بەردٸبەك ساپارباەۆ مۇناي مەن گازدىڭ زاڭسىز اينالىمىنا جازانى كٷشەيتۋدٸ ۇسىندى

بەردٸبەك ساپارباەۆ مۇناي مەن گازدىڭ كٶلەڭكەلٸ اينالىمى - اقتٶبە وبلىسىمەن قاتار, جالپى قازاقستان ٷشٸن دە ٶزەكتٸ مەسەلە ەكەنٸن اتاپ ٶتتٸ.

– بۇل ۇلتتىق قاۋٸپسٸزدٸك پەن تۇراقتىلىق مەسەلەسٸ بولىپ تابىلادى. مۇناي مەن گازدىڭ كٶلەڭكەلٸ اينالىمىنىڭ اقىرى بارشاعا ايان, ول بيۋدجەت كٸرٸسٸن جوعالتۋ, اقشا قاراجاتىنىڭ ەلدەن كەتۋٸ, حالىقتىڭ تۇرمىس جاعدايىنىڭ تٶمەندەۋٸ, ينۆەستيتسييالىق جاعدايدىڭ ناشارلاۋى. وسىنىڭ بەرٸ مەملەكەتتٸك جەنە ٷكٸمەتتٸك باعدارلامالاردىڭ ورىندالۋىنا قاۋٸپ تٶندٸرەدٸ, - دەپ اتاپ ٶتتٸ ٶڭٸر باسشىسى.

اقتٶبە وبلىسىندا قازٸرگٸ تاڭدا كٶمٸرسۋتەك شيكٸزاتىنىڭ 29 جەر قويناۋىن پايدالانۋشىلارى جەمٸستٸ جۇمىس جاساپ جاتىر. بيىل 5,9 ملن. توننا مۇناي, 6,5 ملرد. تەكشە مەتر گاز ٶندٸرۋ جوسپارلانىپ وتىر. مەملەكەت باسشىسىنىڭ تاپسىرماسىنا سەيكەس, جاقىن اراداعى بەس جىلداكەسٸپورىندار مۇناي-گاز سالاسىن جاڭعىرتۋعا كەم دەگەندە 60 ملرد تەڭگە سالاتىن بولادى. تەك وسى جىلدىڭ ٶزٸندە 19 گەولوگييالىق بارلاۋ جۇمىستارى جٷرگٸزٸلمەك.

مۇناي ٶنٸمدەرٸن ۇرلاۋ جەنە زاڭسىز ساتۋ كٶبٸنەسە ۇڭعىلاردى ساقتاماۋ سالدارىنان جەنە ەنشٸلەس فيرمالار اراسىندا جاساسقان كەلٸسٸمشارتتار نەگٸزٸندە مۇناي قۇبىرلارىنا زاڭسىز تٷسٸپ كەتۋ ارقىلى مۇناي-گاز كومپانييالارىنىڭ, قاۋٸپسٸزدٸك قۇرىلىمدارىنىڭ قىزمەتكەرلەرٸمەن كەلٸسسٶزدەر كەزٸندە كەزدەسەتٸنٸ ايتىلدى.

مەسەلەن, 2014-2016 جىلدارى «سنپس» اق-نىڭ «كەڭقيياق» كەن ورنىندا ۇيىمداسقان قىلمىستىق توپ ٶكٸلدەرٸمەن 8 مىڭ توننا مۇناي ۇرلانعان, بۇل ٸسكە قاتىسى بار تۇلعالار ۇستالىپ, جازالاندى.

بٷگٸندە اقتٶبە وبلىسىنىڭ ٸٸد مۇناي ۇرلىعى مەن ونى زاڭسىز ساتۋعا قاتىستى 17 قىلمىستىق ٸستٸ تەكسەرۋدە.

– كٶلەڭكەلٸ اينالىم جەكەلەگەن ۇيىمداسقان قىلمىستىق توپتاردى قارجىلاندىرۋ كٶزٸ بولىپ تابىلادى, - دەدٸ وبلىس ەكٸمٸ.

فورۋم جۇمىسىنا قر باس پروكۋرورىنىڭ ورىنباسارى اندرەي لۋكين, قر باس كٶلٸك پروكۋرورى مارات ەليحانوۆ, قر باس ەسكەري پروكۋرورىنىڭ ورىنباسارى, پرەزيدەنت ەكٸمشٸلٸگٸنٸڭ, ۇقك, ٸٸم, ۇلتتىق بيۋرو, قر شەكارا قىزمەتٸنٸڭ, سالالىق مينيسترلٸكتەردٸڭ ٶكٸلدەرٸ, اتىراۋ, باتىس قازاقستان, ماڭعىستاۋ جەنە باسقا دا وبلىستاردىڭ ەكٸمدەرٸ مەن پروكۋرورلارى قاتىسادى.