بەلارۋستە وپپوزيتسييا قۇرعان ٷيلەستٸرۋ كەڭەسٸنٸڭ پرەزيديۋم مٷشەسٸ مارييا كولەسنيكوۆا ۇستالىپ, مينسكٸدەگٸ تەرگەۋ يزولياتورىنا قامالدى. بۇل تۋرالى وپپوزيتسييالىق ساياساتكەردٸڭ ەكەسٸ الەكساندر كولەسنيكوۆ سٶزٸنە سٷيەنگەن Tut.by سايتى حابارلادى.
الەكساندر كولەسنيكوۆتىڭ سٶزٸنە قاراعاندا وعان تەرگەۋشٸ حابارلاسىپ, قىزىنىڭ قامالعانى تۋرالى حابار بەرٸپ, سەلەمدەمە بەرٸپ جٸبەرۋدٸ ۇسىنعان. سٶيتٸپ, ٷيلەستٸرۋ كەڭەسٸنٸڭ پرەزيديۋمىنا مٷشە جەتٸ ادام اراسىندا قازٸر جازۋشى, نوبەل سىيلىعىنىڭ لاۋرەاتى سۆەتلانا الەكسيەۆيچ قانا بوستاندىقتا قالدى. قالعان التاۋىنىڭ كەيبٸرٸ قامالعان, كەيبٸرٸ ەلدەن كٷشپەن شىعارىلعان.
بۇعان دەيٸن ەۆروراديو مينسكٸدە كولەسنيكوۆانىڭ پەتەرٸندە تٸنتۋ بولعانىن حابارلاعان ەدٸ. قۇقىق قورعاۋ ورگان قىزمەتكەرلەرٸ پودەزدٸ كٷزەتٸپ, ەشكٸمنٸڭ پەتەرگە جاقىنداۋىنا مٷمكٸندٸك بەرمەگەن. ولار "تەرگەۋ امالدارى جٷرٸپ جاتىر" دەپ تٷسٸندٸرگەن.
ەكٸ كٷن بۇرىن كولەسنيكوۆا مەن ونىڭ ەكٸ سەرٸگٸ يۆان كراۆتسوۆ پەن انتون رودنيانكوۆتٸ ۇرلاپ ەكەتٸپ, كٷشپەن ۋكرايناعا جٸبەرمەك بولعان ەدٸ. كراۆتسوۆ پەن رودنيانكوۆ قازٸر كيەۆتە. ولاردىڭ ايتۋىنشا, كولەسنيكوۆا پاسپورتىن جىرتىپ, كٶلٸكتٸڭ تەرەزەسٸنەن سىتىلىپ شىعىپ, بەلارۋسكە قايتا ورالعان, سول جەردە ۇستالعان.
