قازاقستان ەدەبيەتٸ اۋىر قازاعا ۇشىرادى. بەلگٸلٸ اقىن, اۋدارماشى, قازاقستاننىڭ مەدەنيەت قايراتكەرٸ, قازاقستان جازۋشىلار وداعىنىڭ مٷشەسٸ نۇرتاس يساباەۆ 72 جاسقا قاراعان شاعىندا دٷنيەدەن وزدى, دەپ حابارلايدى ult.kz.
نۇرتاس يبراگيمۇلى يساباەۆ 1954 جىلدىڭ 13 قاراشاسىندا قىزىلوردا وبلىسى جاڭاقورعان اۋدانىندا دٷنيەگە كەلگەن. ەڭبەك جولىن اۋداندىق گازەتتە كوررەكتور بولىپ باستاپ, 1982 جىلى مەسكەۋدەگٸ م.گوركيي اتىنداعى ەدەبيەت ينستيتۋتىن تەمامداعان.
اقىننىڭ العاشقى جىر جيناعى «باستاۋ» 1980 جىلى جارىق كٶردٸ. كەيٸن «ٶمٸردٸ سٷيۋ», «ۇلىلىقپەن سىرلاسۋ», «قيمايمىن سەنٸ», «ٶمٸرگە قۇشتارلىق» سىندى بٸرقاتار پوەزييالىق كٸتاپتارى وقىرمانعا جول تارتتى. ونىڭ ٶلەڭدەرٸ ورىس تٸلٸندەگٸ «رازبەگ» ۇجىمدىق جيناعىنا دا ەنگەن.
نۇرتاس يساباەۆ قازاق ەدەبيەتٸنە اقىن رەتٸندە عانا ەمەس, تالانتتى اۋدارماشى رەتٸندە دە زور ٷلەس قوستى. ول ورىس اقىنى الەكساندر تۆاردوۆسكييدٸڭ شىعارمالارىن قازاق تٸلٸنە تەرجٸمالاپ, ۇلتتىق اۋدارما ٶنەرٸنٸڭ دامۋىنا ەڭبەك سٸڭٸردٸ.
ەدەبيەت سالاسىنداعى ەڭبەگٸ ٷشٸن قازاقستان جازۋشىلار وداعى سىيلىعىنىڭ, وراز جاندوسوۆ قورى سىيلىعىنىڭ لاۋرەاتى اتاندى. «مەدەنيەت قايراتكەرٸ» تٶسبەلگٸسٸمەن, پرەزيدەنتتٸڭ مەملەكەتتٸك ستيپەنديياسىمەن جەنە «قۇرمەت» وردەنٸمەن ماراپاتتالعان.
قازاقستان جازۋشىلار وداعىنىڭ باسقارماسى مارقۇمنىڭ تۋعان-تۋىستارى مەن جاقىندارىنا كٶڭٸل ايتىپ, قازاق ەدەبيەتٸ كٶرنەكتٸ قالامگەرٸنەن ايىرىلعانىن مەلٸمدەدٸ.
