الدىن-الا باعالاۋلار بويىنشا, 14-16 شٸلدەدە بەلگييادا سوڭعى 100 جىلدا بولعان ەڭ اۋىر سۋ تاسقىنىنان كەلتٸرٸلگەن زالال 10 ملرد ەۋرودان اسادى, دەپ حابارلايدى RTL-TVI تەلەارناسى.
«سۋ تاسقىنىنان الدىن الا كەلتٸرٸلگەن زالالدى ۆاللونييا (بەلگييانىڭ وڭتٷستٸك فرانكتٸلدٸ ايماعى) ٷكٸمەتٸ باعالايدى, ول قازٸردٸڭ ٶزٸندە 10 ميلليارد ەۋرودان اسادى», - دەپ اتاپ ٶتتٸ تەلەارنا.
اپتانىڭ باسىندا ۆاللونييا ٷكٸمەتٸ ايماقتى قالپىنا كەلتٸرۋگە 2 ميلليارد ەۋرو كٶلەمٸندەگٸ كٶمەك كٶرسەتۋ شۇعىل جوسپارىن قۇرۋ تۋرالى جارييالادى. بۇل جوسپار ٷشٸن 800 ملن ەۋرو كوروناۆيرۋس پاندەميياسىنان كەيٸن ايماقتى قالپىنا كەلتٸرۋگە باعىتتالعان ۆاللونييا ەكونوميكاسىن قولداۋدىڭ باسقا جوسپارىنان اۋدارىلاتىن بولادى. سونداي-اق, ايماق ٷكٸمەتٸ ەۋرووداقتان قوسىمشا كٶمەك كٷتەتٸنٸن مەلٸمدەدٸ.
بەيسەنبٸ كٷنٸ تاڭەرتەڭگٸ رەسمي مەلٸمەتتەر بويىنشا, بەلگيياداعى نٶسەر جاڭبىر سالدارىنان بولعان سۋ تاسقىنىنان 32 ادام كٶز جۇمعان, ولاردىڭ بارلىعى انىقتالدى, ال 18-ٸ حابار-وشارسىز كەتكەن. ون مىڭنان استام ٷي قيراپ, بٷلٸنگەن, وسى ۋاقىتقا دەيٸن 1,5 مىڭعا جۋىق ٷي سۋسىز, 10,5 مىڭ ٷي ەلەكتر جارىعىنسىز جەنە 10 مىڭ ٷي گازسىز قالدى.
