بەلگٸلٸ جۋرناليست ەرجان بايتٸلەس جاڭا قىزمەتكە تاعايىندالدى, دەپ حابارلايدى "ۇلت اقپارات".
«قر پرەزيدەنتٸ ەكٸمشٸلٸگٸنٸڭ باسشىسى ەرلان قوشانوۆتىڭ بۇيرىعىمەن پرەزيدەنت باسپاسٶز قىزمەتٸنٸڭ سەكتور مەڭگەرۋشٸسٸ, بەلگٸلٸ جۋرناليست ەرجان بايتٸلەس بٷگٸننەن باستاپ قر مەملەكەتتٸك حاتشىسىنىڭ حاتشىلىعى مەڭگەرۋشٸسٸنٸڭ ورىنباسارى (ساياسي قىزمەت) بولىپ تاعايىندالدى», دەپ جازدى قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا.
ەرجان بايتٸلەس «اق جول قازاقستان», «الماتى اقشامى», «التى الاش», «انا تٸلٸ», «ەگەمەن قازاقستان» سەكٸلدٸ ەلٸمٸزدٸڭ ٸرگەلٸ باسىلىمدارىندا تٸلشٸلٸكتەن باستاپ جۋرناليستيكانىڭ بارلىق ساتىسىنان ٶتكەن تەجٸريبەلٸ جۋرناليست.
«قىزىلوردا قالالىق مەسليحاتىنىڭ دەپۋتاتى, Nur Otan پارتيياسى قىزىلوردا وبلىستىق فيليالى تٶراعاسىنىڭ ورىنباسارى رەتٸندە قوعامدىق جۇمىسقا دا بەلسەندٸ ارالاسقان ازامات. وسىدان ەكٸ جىل بۇرىن قر پرەزيدەنتٸنٸڭ باسپاسٶز قىزمەتٸنە ارنايى شاقىردىق. سولايشا مەملەكەتتٸك قىزمەتتٸڭ قىر-سىرىنا ٷيرەنٸپ, ٷلكەن مەكتەپتەن ٶتٸپ, شىڭدالدى. ەندٸ قاناتى قاتايىپ, تەجٸريبەسٸ تولىسىپ تاعى بٸر باسپالداققا كٶتەرٸلٸپ جاتىر», - دەدٸ بەرٸك ۋەلي.
