قازاق پروزاسىنا «اسپانقورا», «شال مەن جىلقى», «قۇرالايدىڭ سالقىنى» سيياقتى كلاسسيكالىق شىعارمالاردى سىيلاعان جازۋشى, بٸرقاتار باسىلىمدا باس رەداكتور قىزمەتٸن اتقارعان جۋرناليست جۇماباي شاشتايۇلى قايتىس بولدى.
قارالى حاباردى مەجٸلٸس دەپۋتاتى جاناربەك ەشٸمجان جەتكٸزدٸ.
«قاسيەتتٸ ورازانىڭ ەكٸنشٸ كٷنٸ قازاقتىڭ بٸرتۋار قالامگەرٸ, اسىل اعامىز جۇماباي شاشتايۇلى جاراتقاننىڭ قۇزىرىنا قايتىپتى. بٸرنەشە بۋىنعا ۇستاز بولعان, ادال ھەم تاپ-تازا قالپىنان اينىماي, سوڭىنان بٸر اۋىز بٶتەن سٶز ٸلەستٸرمەگەن جۇماعاڭ تۋرالى ايتار جاقسى ەڭگٸمە كٶپ. جاقسىلار شەتٸنەن كەتٸپ جاتىر», — دەپ جازادى ول.
جۇماباي شاشتايۇلى 1950 جىلى جامبىل اۋدانى جامبىل اۋىلىندا دٷنيەگە كەلگەن.
ول «كوممۋنيزم جولى» گازەتٸندە, 1980-87 جىلدارى رەسپۋبليكالىق «لەنينشٸل جاس», «سوتسياليستٸك قازاقستان» گازەتتەرٸندە, 1987-90 جىلدارى «جالىن» جۋرنالىندا جۇمىس ٸستەدٸ.
1990-92 جىلدارى «قازاق تٸلٸ» قوعامى الماتى وبلىستىق كوميتەتٸ تٶراعاسىنىڭ ورىنباسارى, 1992-96 جىلدارى «جاس الاش», «قازاق ەدەبيەتٸ» گازەتتەرٸندە بٶلٸم مەڭگەرۋشٸسٸ, 1996-2002 جىلدارى حالىقارالىق «زامان-قازاقستان» گازەتٸنٸڭ باس رەداكتورى بولدى.
2002 جىلدان قازاق راديوسىنىڭ باس رەداكتورى قىزمەتٸن اتقاردى. 2008-2017 جىلدارى «قازاق ەدەبيەتٸ» گازەتٸندە باس رەداكتور بولعان.
«تاڭ نۇرى» اتتى ۇجىمدىق جيناققا «قييادا» اتتى العاشقى پوۆەسٸ ەندٸ. 1984 جىلى شىققان «قىزىل قار» اتتى تۇڭعىش جيناعى سول كەزدەگٸ ساياسي باسشىلىق تاراپىنان قاتال سىنعا ٸلٸكتٸ. «جالا مەن نالا» (1987 ج), «جىر جولبارىس» (1996 ج), «بٸزدٸڭ زاماننىڭ اياز بيٸ» (1997 ج), «جاڭعىرىق» رومانى (2004 ج), تاڭدامالى 2 تومدىق جيناعى (2010 ج) جەنە «اياز بي» رومانى «جازۋشى» باسپاسىنان قايتا باسىلىپ شىققان (2013 ج).
