بريۋسسەل قالاسىنىڭ «حەيزەل» ۆاكتسينالاۋ ورتالىعىندا 12 جاسار سارا ەسٸمدٸ قىز بالاعا كوروناۆيرۋسقا قارسى ۆاكتسينانىڭ وسى مەكەمەدەگٸ 250 مىڭىنشى ەكپەسٸ سالتاناتتى تٷردە سالىندى, دەپ حابارلايدى "ۇلت اقپارات".
دٷيسەنبٸ كٷنٸ قالا مەرٸ فيليپپ كلوۋز سارانى قۇتتىقتاپ, وعان ۆاكتسينالاۋ سەرتيفيكاتىن تابىستادى. سالتاناتتى ماراپاتتاۋ رەسٸمٸنەن ۆيدەونى ف. كلوۋز Twitter-دە جارييالادى.
بەلگييادا 12-دەن 15 جاسقا دەيٸنگٸ بالالار ەرٸكتٸ ۆاكتسينالاۋدان ٶتە الادى. ەكپە سالدىرۋ كەزٸندە بالانىڭ اتا-اناسىنىڭ (قاراۋشىلارىنىڭ) بٸرگە كەلۋٸ نەمەسە ولاردىڭ جازباشا رۇقساتى تالاپ ەتٸلەدٸ.
2 تامىزدىڭ دەرەكتەرٸنە ساي, بەلگييادا 8 ميلليون ادام COVID-19-عا قارسى ۆاكتسينانىڭ بٸرٸنشٸ دوزاسىن العان. ودان بٶلەك, 7 ميلليونعا (6 826 579) جۋىق ادام ۆاكتسينانىڭ ەكٸ كومپونەنتٸن دە سالدىرعان. بۇل بەلگييا حالقىنىڭ ەرەسەك بٶلٸگٸنٸڭ 73,4% جەنە جالپى حالىقتىڭ 59,3% قۇرايدى.
