جانكٷيەرلەر بوكستان ەلەم چەمپيوناتىنىڭ كٷمٸس جٷلدەگەرٸ سەرٸك تەمٸرجانوۆتى ەلوردا ەۋەجايىندا ٷلكەن قۇرمەتپەن قارسى الدى. ەلەمنٸڭ ۆيتسە-چەمپيونى جۋرناليستەرگە سۇحبات بەرٸپ, دٷبٸرلٸ دودانى قورىتىندىلادى, سونداي-اق, ٶزٸنٸڭ فينالدا جەڭٸلۋٸنە نە سەبەپ بولعانىن ايتتى, دەپ جازادى Olympic.kz.
«ەلەم چەمپيوناتىنان التىنمەن ورالامىن دەپ ويلاعانمىن. بۇيىرعانى كٷمٸس بولدى. بۇل جارىس ماعان ٷلكەن تەجٸريبە سىيلادى. دەسە دە, التىن الا الماعان سوڭ, كٶڭٸلٸم تٷسكەنٸ راس. ٶيتكەنٸ, كٷمٸس بەرٸبٸر التىن بولا المايدى. ەرينە, بۇل باستاماسى. مۇنىمەن توقتاپ قالمايمىز. كٷمٸستٸ التىنعا اينالدىرۋ ٷشٸن بار كٷشٸمٸزدٸ سالامىز.
چەمپيوناتقا كەلەر بولسام, بارلىق قارسىلاسىم قارىمدى بولدى. قارسىلاستارىمنىڭ اراسىندا وسالى جوق. ازييا چەمپيونى دا, جاستار اراسىنداعى ەلەم چەمپيونى دا, پانامەريكا ويىندارىنىڭ جەڭٸمپازى دا بار. سوندىقتان, ەشكٸمدٸ بٶلٸپ-جارعىم كەلمەيدٸ.
بٸراق كۋبالىق سپورتشىمەن ٶتكەن كەزدەسۋ ەسٸمدە ەرەكشە قالدى. ٶيتكەنٸ, ول - پانامەريكا ويىندارىندا توپ جارعان ٶتە تەجٸريبەلٸ بوكسشى. باپكەرلەرٸممەن بٸرگە قارسىلاستى زەرتتەپ, جەكپە-جەك مەنەرٸن تالقىلادىق. دۇرىس تاكتيكامەن ۇتىپ شىقتىق دەپ ويلايمىن.
ال فينالدا امەريكالىق بوكسشىعا ازداپ جىلدامدىعىم ٸلەسپەي قالدى. ٶيتكەنٸ, التى كەزدەسۋ ٶتكٸزگەنٸم بايقالدى. بارىمدى سالدىم, بٸراق جاس ەرٸ جىلدام ەكەن.
كٶپشٸلٸك توكيوداعى سەرٸك پەن قازٸرگٸ سەرٸكتٸڭ ايىرماشىلىعىن ٸزدەۋدە. وليمپياداعا قاتىستى ويىن ايتىپ جاتقاندار كٶپ. نەگٸزٸ, ۇتىلعان ادامعا سىلتاۋ كٶپ. ەر نەرسەنٸ ايتا بەرۋگە بولادى. توكيودا جەڭٸلٸپ قالعانىم راس, ونى مويىندايمىن.
مەنٸڭ جٷلدەم پاۆلودار بوكسىنىڭ تاريحىنداعى العاشقى مەدال ەكەن. بۇل باستاماسى بولسىن دەپ تٸلەيمٸن. الدا جەڭٸستەرٸمٸز كٶپ بولسىن! بارلىعى دا ەڭبەكپەن كەلدٸ. ەڭبەك ەتەمٸز», - دەدٸ تەمٸرجانوۆ.
