Foto: adyrna.kz
Belgili kásipker Ahmetbek Nursila «Siýtsai» mektebin tekserýdi surap, Memleket basshysy Qasym-Jomart Toqaevqa hat jazdy, dep habarlaidy "Ult aqparat".
«Qurmetti Prezident Qasym-Jomart Kemeluly! Qazaqstanda Qojamjarov Janat degen azamat, ózin «baqsy» dep jariialap, «Siýtsai» atty jalǵan ǵylym, sekta ashyp, halyqtyń sanasyn ýlap jatyr.
1. 6000-nan astam Siýtsai sheberlerin oqytyp, sertifikat berdi. Endi ol «sheberlerdiń» árqaisysy kýrs ashyp, sektanyń qyzmetin ary qarai damytyp jatyr.
2. Qojamjarov zań buzýyshylyqpen ainalysyp, ózi Qazaqstanǵa kele almaityn bolǵandyqtan, treningterin Dýbaida, Túrkiiada, Qyrǵyzstanda ótkizip júr. Adamdar "Siýtsai sheberi bolyp, mol aqsha tabasyń, bailyqqa kenelesiń" degen jarnamaǵa senip, sektanyń 5 kúndik 1 000 000 teńgelik (Jol shyǵyny, qonaq úi, basqa shyǵyndardy sanaǵanda 2 000 000 teńge shyǵyn shyǵady eken) sabaǵyn bankterden nesie alyp oqyp jatyr.
3. Sabaq barysynda Janat Qojamjarov áiel adamdardy sheshindirip, arqalaryn ystyq sýmen kúidirip, erkekterdi kir jerge jatqyzyp, tabanymen taptaidy. Onymen qosa (...) túrli bylapyt, boqtyq sózderdi qardai boratady. Sanasy ýlanǵan adamdar osynyń bárine shydap otyrady.
4. Sondai-aq «Siýtsai deti», «Siýtsai molodost» degen kýrstar ashyp, jas trenerler daiyndap, endi jastardyń sanasyn ýlaýǵa daiyndalyp jatyr.
5. Ózi ómir boiy Filip Morris kompaniiasynda kúzetshi, júk tasýshy bolyp istegen. 10 synyptyq qana bilimi bola tura, ózine «Akademik Oksforda», «Doktor naýk Evrosoiýza», «Posol Mira», taǵy da basqa tolyp jatqan ataqtardy jamap alǵan.
6. Otbasy bar áiel adamdarǵa «Kúieýiń monshaǵa barǵanda sabyn berme, p.........v ber» degen siiaqty otbasyn buzatyn aqyl-keńester berip jáne ony internet arqyly da taratyp jatyr.
7. Qasietti hanymyz Kenesarynyń rýhyn, arýaǵyn Saýýle degen áiel adamǵa qondyrdym dep, ol bolsa, óziniń tegin ózgertip, Saýýle Kenesary Han Qyzy degen ataq alyp, internet arqyly jáne myńdaǵan adamdy zaldarǵa jinap, sektanyń múshelerin kóbeitip jatyr.
8. Resei federatsiiasynyń azamattary Janattyń Rigada áielder men erkekterdi jinap, «orgiia» jasaǵany jaily aityp hat jazýda.
Qurmetti Prezident! Eger de bul sektanyń jumysyn toqtatpasaq, arty nasyrǵa aparýy ábden múmkin. Búgingi kúnniń ózinde ár qalada Siýtsaidyń birneshe klýby, bólimsheleri bar. Olar kún saiyn túrli treningter ótkizip, halqymyzdyń sanasyn ýlap jatyr. Osy sektanyń jumysyn tekserýge quzyrly mekemelerge nusqaý berip, bul indetti toqtatýyńyzdy suraimyz» - deidi qoǵam belsendisi Ahmetbek Nursila.
video: Adyrna.kz
