توكيو وليمپياداسىندا العاشقى جەكپە-جەكتە رەسەيلٸك قارسىلاسىنان جەڭٸلگەن قازاقستاندىق بوكسشى بەكزاد نۇردەۋلەتوۆ جاقىندارى مەن جانكٷيەرلەرٸنە العىس ايتتى.
بۇل تۋرالى بوكسشى Instagram-داعى پاراقشاسىندا جازدى.
"العا قويعان ماقساتىمىزعا جەتە المادىق. بەرٸ بٸز ويلاعانداي بولا بەرمەيدٸ. بوكستاعى 13 جىلدىڭ ٸشٸندە قانشاما ەڭبەك, تەر, جاراقات پەن قان كەتتٸ, وسىنىڭ بەرٸ سول بالا كەزدەگٸ بەكزادتىڭ ارمانىنان باستالعان بولاتىن. قانداي جاعداي بولماسا دا قاسىمدا تابىلاتىن وتباسىما, باۋىرلارىما, جاقىندارىما جەنە شىن جاناشىر جاندارعا العىس ايتامىن! نەلەر كەلٸپ, نە كەتپەس ەر جٸگٸتتٸڭ باسىنا", - دەپ جازدى نۇردەۋلەتوۆ.
ەلەم چەمپيونى بەكزاد نۇردەۋلەتوۆ توكيو وليمپيداسىندا 28 شٸلدە كٷنٸ سىنعا تٷستٸ.
81 كەلٸگە دەيٸنگٸ سالماق دەرەجەسٸ بويىنشا ٶتكەن العاشقى جەكپە-جەكتە قازاقستاندىق رەسەيلٸك يمام حاتاەۆپەن جۇدىرىقتاستى.
جەكپە-جەكتٸ ەكٸ رەت توقتاتۋعا تۋرا كەلدٸ. بوكسشىلاردىڭ ەكەۋٸ دە جاراقات الدى. دەگەنمەن تٶرەشٸلەر شەشٸمٸمەن رەسەيلٸك بوكسشى جەڭٸسكە جەتتٸ. قورىتىندى ەسەپ – 1:4.
ايتا كەتەيٸك, وليمپيادادا تٶرت بوكسشىمىز قالدى. زاكير سافيۋللين (63 كەلٸ) مەن سەكەن بيبوسىنوۆ (52 كەلٸ) العاشقى جەكپە-جەكتەرٸن سەتتٸ ٶتكٸزگەن. ەبٸلحان امانقۇل (75 كەلٸ) ٶزبەك بوكسشىسى فانات قاحرامونوۆتى ايقىن باسىمدىقپەن جەڭدٸ. اسا اۋىر سالماق دەرەجەسٸندە مىسىرلىق بوكسشىمەن جەكپە-جەككە شىققان قامشىبەك قوڭقاباەۆ 5:0 ەسەبٸمەن باسىم تٷستٸ.
ال قازاقستاننىڭ ەيەلدەر كومانداسى اتىنان توكيو وليمپياداسىنا بارعان جالعىز بوكسشى نادەجدا ريابەتس (75 كەلٸ) بٸرٸنشٸ جەكپە-جەكتە ۇتىلسا, سەرٸك تەمٸرجانوۆ (57 كەلٸ) ەكٸنشٸ اينالىمنان اسا المادى. بۇدان بٶلەك, 69 كەلٸ سالماق دەرەجەسٸندە ابىلايحان جٷسٸپوۆ امەريكالىق بوكسشىعا جول بەردٸ. ال ۆاسيليي لەۆيت (91 كەلٸ) نوكاۋتپەن ۇتىلدى. ەلەم چەمپيونى بەكزاد نۇردەۋلەتوۆ تە بٸرٸنشٸ جەكپە-جەكتە رەسەيلٸك بوكسشىدان جەڭٸلٸپ قالدى.
