Bek Air پيلوتتارىنىڭ ٶزارا ەڭگٸمەسٸ جارييالاندى

Fokker 100 ۇشاعىنىڭ اپاتقا ۇشىراۋىنا بايلانىستى قۇرىلعان ٷكٸمەتتٸك كوميسسييا ۇشقىشتاردىڭ ەڭگٸمەسٸن زەرتتەپ شىقتى. وسى جەنە باسقا دا پارامەترلٸك كٶرسەتكٸشتەردٸڭ نەگٸزٸندە اپاتتىڭ حرونولوگيياسى جاسالدى, دەپ حابارلايدى "ۇلت اقپارات" Sputnik اگەنتتٸگٸنە سٸلتەمە جاساپ.

حرونولوگييا

• 7:20:02 - ۇشاق جولاققا شىعادى;

• 7:20:41 - ەكيپاج الدىڭعى شاسسيدٸ كٶتەرۋدٸ باستايدى;

• 7:20:45 - ۇشاق ماكسيمالدى جىلدامدىقپەن جەردەن كٶتەرٸلەدٸ;

يندۋسترييا جەنە ينفراقۇرلىمدىق دامۋ مينيسترٸ رومان سكلياردىڭ ايتۋىنشا, ۇشاق جەردەن كٶتەرٸلگەن بويدا الدىمەن سول جاققا, ودان كەيٸن وڭ جاققا قيسايا باستايدى. ەكيپاج ۇشۋ تراەكتوريياسىن ۇستاپ قالۋعا تىرىستى. وسىدان كەيٸن نەگٸزگٸ شاسسي جەنە ۇشاقتىڭ سول جاق قاناتى جەرگە تيەدٸ.

7:20:53 – ۇشاق وڭعا قاراي قيسايادى. وسى كەزدە كوماندير: "نە بولىپ قالدى?", - دەپ سۇرايدى.

7:20:54 – ەكٸنشٸ پيلوتتىڭ جاۋابى: "نە بولعانىن بٸلمەيمٸن. ستابيليزاتور... توقتا... مەن بۇل جەرگە تٷسەمٸن (ارى قاراي بوقاۋىز سٶزدەر كەتەدٸ)".    

"وسى كەزدە ەكٸنشٸ ۇشقىش قوزعالتقىشتاردىڭ جۇمىسىن باياۋلاتىپ, ۇشۋدى توقتاتۋعا ەرەكەت جاساعان سەكٸلدٸ. الايدا بٸرنەشە سەكۋندتان كەيٸن قوزعالتقىشتاردىڭ جۇمىسى تاعى 93-95 پروتسەنتكە ارتىپ, ەۋە كەمەسٸ ۇشۋدى جالعاستىرادى", - دەيدٸ سكليار.

7:20:57 – كوماندير ەكٸنشٸ ۇشقىشقا: "كەرەك ەمەس. نە ٸستەپ جاتىرسىڭ?", - دەپ ايتادى. سٶيتٸپ, جىلدامدىقتى ارتتىرىپ, "كەتتٸك! كەتتٸك!" دەيدٸ.

7:21:04 – كوماندير شاسسيدٸ الىپ تاستاۋعا بۇيرىق بەرەدٸ;

"وسىدان كەيٸن ۇشاق بٸرنەشە رەت جەردٸ سىزىپ ٶتتٸ. قۇيرىعىمەن التى رەت, شاسسيمەن تٶرت رەت جەنە قاناتىمەن بٸر رەت ۇشۋ جولاعىنا سوعىلىپ, سول جاق قاۋٸپسٸزدٸك جولاعىنا سىرعاناپ كەتكەن. وسى كەزدە ۇشۋ جولاعىنىڭ 38 شامى قيرادى", - دەپ اتاپ كٶرسەتتٸ سكليار.

7:21:15 – بەس مەتر بيٸكتٸكتە شاسسيدٸ الىپ تاستاعان, ارتىنان ۇشاق فيۋزەلياجبەن جەرگە جاتىپ, ۇشۋ الاڭىنىڭ سىرتىنا شىعىپ كەتكەن,

اپاتتىڭ نەگٸزگٸ سەبەبٸ

بٷگٸن ٷكٸمەتتٸك كوميسسييا الماتى تٷبٸندەگٸ Bek Air ەۋە كومپانيياسى ۇشاعىنىڭ اپاتقا ۇشىراۋ سەبەبٸنٸڭ الدىن الا بولجامىن جارييالادى.

"ۇشاق سىرتىنا مۇزدىڭ قاتىپ قالۋى – نەگٸزگٸ سەبەپ. ەۋە كەمەسٸ تۇراقتا ەكٸ تەۋلٸك تۇرعان", - دەپ مەلٸم ەتتٸ پرەمەر-مينيستردٸڭ ورىنباسارى, يندۋسترييا جەنە ينفراقۇرلىمدىق دامۋ مينيسترٸ رومان سكليار.  

كوميسسييا ۇشاقتىڭ سىرتىنداعى قاتىپ قالعان مۇزدى ەرٸتۋ جۇمىستارى جارتىلاي عانا جاسالعانىن انىقتاعان.

"ۇشاق كومانديرٸ ارنايى سۇيىقتىقپەن تەك ستابيليزاتوردى عانا ٶڭدەۋگە شەشٸم قابىلداعان. ۇشاقتىڭ قاناتتارى ٶڭدەلگەن جوق. ول كٷنٸ اتىراۋعا ۇشقان تۋرا سونداي ۇشاقتىڭ دا سىرتى سۇيىقتىقپەن ٶڭدەلمەگەنٸ انىقتالدى", - دەدٸ سكليار.

ۇشاق اپاتى 27 جەلتوقسان تاڭعى ساعات جەتٸدە بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى الماتى ماڭىنا قۇلادى.

ۇشاقتا 93 جولاۋشى مەن 5 ەكيپاج مٷشەسٸ بولعان. اپات 12 ادامنىڭ ٶمٸرٸن قيدى, قازا بولعانداردىڭ ٸشٸندە ۇشاق كومانديرٸ بار. ەكٸنشٸ ۇشقىش جانساقتاۋ بٶلٸمٸنە تٷستٸ. قازٸر ول ەسٸن جيدى.

ٸشكٸ ٸستەر مينيسترلٸگٸ ەۋە اپاتىنا سەبەپ بولعان ٷش جاعدايدى اتادى. ولار: ەكيپاج قاتەلٸگٸ, تەحنيكالىق اقاۋ جەنە ناۆيگاتسييالىق قىزمەت جۇمىسى.

ۇشاقتىڭ قارا جەشٸگٸ مەسكەۋدەگٸ مەملەكەتارالىق اۆياتسييا كوميتەتٸنە تاپسىرىلدى. تەرگەۋدٸڭ الدىن الا قورىتىندىسى 10 قاڭتارعا دەيٸن جارييالانادى دەگەن جوسپار بولعان.

پرەزيدەنت تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. توقاەۆ اپاتتىڭ سەبەبٸن انىقتاپ, كٸنەلٸلەردٸ قاتاڭ جازالاۋدى تاپسىردى. 28 جەلتوقسان ەلٸمٸزدە جالپىۇلتتىق ازا تۇتۋ كٷنٸ بولىپ جارييالانعان بولاتىن.