Briýssel qalasynyń «Heizel» vaktsinalaý ortalyǵynda 12 jasar Sara esimdi qyz balaǵa koronavirýsqa qarsy vaktsinanyń osy mekemedegi 250 myńynshy ekpesi saltanatty túrde salyndy, dep habarlaidy "Ult aqparat".
Dúisenbi kúni qala meri Filipp Kloýz Sarany quttyqtap, oǵan vaktsinalaý sertifikatyn tabystady. Saltanatty marapattaý rásiminen videony F. Kloýz Twitter-de jariialady.
Belgiiada 12-den 15 jasqa deiingi balalar erikti vaktsinalaýdan óte alady. Ekpe saldyrý kezinde balanyń ata-anasynyń (qaraýshylarynyń) birge kelýi nemese olardyń jazbasha ruqsaty talap etiledi.
2 tamyzdyń derekterine sai, Belgiiada 8 million adam COVID-19-ǵa qarsy vaktsinanyń birinshi dozasyn alǵan. Odan bólek, 7 millionǵa (6 826 579) jýyq adam vaktsinanyń eki komponentin de saldyrǵan. Bul Belgiia halqynyń eresek bóliginiń 73,4% jáne jalpy halyqtyń 59,3% quraidy.
