اقش پرەزيدەنتٸ دجو بايدەن مەن اقش قورعانىس مينيسترلٸگٸنٸڭ ٶكٸلٸ دجون كيربي اۋعانستانعا "ەل-قايدا" تەررورلىق ۇيىمىنىڭ ورنىعۋ قاۋپٸ جٶنٸندە ەكٸ تٷرلٸ بولجام ايتتى. بۇل جٶنٸندە "ينتەرفاكس" اگەنتتٸگٸ حابارلادى, دەپ جازادى ازاتتىق.
امەريكا ەسكەرٸن اۋعانستاننان الىپ كەتۋ شەشٸمٸنٸڭ دۇرىس بولعانىن جۇما كٷنٸ تاعى قايتالاعان دجو بايدەن "ەل-قايدانىڭ" كٶزٸن جويۋ ارقىلى اقش اۋعانستانداعى ٶز ميسسيياسىن ورىندادى دەدٸ.
- بۇعان پەرسپەكتيۆا تۇرعىسىنان قارايىقشى. قازٸر "ەل-قايدا" جوق, ەندەشە اۋعانستانعا قانداي قىزىعۋشىلىعىمىز بار? بٸز اۋعانستانعا "ەل-قايدانىڭ" كٶزٸن جويامىز, وساما بەن لادەندٸ قولعا تٷسٸرەمٸز دەگەن ايقىن ماقساتپەن باردىق. بۇعان قول جەتكٸزدٸك, - دەدٸ اقش پرەزيدەنتٸ.
بايدەننٸڭ مەلٸمدەمەسٸنەن سوڭ جۋرناليستەر سۇراقتارىنا جاۋاپ بەرگەن پەنتاگون ٶكٸلٸ دجون كيربي اۋعانستاندا "ەل-قايدا" ەلٸ بار دەدٸ.
- اۋعانستاندا "يسلام مەملەكەتٸ" دە, "ەل-قايدا" دا ەلٸ بار ەكەنٸن بۇرىننان ايتىپ كەلەمٸز, - دەدٸ ول.
"ەل-قايدا" تەرروريستەرٸنٸڭ اۋعانستانداعى سانى "سونشالىق كٶپ ەمەس, بٸراق بٸزدٸڭ قولىمىزدا ناقتى دەرەك جوق" دەدٸ كيربي. ونىڭ ايتۋىنشا, پەنتاگوننىڭ اۋعانستاننان بارلاۋ مەلٸمەتٸن الۋ مٷمكٸندٸگٸ بۇرىنعىداي كٶپ ەمەس.
بايدەننٸڭ مەلٸمدەمەسٸنە قاتىستى پٸكٸر ايتقان كيربي: "20 جىل بۇرىنعى 11 قىركٷيەك وقيعاسى كەزٸندەگٸدەي بٸزدٸڭ ەلگە قاۋٸپ تٶندٸرەتٸن كٶپ تەرروريست جوق دەپ ويلايمىز" دەدٸ.
2001 جىلعى 11 قىركٷيەكتەگٸ نيۋ-يوركتە بولعان جويقىن تەراكتٸدەن سوڭ اقش باستاعان حالىقارالىق كٷشتەر اۋعانستاندا تەررورمەن كٷرەس وپەراتسيياسىن باستاعان. كەيٸن سول تەررورلىق وپەراتسييانى ۇيىمداستىردى دەگەن "ەل-قايدا" باسشىسى وساما بەن لادەن ٶلتٸرٸلگەن. سودان بەرٸ اۋعانستانداعى شەتەل ەسكەرٸن الىپ كەتۋ مەسەلەسٸ جيٸ كٶتەرٸلٸپ تۇرادى.
اقش بيىلعى مامىردان باستاپ اۋعانستانداعى ەسكەرٸن شىعارىپ جاتىر, بۇل وپەراتسييا تامىزدىڭ سوڭىندا اياقتالۋى تيٸس بولعان. ەل ايماقتارىن بٸرتٸندەپ باسىپ الىپ جاتقان "تاليبان" توبى 15 تامىزدا كابۋلدى ٶزٸنە قاراتىپ, باتىس قولداۋىنا سٷيەنەتٸن زاڭدى ٷكٸمەت قۇلادى, پرەزيدەنت اشراف عاني ەلدەن قاشتى. قازٸر مۇندا "تاليبان" ەسكەرٸنەن زارداپ شەگۋٸ مٷمكٸن دەگەن شەتەلدٸكتەر مەن اۋعانداردى ەۆاكۋاتسييالاۋ جٷرٸپ جاتىر.
