سۋرەت اشىق دەرەككٶزدەن الىندى
اقىن, قازاقستاننىڭ ەڭبەك سٸڭٸرگەن قايراتكەرٸ قويشىعۇل جىلقىشيەۆ 75 جاسقا قاراعان شاعىندا دٷنيەدەن ٶتتٸ. بۇل تۋرالى اتىراۋلىق اقىن ەلييا دەۋلەتباەۆا ٶزٸنٸڭ Facebook-تەگٸ پاراقشاسىندا جازدى.
"اتىراۋ مەدەنيەتٸنٸڭ اقتاڭگەرٸ قويشىعۇل اعا جالعاننان ٶتتٸ... ٶمٸر دەگەن وسى ەكەن... بەتٸمٸزدەن قاقپادىڭىز... ەركەلٸگٸمٸزدٸ كٶتەردٸڭٸز... قامقور بولدىڭىز... دٷنيە شىن جالعان ەكەن عوي... اللا الدىڭىزدان جارىلعاسىن, اعا!", - دەپ جازدى ول ەلەۋمەتتٸك جەلٸدە.
قويشىعۇل جىلقىشيەۆ 1948 جىلى 24 قازاندا اتىراۋ وبلىسى يندەر اۋدانى جارسۋات اۋىلدىق كەڭەسٸنە قاراستى جامانقۇدىق جايلاۋىندا دٷنيەگە كەلگەن. 1975 جىلى قازمۋ-دىڭ جۋرناليستيكا فاكۋلتەتٸن تەمامداعان.
قازاق كسر مەدەنيەت مينيسترلٸگٸندە, تەلەۆيدەنيە سالاسىندا قىزمەت ٸستەگەن. سونداي-اق «ٶنەرپاز» قوعامدىق قايىرىمدىلىق قورىنىڭ جەنە رەسپۋبليكالىق «ماحامبەت» قورىنىڭ پرەزيدەنتٸ بولعان. كەيٸنگٸ جىلدارى قازاقستان جازۋشىلار وداعى اتىراۋ وبلىستىق فيليالىنىڭ ديرەكتورى قىزمەتٸن اتقاردى.
«تۇڭعىش» (1978), «مۇڭ-كٸتاپ» (1998), «اساۋكەر» (2001) سيياقتى جىر جيناقتارىنىڭ اۆتورى.
ماحامبەت ٶتەمٸسۇلى تۋرالى پۋبليتسيستيكالىق ماقالارى ٷشٸن قازاقستان جۋرناليستەر وداعىنىڭ احمەت بايتۇرسىنوۆ اتىنداعى سىيلىعىن الدى (1996 جىل). سونداي-اق ماحامبەت اتىنداعى سىيلىقتىڭ لاۋرەاتى.
