الاشتانۋشى عالىم سۇلتان حان اققۇلى جٷسٸپتٸڭ ٶتٸنٸشٸ فراكتسييانىڭ وسى وتىرىسىندا بەينەكونفەرەرەنتسيياعا قاتىسىپ وتىرعان «اق جولدىڭ» بارلىق فيليالى ٶكٸلدەرٸنٸڭ قاتىسۋىمەن داۋىسقا سالىندى. ونىڭ ٶتٸنٸشٸ بٸراۋىزدان ماقۇلدانىپ, پارتييا قاتارىنا قابىلداندى, دەپ حابارلايدى "ۇلت اقپارات".
بۇل تۋرالى الاشتانۋشىنىڭ ٶزٸ Facebook پاراقشاسىندا جازدى.
«شىنى كەرەك, بۇل شەشٸم وڭاي بولعان جوق. ەلگە ورالعان 2013 جىلدان بەرٸ 7 جىل ٶتتٸ. ەيتسە دە «اق جول» دەموكراتييالىق پارتيياسىنا كٸرۋٸمە بۇل ساياسي ۇيىمنىڭ ٶزٸن قازٸرگٸ قازاق ەلٸنٸڭ مىزعىماس ٸرگەتاسىن قالاپ, شەكاراسىن بەلگٸلەپ كەتكەن حح عاسىر باسىنداعى «الاش» پارتيياسىنىڭ مۇراگەرٸ دەپ سٶز جٷزٸندە عانا ەمەس, جەتەكشٸسٸ, «الاش» قايراتكەرٸ پەرۋاش كەرٸمۇلىنىڭ نەمەرەسٸ ازات پەرۋاشەۆ باستاعان پارتييانىڭ «الاش» يدەياسىن, قوزعالىسىن, پارتيياسىن, اتاۋلاس ۇلتتىق جەرلٸ اۆتونوميياسىن جەنە «الاش» قايراتكەرلەرٸن تيياناقتى ٸس-ەرەكەتٸمەن, قازاقشا-ورىسشا ماقالا-جارييالانىمدارىمەن, ۇلتتىق, حالىقارالىق عىلىمي بايقاۋلارىمەن, عىلىمي كونفەرەنتسييالارىمەن مٷمكٸندٸگٸنشە شار تاراپقا ناسيحاتتاپ كەلە جاتقان يگٸ ٸسٸ تٷرتكٸ بولدى. بٷگٸن «الاش» تاقىرىبىن «اق جول»-دان ارتىق ناسيحاتتاعان پارتييا بار ما!? ال يسٸ قازاققا «الاش»-تان اسقان يدەيا تابىلا ما!?» - دەپ جازدى سۇلتان حان اققۇلى.
