بيىل 4 اقپاندا استانادا جەكەمەنشٸك ٷيدەن شىققان ٶرت سالدارىنان بەس بالا قازا تاپقان. قازا بولعان بەس بالانىڭ اتا-اناسى جانىمگٷل جەنە ەۆگەنيي سيتەرلەر جارتى جىلدان كەيٸن بلوگەر تەڭٸربەرگەن بەردوڭعاروۆقا سۇحبات بەردٸ, - دەپ حابارلايدى Tengrinews.kz تٸلشٸسٸ.
سۇحبات بلوگەردٸڭ YouTube ارناسىندا جارىق كٶرگەن. ەۆگەنيي مەن جانىمگٷلدٸڭ ايتۋىنشا, قازٸر ولار حالىق جيناپ بەرگەن قاراجاتقا الىنعان ەكٸ بٶلمەلٸ پەتەردە تۇرىپ جاتىر.
"حالىق كٶمەك رەتٸندە مەشٸتكە اقشا جيناپ بەرگەن. مەشٸت ٶكٸلدەرٸ جينالعان قاراجاتقا بٸزگە پەتەر الىپ بەردٸ", - دەيدٸ جانىمگٷل.
جانىمگٷلدٸڭ ايتۋىنشا, وقيعا بولعان كٷنٸ ەكەۋٸ دە جۇمىستا بولعان. ٶرت ساعات 02:32 شاماسىندا بولعاندىقتان كٶرشٸلەرٸ كٶمەكتەسە الماعان. سەبەبٸ بارلىعى تٷنگٸ ۋاقىت بولعاندىقتان ۇيىقتاپ جاتقان.
"ماعان ٷلكەن قىزىم حابارلاسىپ, "اناشىم بٸز ٶرتەنٸپ جاتىرمىز" دەدٸ. مەن نە ٸستەرٸمدٸ بٸلمەي بٸردەن تۋىستارىما حابارلاستىم", - دەيدٸ جانىمگٷل سيتەر.
ٷيگە كەلگەن جانىمگٷلدٸڭ ەپكەسٸ بالالاردىڭ ٶرتەنٸپ جاتقانىن حابارلاعان. ٷي ٶرتەنٸپ جاتقان كەزدە قىزداردىڭ داۋسى دا ەستٸلمەگەن. باسىندا تەك تٷتٸن بولعان. جانىمگٷلدٸڭ تۋىستارى تەرەزەنٸ سىندىرىپ, ٷيگە كٸرە باستاعان كەزدە عانا ٶرت باستالعان.
"ەگەر بٸردەن ٶرت باستالعاندا كٶرشٸلەر بايقايتىن ەدٸ", - دەيدٸ جانىمگٷل.
سونداي-اق سۇحبات بارىسىندا قىزداردىڭ اتا-اناسى قىزدارىن ەسكە الىپ, ەرقايسىن سيپاتتاپ بەردٸ. ٷلكەن قىزدارى البينا 2006 جىلى تۋىلعان. ول تٶرت سٸڭلٸسٸنە اتا-اناسى جۇمىسقا كەتكەن كەزدە باس-كٶز بولىپ, قارايلاسىپ جٷرگەن ەكەن.
"البينا - مەنٸڭ كٶمەكشٸم بولاتىن. بالالاردى دا قاراپ, ساباقتارىنا كٶمەكتەسٸپ, ماعان قولعابىس جاسايتىن. ول اسپاز بولعىسى كەلگەن. سەبەبٸ البينا اس ەزٸرلەۋدٸ جاقسى كٶرەتٸن. قولىنان كەلمەيتٸن ٸسٸ جوق ەدٸ", - دەيدٸ جانىمگٷل.
جانىمگٷلدٸڭ سٶزٸنشە, 2008 جىلعى الينا ەسٸمدٸ قىزدارىندا ەپيلەپسييا بولعان.
"الينا ەركە قىز ەدٸ. ٶزٸنٸڭ بارلىق جۇمىسىن ەپكەسٸنە سٸلتەپ قوياتىن", - دەيدٸ انالارى.
جانىمگٷل سيتەردٸڭ ايتۋىنشا, ٷشٸنشٸ قىزدارى سابينا ەڭ سٷيٸكتٸ قىزى بولعان.
"ول ٶز-ٶزٸمەن جٷرەتٸن قىز ەدٸ. ويناساڭ - وينايدى, ويناماساڭ - رەنجٸمەيدٸ. جانىنا كەلگەن ادامنىڭ ەشقاشان بەتٸنەن قاقپايتىن. سونىمەن قاتار, ول سۋرەت سالۋدى ٶتە جاقسى كٶرەتٸن", - دەيدٸ جانىمگٷل.
تٶرتٸنشٸ قىزدارىن ەسٸنە العان كەزدە جانىمگٷل كٶزٸنە جاس الدى. سەبەبٸ ول ٶتە ەرەكشە بالا بولعان ەكەن.
