قازاق كينوسىنىڭ بەلگٸلٸ اكتەرٸ دوسحان جولجاقسىنوۆ ەيگٸلٸ “قىز جٸبەك” فيلمٸنە قاتىستى ماڭىزدى مەسەلەنٸ كٶتەردٸ. ول جۋرناليست جانار بايسەمٸزگە بەرگەن سۇحباتىندا فيلمدەگٸ تاريحي كامزولدىڭ تاعدىرىنا الاڭدايتىنىن ايتتى, دەپ حابارلايدى ult.kz.
ٶنەر يەسٸ “قىز جٸبەك” بەينەسٸ مەن ونى سومداعان اكتريسا مەرۋەرت ٶتەكەشوۆانىڭ ەسٸمٸ حالىق جادىندا بٸرگە ساقتالعانىن اتاپ ٶتتٸ. ونىڭ پٸكٸرٸنشە, كينو ارقىلى قالىپتاسقان مەدەني مۇرا تەك ٶنەر تۋىندىسى ەمەس, ۇلتتىڭ تاريحي جادى رەتٸندە باعالانۋى تيٸس.
اكتەر ەسٸرەسە فيلمدە قولدانىلعان كامزول سيياقتى جەدٸگەرلەردٸڭ ساقتالۋى ماڭىزدى ەكەنٸن ايتىپ, ولاردىڭ ارنايى مۋزەيلەردە قورعالۋى قاجەت ەكەنٸن جەتكٸزدٸ.
«قىز جٸبەكتٸ ويناعان – مەرۋەرت. قىز جٸبەك دەگەن بەينە – حالىقتىڭ جادىندا بٸرگە. وسىنداي دٷنيەلەر جوعالماۋى كەرەك. ولار شەكەن ايمانوۆ مۋزەيٸندە نەمەسە ورتالىق مۋزەيدە ساقتالۋى تيٸس ەدٸ», — دەدٸ ول.
جولجاقسىنوۆتىڭ ايتۋىنشا, مۇنداي تاريحي كيٸمدەر ۇلتتىڭ مەدەني مۇراسىن كٶرسەتەتٸن قۇندى جەدٸگەر رەتٸندە ساقتالۋى كەرەك. ول وسى مەسەلەگە الاڭداپ, قوعامنىڭ رۋحاني قۇندىلىقتارعا دەگەن كٶزقاراسىنا سىن ايتتى.
«بٸز قاي باعىتتا بارا جاتىرمىز? بٸرەۋدٸ ەستە ساقتاۋ ٷشٸن, ول ادام ٶمٸردەن ٶتۋٸ كەرەك پە?» — دەپ قىنجىلىسىن بٸلدٸردٸ اكتەر.
ونىڭ پٸكٸرٸنشە, ٶنەر مەن مەدەنيەتكە قاتىستى وسىنداي دٷنيەلەر جوعالماي, كەلەر ۇرپاققا جەتكٸزٸلۋٸ تيٸس.
