعان ورتانى جاقسارتۋ ٷشٸن 2023 جىلعى 1 قاڭتاردان باستاپ ٸرٸ كەسٸپورىنداردا ەميسسييالار مونيتورينگٸنٸڭ اۆتوماتتى جٷيەسٸن ەنگٸزۋ قاجەتتٸلٸگٸ تۋرالى نورما كٷشٸنە ەنەتٸنٸن ەسكە سالىپ ٶتتٸ.
«اتالعان شارا ەربٸر كەسٸپورىننىڭ زيياندى قالدىقتارى تۋرالى جەدەل ەرٸ شىنايى اقپارات الۋعا باعىتتالعان. سونداي-اق بۇل نورما كەسٸپورىندارعا مونيتورينگ جٷرگٸزٸپ, اتموسفەراعا شىعاتىن زيياندى قالدىقتار دەڭگەيٸ اسىپ كەتكەن جاعدايدا جەدەل شارالار قولدانۋعا مٷمكٸندٸك بەرەدٸ. ەكولوگييا مينيسترلٸگٸنە جٷيەنٸ ەنگٸزۋدٸ ەرەكشە باقىلاۋعا الۋدى تاپسىرامىن», — دەدٸ ەليحان سمايىلوۆ.
سونىمەن قاتار مەملەكەت باسشىسىنىڭ تاپسىرماسى بويىنشا 5 جىل ٸشٸندە 2 ملرد تٷپ اعاش وتىرعىزۋ تۋرالى اۋقىمدى جوبا ٸسكە اسىرىلىپ جاتىر. 2021 جىلى 66 مىڭ گەكتار الاڭعا شامامەن 138 ملن اعاش وتىرعىزىلدى. الايدا, بيىل اقتٶبە جەنە باتىس قازاقستان وبلىستارىندا قارجىلاندىرۋ از بولعاندىقتان, جوسپارلى كٶرسەتكٸش ورىندالماي قالۋى مٷمكٸن.
«ٶڭٸرلەردٸڭ ەكٸمدٸكتەرٸ قارجى مينيسترلٸگٸمەن بٸرلەسٸپ, وسى مەسەلەنٸ پىسىقتاسىن», — دەدٸ پرەمەر-مينيستر.
ٷكٸمەت باسشىسى ٶتكەن جىلدان بەرٸ ەكولوگييالىق تٶلەمدەر ەكولوگييالىق احۋالدى جاقسارتۋ شارالارىنا باعىتتالۋى تيٸس دەگەن نورما قولدانىلىپ جاتقانىن اتاپ ٶتتٸ.
«ول ٷشٸن ەكولوگييا مينيسترلٸگٸ ەكٸمدٸكتەرمەن بٸرگە ەربٸر ٶڭٸر بويىنشا ەكولوگييالىق جاعدايدى جاقسارتۋ ٷشٸن ٸس-شارالار جوسپارىن ەزٸرلەۋٸ كەرەك», — دەدٸ ەليحان سمايىلوۆ.
پرەمەر-مينيستر يندۋسترييا جەنە ينفراقۇرىلىمدىق دامۋ, قارجى, ەكولوگييا, گەولوگييا جەنە تابيعي رەسۋرستار مينيسترلٸكتەرٸنە ٸرٸ ەلدٸ مەكەندەردە تۇرمىستىق قاتتى قالدىقتار پوليگوندارىن سالۋ ٷشٸن جوبالاۋ-سمەتالىق قۇجاتتامانى ەزٸرلەۋگە قاراجات بٶلۋ مەسەلەسٸن پىسىقتاۋدى تاپسىردى.