"تٶرتٸنشٸ قىزىمىز ٶتە سۇلۋ بولاتىن. ول سابيناعا تيٸسٸپ, ويناعاندى جاقسى كٶرەتٸن. سابينا بالاباقشاعا كەتكەن كەزدە ٷنەمٸ ٸزدەپ وتىراتىن", - دەيدٸ قىزداردىڭ اناسى.
ەۆگەنييدٸڭ ايتۋىنشا, ولار وتباسىمەن ٶرتەنٸپ كەتكەن جالدامالى پەتەردە تۇرعان كەزدە ايىنا شامامەن 50-60 مىڭ تەڭگە جۇمسايتىن.
"وعان كيٸم-كەشەك, مەكتەپكە كەرەكتٸ زاتتار, ازىق-تٷلٸك الاتىنبىز. بٸز ەشقاشان مەكتەپتەن كٶمەك سۇراعان ەمەسپٸز", - دەيدٸ جانىمگٷل.
سونداي-اق, سيتەرلەر وتباسى ەلەۋمەتتٸك جەلٸلەردە قازٸرگٸ كٷنگە دەيٸن ەرتٷرلٸ پٸكٸرلەر وقيتىنىن ايتقان. "وقيعا بولعان كٷنٸ نەلٸكتەن بالالاردى قاراۋسىز قالدىرىپ كەتتٸ?" دەگەن سەكٸلدٸ ساۋالدارعا جاۋاپ بەردٸ.
"قازٸردٸڭ ٶزٸندە بٸزگە ەرتٷرلٸ پٸكٸرلەر وقيمىز. مەنٸڭ سول كٷنٸ جۇمىسقا شىعىپ كەتكەن سەبەبٸم - مەنٸ سول كٷنٸ تٷندە جۇمىسقا شاقىرىپ الدى. شۇعىل تٷردە كٶلٸك جٶندەۋ كەرەك بولدى. ونىڭ الدىندا ول كٶلٸكتٸڭ قوسالقى بٶلشەكتەرٸن دۇرىس قويماعان ەكەنمٸن. سەبەبٸ ماعان باسقا بٶلشەكتەردٸ بەرٸپ جٸبەرگەن", - دەيدٸ ەۆگەنيي.
جانىمگٷلدٸڭ سٶزٸنشە, ول بالالاردىڭ قازا بولعانىن بٸردەن بٸلمەگەن. ونى پاترۋلدٸك پوليتسەيلەردٸڭ كٶلٸگٸندە ۇستاپ, كٷتە تۇرۋىن سۇراعان. بالالاردىڭ قازا بولعانىن كەلەسٸ كٷنٸ بٸراق بٸلگەن.
"مەن بالالار امان دەپ ويلادىم. تاڭعا دەيٸن قازٸر بالالارىمدى كٶرەمٸن عوي دەگەن ويمەن وتىردىم. بٸراق كٷيەۋٸم بالالاردىڭ قازا بولعانىن ايتتى", - دەيدٸ جانىمگٷل.
جانىمگٷل وقيعادان كەيٸن الاياقتاردىڭ پايدا بولعانىن ايتتى. ونىڭ سٶزٸنشە, ەلدەكٸمدەر ەلەۋمەتتٸك جەلٸدە قازا بولعان بالالارعا ارناپ جاسالىپ جاتقان ەسكەرتكٸشكە اقشا جيناعان.
"مەن تۋرالى جەلٸدە "قايتىس بولدى" دەپ نە جىندىحاناعا تٷسٸپتٸ دەگەن نەشە تٷرلٸ جالعان اقپاراتتار جٷردٸ. ونىڭ بارلىعىن بٸزدٸڭ جاعدايىمىزدا وقۋ ٶتە قيىن بولدى", - دەيدٸ قىزداردىڭ اناسى.
جانىمگٷلدٸڭ ايتۋىنشا, ولار الداعى تاڭدا بالالار ٷيٸنەن بالا اسىراپ الماقشى نيەتتە ەكەن.
"بالانىڭ جاسى بٸزگە ماڭىزدى ەمەس. بالالار ٷيٸنەن بالا اسىراپ العىمىز كەلەدٸ. ٶزٸمٸز دە بالالى بولعىمىز كەلەدٸ", - دەيدٸ ولار.
سونداي-اق سيتەرلەر وتباسى حالىق تاراپىنان جينالعان قاراجاتقا قازٸر شاعىن تەحنيكالىق جٶندەۋ ورتالىعىن اشقان ەكەن.
ايتا كەتەيٸك, قايعىلى وقيعا نۇر-سۇلتان قالاسىنداعى سارىارقا اۋدانى شىڭعىستاۋ كٶشەسٸندە 4 اقپاندا ساعات 02:34-تە بولعان. وت سٶندٸرۋ بارىسىندا 2006, 2008, 2013, 2015 جەنە 2018 جىلدارى دٷنيەگە كەلگەن بەس بالانىڭ مەيٸتٸ تابىلعان.
