ۇيالى بايلانىس وپەراتورلارى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە 200 اۋىلدا ينتەرنەت بار ەكەنٸ تۋرالى جالعان اقپارات بەرگەن, دەپ حابارلايدى قازاقپارات.
«تسيفرلىق قازاقستان» مەملەكەتتٸك باعدارلاماسىن ٸسكە اسرىدۋىڭ ارالىق نەتيجەسٸن تالقىلاعان جيىندا ۆەدومستۆو باسشىسى باعدات مۋسين وسىنداي مەلٸمەت ايتتى.
«2019 جىلى بايلانىستىڭ ساپاسى 50 پايىزعا تەكسەرٸلگەن بولاتىن. بىلتىر سول قۇراممەن تاعى 560 تەكسەرۋ جٷرگٸزٸلدٸ. ۇيالى بايلانىس وپەراتورلارىنا 2019 جىلى 15 ملن تەڭگە ايىپپۇل سالىنسا, 2021 جىلى ايىپپۇل كٶلەمٸ 140 ملن تەڭگە بولدى. ياعني, 10 ەسە ٶسكەن. ونىڭ ٷستٸنە بٸز باقىلاۋ فۋنكتسييالارىن كٷشەيتتٸك. وپەراتورلاردىڭ قاي اۋىلدا بايلانىس جوق ەكەنٸن ٶزدەرٸ ايتىپ, مويىنداي باستادى», - دەدٸ مينيستر.
ايتۋىنشا, كەمشٸلٸكتٸ مويىنداۋشىلاردىڭ كەيبٸرٸ بۇعان دەيٸن ۆەدومستۆوعا جالعان مەلٸمەت بەرٸپ ٷلگەرگەن.
«2021 جىلى 200 اۋىلدا بايلانىس پەن ينتەرنەت بار دەپ اقپارات بەرگەن وپەراتورلار 2022 جىلى ينتەرنەت جوق ەكەنٸن مويىندادى. ٶيتكەنٸ ولار بٸزدٸڭ اۋىل-اۋىلدى ارالاپ, قاي جەردە ينتەرنەت ساپاسى تٶمەن ەكەنٸن انىقتاپ جاتقانىمىزدان قاتەلٸكتٸ ٶزدەرٸ مويىنداپ, جۇمىستى باسىنان باستاۋ جەڭٸلٸرەك بولاتىنىن تٷسٸندٸ. «قازاقتەلەكوم» ۇلتتىق وپەراتورىن تەكسەرگەن كەزدە بٸزدٸڭ قولىمىزداعى بٸلٸمدٸ ەسكەرۋدٸ, تٸپتٸ كەي تۇستا جۇمىسقا تارتۋلارىڭىزدى سۇرايمىز. ٶيتكەنٸ بۇل كۆازيمەملەكەتتٸك كومپانييالار, جەكە نارىق. وعان بٸز تٸكەلەي ارالاسا المايمىز», - دەدٸ باعدات مۋسين.
