«Beeline قازاقستان» باس اتقارۋشى ديرەكتورى ەۆگەنيي ناسترادين تاريفتٸك جوسپارىنىڭ قىمباتتاۋ سەبەبٸن تٷسٸندٸردٸ, دەپ حابارلايدى قازاقپارات.
ورتالىق كوممۋنيكاتسييالار ورتالىعىنداعى ونلاين باسپاسٶز مەسليحاتىندا مودەراتور سۇراق قويدى: «كٶپتەگەن ۇيالى بايلانىس وپەراتورلارىندا جاڭا وقۋ جىلى قارساڭىندا جاڭا تاريفتٸك جوسپارلار پايدا بولدى. مەنٸڭ بٸلۋٸمشە, مىسالى, «Beeline» كومپانيياسىنداعى روۋتەرلەر مەن مودەمدەر ٷشٸن ناۋرىز-سەۋٸر ايلارىندا 5 500 تەڭگە, ال قازٸر – 8 مىڭ تەڭگە تٶلەيدٸ. Activ-تەگٸ «سۋپەر كومفورت م» تاريفٸ 2390 تەڭگە تۇردى. ەندٸ بۇل تاريف 1 قىركٷيەككە دەيٸن جارامدى بولىپ, ەلەۋمەتتٸك جەلٸلەردەگٸ شەكسٸزدٸك جويىلدى. بالالارعا «Bilim» تاريفٸ قولدانىلادى, جەلٸ ٸشٸندەگٸ قوڭىراۋلار مينۋتىنا 18 تەڭگە, ال قالعانى اقىلى. بۇعان نە ايتاسىز?»
ەۆگەنيي ناسترادين جاڭا تاريفتٸك جوسپارلار مەن ٶزگەرمەگەن ەسكٸلەرٸ بار ەكەنٸن اتاپ ٶتتٸ.
«جاڭا تاريفتٸك جوسپارلارعا كەلسەك, اتالعان سومادان قورىقپاڭىزدار. بۇرىنعى 5 490 تەڭگەلٸك تاريفتٸ بٸر قۇرىلعىدا عانا پايدالانۋعا بولاتىن. ال قازٸرگٸ 7 990 تەڭگە سوماسىنداعى تاريفتٸ بٸر قۇرىلعىدا عانا ەمەس, تەلەفوندا دا پايدالانۋعا بولادى. ەكٸ تاريفتٸك جوسپار ٷشٸن ارتىق تٶلەۋدٸڭ قاجەتٸ جوق. بٸز تاريفتەردٸ جاقسارتتىق, ٸشكٸ جەلٸگە شەكسٸز قوڭىراۋلار قوستىق. ەگەر قوسىمشا ساتىپ السا, بۇل 11 مىڭ تەڭگە بولار ەدٸ», - دەدٸ ەۆگەنيي ناسترادين.
«قازاقتەلەكوم» اق باسقارما تٶراعاسى قۋانىشبەك ەسەكەەۆتٸڭ ايتۋىنشا, ەلەۋمەتتٸك جەلٸلەر – بٸلٸم بەرۋ رەسۋرستارى بولىپ سانالمايدى. سوندىقتان, ولاردىڭ قولجەتٸمدٸ بولۋىن وپەراتورلار تاريفپەن بەلگٸلەيدٸ.
«بٸزدەگٸ نارىق بەسەكەگە تولى. سٸز «Bilim» تاريفٸن ايتتىڭىز, ونىڭ قازاقستاندىق بٸلٸم بەرۋ رەسۋرستارىنا قاتىسى بار. ال ەلەۋمەتتٸك جەلٸلەر بٸلٸم بەرۋ رەسۋرستارىنا كٸرمەيدٸ. سوندىقتان, ەرينە, ولاردىڭ قولجەتٸمدٸ بولۋىن وپەراتورلار تاريفپەن بەلگٸلەيدٸ. مۇنداي سۇراقتار تۋىنداۋى زاڭدى. «Bilim» تاريفٸندە بٸلٸم بەرۋ رەسۋرستارىن تەگٸن پايدالانۋعا بٸرەگەي مٷمكٸندٸك بەردٸك. ەربٸر وقۋشى قازاقستاندىق رەسۋرستاردى پايدالانا الادى», - دەدٸ قۋانىشبەك ەسەكەەۆ.
