قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا وراي, بەلگييانىڭ «سينەماتەك» كورولدٸك كينو ٶنەرٸ ورتالىعىندا «توميريس» فيلمٸنٸڭ ارنايى كٶرسەتٸلٸمٸ ٶتتٸ, دەپ حابارلايدى قازاقپارات.
قازاقستان رەسپۋبليكاسىنىڭ بەلگيياداعى ەلشٸلٸگٸنٸڭ حابارلاۋىنشا, شارانى فرانتسيياداعى قازاقستان كينوسى قاۋىمداستىعىنىڭ قولداۋىمەن بەلگييا, ليۋكسەمبۋرگ جەنە فرانتسيياداعى قازاقستان كينوسى اپتالىعى اياسىندا قازاقستاندىق ديپلوماتتار ۇيىمداستىرعان.
سانيتارلىق شەكتەۋلەرگە قاراماستان, قازاقستاندىق كينەماتوگرافيياعا دەگەن قىزىعۋشىلىق جوعارى بولدى. ەكٸ جىلدا بٸرٸنشٸ رەت كٶرسەتٸلٸم وفلاين-فورماتتا ٶتٸپ وتىر.
شارا قوناقتارى اراسىندا ەۋروكوميسسييانىڭ ەۋروپالىق سىرتقى بايلانىستار قىزمەتٸ, ەۋروپالىق پارلامەنت, ناتو, بريۋسسەل قالاسىنداعى ديپلوماتييالىق كورپۋس قىزمەتكەرلەرٸ جەنە ٶزگە دە رەسمي تۇلعالار بولدى.
الايدا كەلۋشٸلەردٸڭ باسىم بٶلٸگٸ جەرگٸلٸكتٸ تۇرعىندار مەن قازاقستاندىق دياسپورا ٶكٸلدەرٸ بولدى. ولار ەلٸمٸزدٸڭ تەۋەلسٸزدٸك جىلدارى جەتكەن ەكونوميكالىق جەنە مەدەني-گۋمانيتارلىق دامۋ سالاسىنداعى جەتٸستٸكتەرٸنە ارنالعان سۋرەتتەر كٶرمەسٸن تانىستى.
شارا قوناقتارىن قارسى الۋ كەزٸندە قازاقستاننىڭ بەلگيياداعى ۋاقىتشا سەنٸمدٸ ٶكٸلٸ جاندوس بۇحبانتاەۆ 30 جىلدا قازاقستاننىڭ ەكونوميكا, مەدەنيەت جەنە سىرتقى ساياساتتا ايتارلىقتاي جەتٸستٸكتەرگە جەتكەنٸن اتاپ ٶتتٸ. قازاقستان ەۋروپالىق وداق جەنە ەۋروپانىڭ ٶزگە دە ەلدەرٸمەن سەنٸمدٸ جەنە ٶزارا تيٸمدٸ قارىم-قاتىناستار قۇردى. ج. بۇحبانتاەۆتىڭ ايتۋىنشا, «توميريس» كارتيناسى ارنايى تاڭدالدى – سەبەبٸ فيلم قازاق جەرٸندە تٸرشٸلٸك ەتكەن ەجەلگٸ تايپالاردىڭ باي تاريحىن كٶرسەتٸپ قانا قويماي, سونىمەن قاتار كارتينا اۆتورلارىنىڭ باستى يدەياسى – بٸرلٸك پەن پاتريوتيزمدٸ ساقتاۋ مەن قازاق مەملەكەتتٸلٸگٸن نىعايتۋدىڭ ماڭىزىن باياندايدى.
قازاقستان كينوسى قاۋىمداستىعىنىڭ جەتەكشٸسٸ اندرەي يۆانوۆ, سونىمەن قاتار توميريستٸڭ ەپكەسٸنٸڭ رٶلٸن سومداعان ايجان يرگاليەۆا كٶرەرمەندەرگە زاماناۋي قازاقستاندىق كينو ٶنەرٸنە قىزىعۋشىلىق تانىتقانى ٷشٸن العىسىن بٸلدٸردٸ. قازاق كينوسى ەۋروپالىق كينوماندار اراسىندا تانىمال بولىپ كەلەدٸ.
CINEMATEK – بەلگييا استاناسىنداعى كينوفەستيۆال ٶتكٸزۋگە ارنالعان ٸرٸ ورتالىق. مۇندا 1938 جىلى انري شتورك, اندرە تيريفەيس جەنە پيتوم ۆەرمەيلەن نەگٸزٸن قالاعان كورولدٸك فيلمدەر بەينەقورى ورنالاسقان, ٸشٸندە 180 000 كٶشٸرمە مەن 85 000 نەگاتيۆ ساقتالعان. كينو اپتالىعى اياسىندا 2021 جىلدىڭ 15 جەلتوقسانى كٷنٸ ليۋكسەمبۋرگ كٶرەرمەندەرٸ «كينەپوليس» ٸرٸ كينوتەاترىندا كانن فەستيۆالٸنٸڭ لاۋرەاتى اكتريسا سامال ەسلياموۆا تٷسكەن «ۋاقىت جولدارى» فيلمٸن تاماشالاي الادى.
