ٶكٸلەتتٸگٸ توقتاعان ەكس-دەپۋتات بەكبولات تٸلەۋحان مەجٸلٸس وتىرىسىندا اعىنان جارىلىپ, ەرٸپتەستەرٸنەن كەشٸرٸم سۇرادى, دەپ حابارلايدى "ۇلت اقپارات".
"نۇرلان زايروللاۇلى, اسىرا ماقتاپ جٸبەردٸڭٸز. وسى ماقتاۋعا لايىقتى ەكەنٸمە كٷمەنٸم بار. دەگەنمەن اعالىق نيەتٸڭٸزگە, ەرٸپتەستٸك كٶڭٸلٸڭٸزگە شىن جٷرەكتەن العىسىمدى بٸلدٸرەمٸن.
سٸزدەرمەن جۇمىس ٸستەگەن سەتٸم – ٶمٸرٸمنٸڭ بٸر بەلەسٸ, بٸر كەزەڭٸ, باقىتتى, جاقسى شاعىم.
ەۋەلٸ تايىمدا تانىپ, تۇلپارداي قىلىپ توپقا قوسقان ەلباسىعا راحمەت. نۇراعامىزدىڭ باستاعان جولىن ارى قاراي جالعاستىرىپ جاتقان مەملەكەت باسشىمىز قاسىم-جومارت كەمەلۇلىنىڭ قامقورلىعىنا, جاساپ جاتقان ماراپاتتارىنا شەكسٸز العىسىمدى بٸلدٸرەمٸن. پارلامەنت قابىرعاسىنداعى ٶمٸرٸم ٶتە بٸر سەتتٸ كەزەڭ دەپ بٸلەمٸن. ەندٸ, قاي جەردە ەلگە, مەملەكەتكە پايدام كٶبٸرەك تيەدٸ, سول جەردە بولعاندى مٸندەت دەپ تانىعاندىقتان, ٶمٸردٸڭ كەلەسٸ كەزەڭٸنە قادام باسىپ جاتىرمىن.
بٸراز جۇمىس ٸستەدٸك, ارتىق ايتقان سٶزٸمٸز بولسا, جازا باسقان جەرٸمٸز بولسا, كەيبٸر ەرٸپتەستەرٸمنەن كەشٸرٸم سۇرايمىن, عافۋ ٶتٸنەمٸن", - دەدٸ تٸلەۋحان.
ەكس-دەپۋتات قاراپايىم سايلاۋشى رەتٸندە ەرٸپتەستەرٸنە ٶز اماناتىن دا جەتكٸزدٸ.
"سونداي-اق سٶز-تٷيٸندٸ ايتارىم بار عوي, اعايىن. قازاق دەيتٸن ۇلتتىڭ تٸلٸنٸڭ, مەدەنيەتٸنٸڭ, تاريحىنىڭ, عىلىمىنىڭ, رۋحانيياتىنىڭ, سالت-دەستٷرٸنٸڭ قازاقستان رەسپۋبليكاسىنان باسقا بارار جەرٸ, باسار تاۋى جوق, باسقا داميتىن جەرٸ جوق. قازاق – ول شابۋىلشى جۇرت ەمەس, قورعانۋشى جۇرت, تاريحتا ەسەسٸ كەتكەن جۇرت. وسى نەرسە ەستەرٸڭٸزدە بولىپ, پاراسات كٶزدەرٸڭٸز تاريحي سانامەن, مەملەكەتشٸلدٸك ويمەن ەرقاشان جٷرەكتەرٸڭٸزدٸڭ تٷكپٸرٸندە تۇرسا ەكەن دەگەن ٶتٸنٸشٸم بار. مۇنى دەپۋتات رەتٸندە ەمەس, سايلاۋشى رەتٸندە ايتىپ وتىرمىن. ٸستەرٸڭٸزگە بەرەكە تٸلەيمٸن", - دەدٸ تٸلەۋحان.
ەسكە سالا كەتەيٸك, مەجٸلٸس وتىرىسىندا دەپۋتات بەكبولات تٸلەۋحاننىڭ ٶكٸلەتتٸگٸ مەرزٸمٸنەن بۇرىن توقتاتىلدى. ورتالىق سايلاۋ كوميسسيياسىنىڭ مٷشەسٸ اسىلبەك سماعۇلوۆتىڭ ايتۋىنشا, ول مٸندەتتەرٸن اتقارۋدان ٶز ەركٸمەن بوساتۋ تۋرالى ٶتٸنٸش بەرگەن.
مەجٸلٸس تٶراعاسى نۇرلان نىعماتۋلين ەرٸپتەسٸنە جاڭا قىزمەتتە سەتتٸلٸك تٸلەپ, العىس حات تابىستادى.
سونداي-اق, ەكس-دەپۋتات بٷكٸلەلەمدٸك ەتنوسپورت كونفەدەراتسيياسىنىڭ بٸرٸنشٸ ۆيتسە-پرەزيدەنتٸ بولىپ تاعايىندالدى.
