مۇناي باعاسىنىڭ تٶمەندەۋٸ اياسىندا قازاقستاندا بەنزين باعاسى قالاي قۇبىلۋى مٷمكٸن? بۇل سۇراققا ٷكٸمەت وتىرىسىنان كەيٸن تٸلشٸلەردٸڭ الدىندا ەنەرگەتيكا مينيسترٸ نۇرلان نوعاەۆ جاۋاپ بەردٸ, دەپ حابارلايدى "ۇلت اقپارات".
«بەنزيننٸڭ باعاسى ەركٸن اينالىمدا. بەرٸن نارىقتىق شارتتار رەتتەيدٸ. قازاقستان ٶزٸنٸڭ مۇناي ٶندٸرٸسٸن قىسقارتا ما, ۇلعايتا ما دەگەن سۇراققا كەلەر بولساق, ٶزٸمٸزدٸڭ بۇل باعىتتا ناقتى جوسپارلارىمىز بار. وپەك-تٸڭ ۇستانىمدارى – بٸزگە ۇسىنىس رەتٸندە عانا كەلٸپ وتىر. ال قازٸرگٸ تاڭدا بٸزدە جوسپاردى ٶزگەرتەتٸن وي جوق», - دەدٸ نۇرلان نوعاەۆ.
ەنەرگەتيكا مينيسترٸ قازٸرگٸ ۋاقىتتا قازاقستاندا بەنزين باعاسى تۇراقتى ەكەنٸن ايتىپ ٶتتٸ.
«بەنزين باعاسى بٸرنەشە جىلدان بەرٸ ەركٸن نارىقتا. ۇسىنىس پەن سۇرانىستىڭ نەتيجەسٸندە رەتتەلٸپ كەلە جاتىر. وعان قاجەت جانار-جاعارماي قورى جەتكٸلٸكتٸ. ەلٸمٸزدەگٸ بارلىق مۇناي ٶڭدەۋ زاۋىتى شتاتتى تٷردە جۇمىس ٸستەپ جاتىر», - دەدٸ ول.
