بەلارۋس-پولشا شەكاراسىنداعى ٶتكٸزۋ بەكەتٸنٸڭ جانىنداعى لاگەردەگٸ بوسقىندار كٸشٸگٸرٸم توپتارعا بٶلٸندٸ. ولار كٶلٸك-لوگيستيكالىق ورتالىققا قاراي جٸبەرٸلدٸ, دەپ حابارلايدى قازاقپارات بەلتا اگەنتتٸگٸنە سٸلتەمە جاساپ.
ايتا كەتسەك, ولارعا بەلارۋس پرەزيدەنتٸ الەكساندر لۋكاشەنكونىڭ بۇيرىعىمەن ۇيىمداستىرىلعان ۋاقىتشا ورنالاستىرۋ بەكەتٸنە ٶتۋگە بٸرنەشە رەت ۇسىنىس جاسالعان. كٶلٸك-لوگيستيكالىق ورتالىقتا ولار بارلىق كەرەك زاتتارمەن قامتاماسىز ەتٸلگەن. بوسقىندارعا جىلى كيٸمدەر بەرٸلگەن, تاماقتاندىرۋ ۇيىمداستىرىلعان. ولارعا بيلٸك ورگاندارىمەن قوسا, قوعامدىق ۇيىمدار دا كٶمەك كٶرسەتۋدە, تەۋلٸك بويى دەرٸگەرلەر كٷزەتۋدە.
بەلارۋس تاراپى شەكارادا قالىپ قويعان ادامدارعا كٶمەك كٶرسەتۋ ٷشٸن قولدان كەلگەنٸن بەرٸن جاساپ جاتقانىن حابارلادى.
ەuronews جازۋىنشا, بەلارۋس-پولشا شەكاراسىندا مىڭداعان ميگرانتتىڭ جينالعانى بەلارۋستٸڭ باسقا دا كٶرشٸلەرٸنە بەلگٸ بولدى. لاتۆييا شىعىستاعى شەكاراسىن نىعايتىپ جاتىر: رەسپۋبليكا بيلٸگٸ 37 شاقىرىم قاشىقتىقتى قۇرايتىن ۋاقىتشا قورشاۋ سالۋدى قارجىلاندىرۋدا. قورشاۋ بارلىق جەرگە ورناتىلماۋى مٷمكٸن, سەبەبٸ شەكارادا ٶزەن مەن بالشىق جەرلەر بار. ريگا رەسمي تٷردە كەلەسٸ جىلدىڭ اقپانىنا دەيٸن شەكاراداعى ايماققا تٶتەنشە جاعداي رەجيمٸن سوزدىرۋعا رۇقسات بەردٸ.
لاتۆييانىڭ شەكارا قىزمەتٸنٸڭ گەنەرال-لەيتەنانتى يۋريس كۋسينش بىلاي دەدٸ: «بٸز داۋىس زورايتقىشپەن كٷرد, اراب, اعىلشىن جەنە ورىس تٸلٸندە لاتۆييا اۋماعىنا زاڭسىز كٸرگەندەر جاۋاپقا تارتىلاتىنىن ەسكەرتٸپ جاتىرمىز. كٶپتەگەن جاعدايدا ادامداردىڭ قايتا كەتۋٸنە وسى دا جەتكٸلٸكتٸ شىعار».
بەلارۋستٸڭ تاعى بٸر شەكارالاس كٶرشٸسٸ - ليتۆا ميگرانتتاردى يتتەردٸڭ كٶمەگٸمەن قۋىپ شىققاندى تەرٸسكە شىعاردى. ونداي ۆيدەونى بەلارۋس مەملەكەتتٸك شەكارا كوميتەتٸ تاراتتى. ليتۆا تاراپىنىڭ مەلٸمەتٸنشە, ول جالعان اقپارات.
