فوتو: adyrna.kz
بەلگٸلٸ كەسٸپكەر احمەتبەك نۇرسيلا «سيۋتساي» مەكتەبٸن تەكسەرۋدٸ سۇراپ, مەملەكەت باسشىسى قاسىم-جومارت توقاەۆقا حات جازدى, دەپ حابارلايدى "ۇلت اقپارات".
«قۇرمەتتٸ پرەزيدەنت قاسىم-جومارت كەمەلۇلى! قازاقستاندا قوجامجاروۆ جانات دەگەن ازامات, ٶزٸن «باقسى» دەپ جارييالاپ, «سيۋتساي» اتتى جالعان عىلىم, سەكتا اشىپ, حالىقتىڭ ساناسىن ۋلاپ جاتىر.
1. 6000-نان استام سيۋتساي شەبەرلەرٸن وقىتىپ, سەرتيفيكات بەردٸ. ەندٸ ول «شەبەرلەردٸڭ» ەرقايسىسى كۋرس اشىپ, سەكتانىڭ قىزمەتٸن ارى قاراي دامىتىپ جاتىر.
2. قوجامجاروۆ زاڭ بۇزۋىشىلىقپەن اينالىسىپ, ٶزٸ قازاقستانعا كەلە المايتىن بولعاندىقتان, ترەنينگتەرٸن دۋبايدا, تٷركييادا, قىرعىزستاندا ٶتكٸزٸپ جٷر. ادامدار "سيۋتساي شەبەرٸ بولىپ, مول اقشا تاباسىڭ, بايلىققا كەنەلەسٸڭ" دەگەن جارناماعا سەنٸپ, سەكتانىڭ 5 كٷندٸك 1 000 000 تەڭگەلٸك (جول شىعىنى, قوناق ٷي, باسقا شىعىنداردى ساناعاندا 2 000 000 تەڭگە شىعىن شىعادى ەكەن) ساباعىن بانكتەردەن نەسيە الىپ وقىپ جاتىر.
3. ساباق بارىسىندا جانات قوجامجاروۆ ەيەل ادامداردى شەشٸندٸرٸپ, ارقالارىن ىستىق سۋمەن كٷيدٸرٸپ, ەركەكتەردٸ كٸر جەرگە جاتقىزىپ, تابانىمەن تاپتايدى. ونىمەن قوسا (...) تٷرلٸ بىلاپىت, بوقتىق سٶزدەردٸ قارداي بوراتادى. ساناسى ۋلانعان ادامدار وسىنىڭ بەرٸنە شىداپ وتىرادى.
4. سونداي-اق «سيۋتساي دەتي», «سيۋتساي مولودوست» دەگەن كۋرستار اشىپ, جاس ترەنەرلەر دايىنداپ, ەندٸ جاستاردىڭ ساناسىن ۋلاۋعا دايىندالىپ جاتىر.
5. ٶزٸ ٶمٸر بويى فيليپ مورريس كومپانيياسىندا كٷزەتشٸ, جٷك تاسۋشى بولىپ ٸستەگەن. 10 سىنىپتىق قانا بٸلٸمٸ بولا تۇرا, ٶزٸنە «اكادەميك وكسفوردا», «دوكتور ناۋك ەۆروسويۋزا», «پوسول ميرا», تاعى دا باسقا تولىپ جاتقان اتاقتاردى جاماپ العان.
6. وتباسى بار ەيەل ادامدارعا «كٷيەۋٸڭ مونشاعا بارعاندا سابىن بەرمە, پ.........ۆ بەر» دەگەن سيياقتى وتباسىن بۇزاتىن اقىل-كەڭەستەر بەرٸپ جەنە ونى ينتەرنەت ارقىلى دا تاراتىپ جاتىر.
7. قاسيەتتٸ حانىمىز كەنەسارىنىڭ رۋحىن, ارۋاعىن ساۋۋلە دەگەن ەيەل ادامعا قوندىردىم دەپ, ول بولسا, ٶزٸنٸڭ تەگٸن ٶزگەرتٸپ, ساۋۋلە كەنەسارى حان قىزى دەگەن اتاق الىپ, ينتەرنەت ارقىلى جەنە مىڭداعان ادامدى زالدارعا جيناپ, سەكتانىڭ مٷشەلەرٸن كٶبەيتٸپ جاتىر.
8. رەسەي فەدەراتسيياسىنىڭ ازاماتتارى جاناتتىڭ ريگادا ەيەلدەر مەن ەركەكتەردٸ جيناپ, «ورگييا» جاساعانى جايلى ايتىپ حات جازۋدا.
قۇرمەتتٸ پرەزيدەنت! ەگەر دە بۇل سەكتانىڭ جۇمىسىن توقتاتپاساق, ارتى ناسىرعا اپارۋى ەبدەن مٷمكٸن. بٷگٸنگٸ كٷننٸڭ ٶزٸندە ەر قالادا سيۋتسايدىڭ بٸرنەشە كلۋبى, بٶلٸمشەلەرٸ بار. ولار كٷن سايىن تٷرلٸ ترەنينگتەر ٶتكٸزٸپ, حالقىمىزدىڭ ساناسىن ۋلاپ جاتىر. وسى سەكتانىڭ جۇمىسىن تەكسەرۋگە قۇزىرلى مەكەمەلەرگە نۇسقاۋ بەرٸپ, بۇل ٸندەتتٸ توقتاتۋىڭىزدى سۇرايمىز» - دەيدٸ قوعام بەلسەندٸسٸ احمەتبەك نۇرسيلا.
ۆيدەو: Adyrna.kz
