تسيفرلىق دامۋ مينيسترلٸگٸ ٶكٸلدەرٸ قازاقستاندا ينتەرنەت ساپاسىنىڭ تٶمەندٸگٸ ٷشٸن ايىپپۇل مٶلشەرٸ قالاي ٶزگەرەتٸنٸن ايتتى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"كەشە مەملەكەت باسشىسى «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى. بۇعان دەيٸن پرەزيدەنت بايلانىس سالاسىنداعى تۇتىنۋشىلاردىڭ قۇقىقتارىن قورعاۋدى كٷشەيتۋدٸ, ينتەرنەت-بايلانىستىڭ ناقتى پارامەترلەرٸنٸڭ وپەراتورلار مەلٸمدەگەن پارامەترلەردەن ايتارلىقتاي الشاقتىعى ٷشٸن جاۋاپكەرشٸلٸكتٸ ەنگٸزۋدٸ جەنە قاتاڭداتۋدى تاپسىرعان بولاتىن.
تاپسىرمانى ٸسكە اسىرۋ ٷشٸن قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ دەپۋتاتتىق كورپۋسپەن بٸرلەسٸپ, وپەراتورلاردىڭ پايدالانۋشىلارعا ستاندارتتارعا, تەحنيكالىق نورمالار مەن ساپا كٶرسەتكٸشتەرٸنە سەيكەس كەلمەيتٸن بايلانىس قىزمەتتەرٸن كٶرسەتكەنٸ ٷشٸن جاۋاپكەرشٸلٸگٸن كٷشەيتۋگە باعىتتالعان شارالاردى ەزٸرلەدٸ.
ەندٸ بۇزۋشىلىقتار انىقتالعان جاعدايدا بايلانىس وپەراتورلارى 100 اەك ورنىنا 1000 اەك-كە ايىپپۇل سالادى, ال بٸر جىل ٸشٸندە قايتالاپ بۇزعان جاعدايدا ايىپپۇل سوماسى 200-دەن 1500 اەك-كە دەيٸن ٶسەدٸ" - دەلٸنگەن حابارلامادا.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ جٷرگٸزگەن تالداۋ كٶرسەتكەندەي, بايلانىس ساپاسىنىڭ ناشارلىعىنا شاعىم سانى 10 ەسە ٶسٸپ وتىر. 2021 جىلدىڭ قورىتىندىسى بويىنشا مينيسترلٸك 562 تەكسەرۋ جٷرگٸزگەن (2020 جىلى 51 تەكسەرۋ, ال 2019 جىلى 93 تەكسەرۋ جٷرگٸزٸلدٸ).
"وپەراتورعا قاتىستى بايلانىستىڭ نەمەسە ينتەرنەتتٸڭ ناشار ساپاسىنا تەكسەرۋ جٷرگٸزۋ ٷشٸن قازاقستاندىقتار رەسمي ٶتٸنٸشتٸ تەلەكوممۋنيكاتسييالار كوميتەتٸنٸڭ (تسدياٶم) نە تيٸستٸ وبلىس مينيسترلٸگٸنٸڭ اۋماقتىق بايلانىس ينسپەكتسيياسىنىڭ مەكەنجايىنا «ەلەكتروندىق ٷكٸمەت» پورتالى, «ە-وtinish» ٶتٸنٸشتەر بەرۋ جٷيەسٸ ارقىلى نە قاعاز تٷرٸندە جولداۋلارى قاجەت. ٶتٸنٸشتە شاعىمنىڭ مەنٸن, بايلانىس وپەراتورىنىڭ اتاۋىن جەنە تەكسەرۋ جٷرگٸزۋ قاجەت ٶتٸنٸش بەرۋشٸنٸڭ ناقتى مەكەنجايىن كٶرسەتۋ مٸندەتتٸ.
ٶتٸنٸشتٸ العاننان كەيٸن پروكۋراتۋرا ورگاندارىندا تەكسەرۋدٸ تاعايىنداۋ تۋرالى اكت تٸركەلەدٸ. تەكسەرۋ بارىسىندا كٶرسەتٸلەتٸن بايلانىس قىزمەتتەرٸنٸڭ ساپاسى بويىنشا ٶلشەۋلەر جٷرگٸزٸلەدٸ. وپەراتورعا قاتىستى بۇزۋشىلىقتار انىقتالعان جاعدايدا ەكٸمشٸلٸك قۇقىق بۇزۋشىلىق تۋرالى كودەكستٸڭ 637-بابىنا سەيكەس ايىپپۇل تٷرٸندە ەكٸمشٸلٸك حاتتاما جاسالادى جەنە لاۋازىمدى تۇلعا بەلگٸلەگەن مەرزٸمگە بۇزۋشىلىقتاردى جويۋ تۋرالى نۇسقاما ەنگٸزٸلەدٸ" - دەلٸنگەن ۆەدومستۆو حابارلاماسىندا.
