فرانتسييا پرەزيدەنتٸ ەممانۋەل ماكرون ەلدٸڭ وڭتٷستٸك-شىعىسىنداعى دروم دەپارتامەنتٸنە ساپارى كەزٸندە شابۋىلعا ۇشىرادى, - دەپ حابارلايدى ريا نوۆوستي.
ەلەۋمەتتٸك جەلٸلەردە پايدا بولعان ۆيدەو كادرلارىندا ەل پرەزيدەنتٸ ادامدارعا جاقىنداعانىن, ەر ادامداردىڭ بٸرەۋٸن قولىنان ۇستاپ تۇرعانىن كٶرۋگە بولادى, بٸراق تۇرعىن ونى ۇستاپ تۇرىپ, ەكٸنشٸ قولىمەن شاپالاقپەن ۇرادى. وسىدان كەيٸن جاعدايعا كٷزەتشٸ ارالاسادى, فرانتسييا پرەزيدەنتٸ بۇل ماڭنان كەتٸپ, ال ساقالدى ادام ۇستالادى.
تەلەارنا حابارىنا قاراعاندا, وقيعانى ەليسەي سارايىنىڭ ٶكٸلدەرٸ راستاعان, بٸراق ولار شاپالاق تۋرالى ەمەس, شاپالاق جاساۋعا وقتالۋ تۋرالى ايتىپ وتىر. وقيعادان كەيٸن ەكٸ ادام ۇستالعان.
فرانتسييا پرەمەر-مينيسترٸ جان كاستەكس پرەزيدەنتكە قارسى اگرەسسييانى ايىپتادى.
"رەسپۋبليكا پرەزيدەنتٸن ۇرۋ ارقىلى دەموكراتيياعا سوققى جاسالدى... دەموكراتييا - بۇل پٸكٸرتالاس, بۇل - ديالوگ, بۇل يدەيالاردىڭ قاقتىعىسى, بۇل كەلٸسپەۋشٸلٸكتٸڭ زاڭدى كٶرٸنٸسٸ, ەرينە. بٸراق بۇل قانداي جاعدايدا دا زورلىق-زومبىلىق, اۋىزشا اگرەسسييا, سونداي-اق فيزيكالىق اگرەسسييا بولماۋى كەرەك", - دەدٸ كاستەكس ۇلتتىق جينالىس وتىرىسىندا.
