بەرليندە تەراكت جاسادى دەگەن كٷدٸكتٸ - تۋنيس تۋماسى انيس امري ميلاندا اتىس كەزٸندە قازا تاپتى, - دەپ حابارلايدى L!fe.ru باسىلىمى.
جەرگٸلٸكتٸ باق-تىڭ مەلٸمەتٸنشە, اتىس تٷندە مادجو الاڭىندا بولعان. پوليتسەيلەر كٷدٸكتٸنٸڭ قۇجاتتارىن سۇراعان كەزدە اتىس شىققان. قۇقىق قورعاۋ ورگاندارىنىڭ بٸر قىزمەتكەرٸ جارالانعان. ونىڭ جاعدايى تۋرالى مەلٸمەت جوق.
ەسكە سالايىق, 19 جەلتوقساندا كەشكٸ ۋاقىتتا بەرلين ورتالىعىندا گەدەحتنيسكيرحە شٸركەۋٸنٸڭ ماڭىندا جەرمەڭكە ٶتٸپ جاتقان جەردە جٷك كٶلٸگٸ ادامدار توبىن قاعىپ كەتكەن بولاتىن. قالا پوليتسيياسى Twitter جەلٸسٸندە توعىز ادامنىڭ قازا تاپقانىن حابارلادى. كەيٸن قازا بولعانداردىڭ سانى 12-گە جەتتٸ. سونداي-اق, اۋرۋحاناعا 48 ادام جەتكٸزٸلگەن. پوليتسەيلەر بۇل وقيعانى تەراكت بولۋى مٷمكٸن ەكەنٸن ايتىپ وتىر, دەپ حابارلادى N-TV قۇقىق قورعاۋ ورگاندارىنىڭ ٶكٸلدەرٸنە سٸلتەمە جاساپ. دايش وسى قىلمىستى ٶز موينىنا العان.
