قارجىلىق مونيتورينگ اگەنتتٸگٸ اي-92 ماركالى بەنزيندٸ قىرعىزستانعا زاڭسىز ەكسپورتتاۋمەن اينالىسقان قىلمىستىق توپقا قاتىستى تەرگەۋدٸ اياقتادى, دەپ حابارلايدى ult.kz.
تەرگەۋ مەلٸمەتٸنشە, توپ قۇرامىندا توعىز ادام بولعان. زاڭسىز سحەمانى جٷزەگە اسىرۋ ٷشٸن ولار مۇناي ٶنٸمدەرٸن ساتىپ الۋ, قۇجاتتاندىرۋ جەنە ەكسپورتتاۋ جۇمىستارىمەن اينالىسقان 12 زاڭدى تۇلعانى تٸركەگەن.
كٷدٸكتٸلەر بەنزيننٸڭ شىعۋ تەگٸن زاڭداستىرۋ ماقساتىندا "قارا ماي ويل" جشس مەن "Petro Bazis" جشس شاعىن مۇناي ٶڭدەۋ زاۋىتتارىن پايدالانعان. قۇجات بويىنشا كەسٸپورىندار بەنزيندٸ تٷرلٸ قوسپالارمەن ارالاستىرىپ, مۇناي-حيمييا ٶنٸمدەرٸن ٶندٸرۋمەن اينالىسقان بولىپ كٶرسەتٸلگەن.
الايدا تەرگەۋ بارىسىندا زاۋىتتاردا ەشقانداي تەحنولوگييالىق ٶڭدەۋ جٷرگٸزٸلمەگەنٸ انىقتالدى. بەنزين تەك تەمٸرجول تسيستەرنالارىنا قۇيىلىپ, كەيٸن جالعان قۇجاتتار ارقىلى ەرٸتكٸش نەمەسە كٶمٸرسۋتەك قوسپاسى رەتٸندە رەسٸمدەلگەن.
وسىنىڭ نەتيجەسٸندە اۆتوكٶلٸك بەنزينٸ مۇناي-حيمييا ٶنٸمٸ رەتٸندە دەكلاراتسييالانىپ, قىرعىزستانعا زاڭسىز شىعارىلىپ وتىرعان. بۇل ەرەكەتتەر ەل ٸشٸندە مۇناي ٶنٸمدەرٸنٸڭ تاپشىلىعى سەزٸلگەن كەزەڭدە دە جالعاسقان.
تەرگەۋ دەرەكتەرٸنە سەيكەس, زاڭسىز ەكسپورتتالعان بەنزين كٶلەمٸ 190 مىڭ توننادان اسىپ, كٶلەڭكەلٸ اينالىم كٶلەمٸ 37,2 ملرد تەڭگەگە جەتكەن.
جەدەل ٸس-شارالار بارىسىندا "تٷركسٸب" ستانتسيياسىندا قىرعىزستانعا جٶنەلتٸلمەك بولعان شامامەن 500 توننا بەنزين تيەلگەن سەگٸز تەمٸرجول تسيستەرناسى ۇستالدى. قۇنى 138 ملن تەڭگە بولاتىن جانارماي مەملەكەت مەنشٸگٸنە تەركٸلەندٸ.
قىلمىستىق ٸس سوت قاراۋىنا جٸبەرٸلدٸ.
