2019 جىلعى جەلتوقساندا بولعان «Bek Air» ۇشاعىنىڭ اپاتىنان زارداپ شەككەن جولاۋشىلار مەن قازا تاپقانداردىڭ تۋىستارى التى جىل ٶتكەن سوڭ ٶتەماقى ٶندٸرٸپ الۋ ٷشٸن سوتقا جٷگٸنە باستادى, دەپ حابارلايدى ult.kz. بۇل تۋرالى Kozachkov offside تەلەگرام ارناسىنان بەلگٸلٸ بولدى.
2019 جىلعى 27 جەلتوقساندا الماتى ەۋەجايىندا «Bek Air» ەۋە كومپانيياسىنىڭ «Fokker-100» ۇشاعى اپاتقا ۇشىراعان. استاناعا باعىت العان رەيستە 98 ادام, ونىڭ ٸشٸندە 5 ەكيپاج مٷشەسٸ بولعان.
ۇشاق ەۋەگە كٶتەرٸلگەن كەزدە باسقارۋدان ايىرىلىپ, ۇشۋ-قونۋ جولاعىنان شىعىپ كەتكەن. كەيٸن زاڭسىز سالىنعان ٷيگە سوعىلعان. اپات سالدارىنان 12 ادام قازا تاپتى.
ارادا التى جىل ٶتكەن سوڭ, 2025 جىلعى قاراشادا, اپاتقا ۇشاق ەكيپاجىنىڭ كومانديرٸ مارات مۇراتباەۆ پەن ەكٸنشٸ ۇشقىش ميرجان مولداقۇلوۆ كٸنەلٸ دەپ تانىلدى. ەكەۋٸ دە قايتىس بولعاندىقتان, سوت ٸسٸ سىرتتاي جٷرگٸزٸلدٸ.
سوت زارداپ شەككەندەردٸڭ ازاماتتىق تالاپ قويۋ ارقىلى ٶتەماقى ٶندٸرٸپ الۋ قۇقىعىن دا مويىنداعان.
وسىدان كەيٸن جەبٸرلەنۋشٸلەر مەن قازا بولعانداردىڭ تۋىستارى سوتقا جٷگٸنە باستاعان.
العاشقىلاردىڭ بٸرٸ بولىپ بالاباقشا تەربيەشٸسٸ امينا وسپانوۆانىڭ ۇلى فازىل وسپان تالاپ ارىز بەرگەن. امينا وسپانوۆا مەملەكەتتٸك ناگرادا الۋ ٷشٸن استاناعا ۇشىپ بارا جاتقان. الايدا بۇل رەيس ونىڭ ٶمٸرٸندەگٸ سوڭعى ساپار بولدى.
سوت اپاتقا كٸنەلٸ دەپ تانىلعان ۇشقىشتاردىڭ «Bek Air» كومپانيياسىندا جۇمىس ٸستەگەنٸن ەسكەرٸپ, ەۋە كومپانيياسىنىڭ دا جاۋاپكەرشٸلٸگٸ بار دەگەن قورىتىندىعا كەلگەن. نەتيجەسٸندە سوت «Bek Air»-دەن 5 ملن تەڭگە ٶندٸرٸپ الۋ تۋرالى شەشٸم شىعاردى. قاۋلى زاڭدى كٷشٸنە ەنگەن.
سونداي-اق سول رەيستٸڭ جولاۋشىسى جانات ەبيلەۆ مورالدىق زييان ٷشٸن 10 ملن تەڭگە جەنە بيلەت قۇنىن قايتارۋدى تالاپ ەتكەن. ەر ادام اپاتتان دەنە جاراقاتىن الماعانىمەن, پسيحولوگييالىق زارداپ شەككەنٸن ايتقان. سوت ونىڭ مورالدىق زييانىن 1 ملن تەڭگە دەپ باعالاعان.
ال وسى اۋداندىق سوتتا تاعى بٸر ٸس قارالىپ جاتىر. 33 جاستاعى شىڭعىستٶرە جۇماحانوۆ اپاتتان كەيٸن مٷگەدەك بولىپ قالعانىن ايتىپ, شامامەن 90 ملن تەڭگە ٶتەماقى تالاپ ەتٸپ وتىر.
سونىمەن قاتار قۇقىق قورعاۋ ورگاندارى «Bek Air» يەسٸ نۇرلان جۇماسۇلتانوۆتىڭ جەنە كومپانييادا باسشىلىق قىزمەت اتقارعان وتباسى مٷشەلەرٸنٸڭ ەرەكەتٸنەن قىلمىس بەلگٸلەرٸن انىقتاماعان.
