الماتىدا ٶتكەن ونلاين بريفينگ بارىسىندا الماتى باس سانيتارلىق دەرٸگەرٸ جانداربەك بەكشين نەلٸكتەن كينوتەاترلاردىڭ جۇمىسىنا رۇقسات بەرٸلگەنٸن تٷسٸندٸردٸ, دەپ حابارلايدى قازاقپارات.
ونىڭ ايتۋىنشا, قازٸر كينوتەاترلار مەن ساۋدا ويىن ساۋىق ورتالىعىنىڭ سەنبٸ كٷندەرٸ اشىلۋىنا قاتىستى تالقىلاۋ جٷرٸپ جاتىر.
«بۇل تەك جاسىل ايماقتاعى ٶڭٸرلەرگە عانا قاتىستى. ەگەر, اۋرۋ كٶرسەتكٸشتەرٸ ٶسٸپ بارا جاتسا, كينوتەاترلاردىڭ اشىلۋى تۋرالى مەسەلە قاراستىرىلمايدى. كينوتەاتر باسشىلارى ۇجىمدىق رەتسەركۋلياتسييا, باكتەريتسيدتٸ شامدار ورناتا باستادى. زالعا 30 پايىزدان ارتىق ادام كٸرگٸزبەۋ, ادامداردى قاشىقتان وتىرعىزۋ سيياقتى ۇسىنىستار ايتىپ جاتىر. ال ساۋدا-ويىن ساۋىق ورتالىقتارىندا كٶڭٸل كٶتەرۋ ورىندارى بۇرىنعىداي جابىق بولادى. بيزنەس ٶكٸلدەرٸ وسى ۋاقىتقا دەيٸن جاي قاراپ وتىرعان جوق. ۇجىمدىق دياگنوستيكانىڭ تٷرلٸ شارالارىن قابىلدادى. قازٸر ساۋدا ويىن ساۋىق ورتالىعىندا كەلۋشٸلەردٸڭ سانىن ەسەپتەۋگە مٷمكٸندٸك تۋدى. ەگەر كەلۋشٸلەر سانى 30 پايىزدان اسىپ كەتسە, ورتالىق باسشىلىعى بٸردەن نىساندى جابۋى تيٸس. بيزنەس ٶكٸلدەرٸ ورتالىقتا رەتسەركۋلياتسييا, اۋانى زارارسىزداندىرۋ سيياقتى تٷرلٸ شارالاردى قولعا الىپ جاتىر. بۇل جەردە نەگٸزگٸ ماقسات باسقا نىساندارعا جٷكتەمەنٸ ازايتۋ. ەكٸ كٷن قاتارىنان اۋرۋ كٶرسەتكٸشٸنٸڭ شەكتٸ ٶسٸم دەڭگەيٸنەن اسىپ جاتقان جوق. ەگەر ودان اسىپ كەتسە, كارانتيندٸ جەڭٸلدەتۋ شارالارى مٷلدە قاراستىرىلمايدى», - دەدٸ بەكشين.
ونىڭ ايتۋىنشا, بۇل مەسەلە بٸردەن قابىلدانبايدى.
«قر باس سانيتارلىق دەرٸگەرٸنٸڭ قاۋلىسىنان سوڭ بۇل مەسەلە قوعامدىق ۇيىمدار, بيزنەس, قالا بيلٸگٸنٸڭ قاتىسۋىمەن قالالىق شتابتا قارالادى. ول نىساندار جۇمىس ٸستەپ تۇر. تەك سەنبٸ كٷندەرٸ كەشكٸ 17:00 دەيٸن جۇمىس ٸستەۋٸ قاراستىرىلادى», - دەدٸ دەرٸگەر.
ايتا كەتۋ كەرەك, الماتىدا ەپيدەميولوگييالىق احۋال تۇراقتى دەسە دە بولادى. تەۋلٸكتٸك ٶسٸم كٶلەمٸ 0,5 پايىز بولىپ وتىر. ٶتكەن تەۋلٸكتە قالادا 12 ادام ۆيرۋس جۇقتىرعانى انىقتالدى. ونىڭ ٸشٸندە 10 ادام جەرگٸلٸكتٸ بولسا, 2 ادام ۆيرۋستى ەگيپەتتەن جۇقتىرىپ كەلگەن.
