اقش ەسكەرٸن اۋعانستاننان ەكەتۋ كەزٸندەگٸ حاوسقا, "تاليبان" اياق استى كابۋلدى باسىپ العانىنا بايلانىستى ەل ٸشٸندە ھەم شەتەلدە سىنعا قالعان دجو بايدەن 20 تامىزدا امەريكالىقتاردى اۋعانستاننان قالاي دا تولىق الىپ كەتۋگە ۋەدە بەردٸ.
اق ٷيدە جاساعان مەلٸمدەمەسٸندە بايدەن كابۋلعا 6 مىڭ سولدات جٸبەرۋدٸڭ ارقاسىندا اقش باستاعان ەۆاكۋاتسييا وپەراتسيياسى "بٸرشاما قارقىن العانىن", قازٸر تاسىمال تۇراقتى تٷردە جٷرٸپ جاتقانىن مەلٸمدەدٸ. "تاليبان" كابۋلعا كٸرگەن العاشقى كٷندەرٸ ەۋەجايدى مىڭداعان ادام باسىپ قالىپ, الاساپىران باستالعان. تەلٸپتەردەن قاشقان جۇرت ۇشۋ الاڭىنا كٸرٸپ, ۇشاقتىڭ تٶبەسٸنە شىعىپ, شاسسيٸنە جابىسىپ, بٸرتالايى مەرت بولعان.
"بۇل – ەۋەمەن تاسىمالداۋدىڭ تاريحتاعى ەڭ ٷلكەن ەرٸ ەڭ اۋىر شاراسى" دەگەن اقش پرەزيدەنتٸ ەۆاكۋاتسييا بارىسىندا امەريكا وداقتاستارىمەن, ەرٸپتەستەرٸمەن جەنە ناتو-مەن قويان-قولتىق جۇمىس ٸستەپ جاتقانىن ايتتى.
بايدەن اۋعانستاننان بارلىق امەريكالىقتى, اقش باسقارعان حالىقارالىق كٷشتەرمەن جۇمىس ٸستەگەن اۋعانداردى جەنە ەيەل ليدەرلەر, جۋرناليستەر سيياقتى قاۋٸپ تٶنۋٸ مٷمكٸن دەگەن توپ ٶكٸلدەرٸن قاۋٸپسٸز جاققا الىپ كەتۋگە ۋەدە بەردٸ.
ونىڭ ايتۋىنشا, اقش ەسكەرٸ 14 تامىزدان بەرٸ 13 مىڭ, ال تامىز ايىندا 18 مىڭ ادامدى اۋعانستاننان شىعارعان. بۇعان قوسا مىڭداعان ادام "اقش ٷكٸمەتٸنٸڭ كٶمەگٸمەن" چارتەرلٸك جەكە رەيستەرمەن ۇشىپ كەتكەن.
ۇشاققا مٸنۋگە تىرىسقان مىڭداعان اۋعان كابۋل ەۋەجايىنىڭ اينالاسىندا جٷر, كەي اقپارات قۇرالدارىنىڭ حابارلاۋىنشا "تاليبان" ەسكەرٸ ەۋەجايعا ٶتپەك بولعانداردىڭ جولىن بٶگەپ, ولاردى قورقىتىپ, ۇرىپ-سوققان. ەۆاكۋكاتسييا كٷتٸپ ەۋەجاي ٸشٸندە مىڭداعان ادام وتىر.
وسىنىڭ الدىندا پەنتاگون جاساعان مەلٸمدەمەنٸ قايتالاعان بايدەن "تاليبان" ەلدەن شىعارماي جاتقاندار اراسىندا اقش ازاماتتارى جوق ەكەنٸن ايتتى. ونىڭ ايتۋىنشا, اقش-تىڭ رەسمي تۇلعالارى امەريكالىقتار مەن باسقالاردى قاۋٸپسٸز جاعدايدا شىعارىپ ەكەتۋ ٷشٸن "تاليبان" ٶكٸلدەرٸمەن تۇراقتى بايلانىس ۇستاپ وتىر.
پەنتاگون كابۋلدى "تاليبان" باسىپ العالى اقش ەسكەريلەرٸ العاش رەت ەۋەجايدان سىرتقا شىققانىن 20 تامىزدا حابارلادى. ەسكەريلەر ٷش Chinook تٸكۇشاعىمەن قوناقٷيدە قالىپ, ەۋەجايعا جەتە الماي وتىرعان 169 امەريكا ازاماتىن الىپ شىققان.
پەنتاگون ٶكٸلٸ دجون كيربيدٸڭ ايتۋىنشا, امەريكالىقتار قوناقٷيدەن ەۋەجايعا جاياۋ بارماققا وقتالعان, بٸراق كەيٸن بۇل رايىنان قايتقان.
20 تامىزدا اقش مەملەكەتتٸك حاتشىسى ەنتوني بلينكەن ٶمٸرٸنە قاۋٸپ تٶنگەندٸكتەن اۋعانستاننان ەۆاكۋاتسييالانعان جەرگٸلٸكتٸ حالىقتى تىم قۇرىعاندا ۋاقىتشا پانالاتۋعا 13 ەل كەلٸسٸم بەرگەنٸن ايتتى. تاعى ونداعان ەل ەۆاكۋاتسييالانعانداردى الىپ ٶتەتٸن ٶتكەل بولۋعا ۋەدە ەتكەن.
بلينكەننٸڭ ايتۋىنشا, اقش-تا قونىستانۋعا ەلٸ رۇقسات الماعان بوسقىندار البانييا, كانادا, كولۋمبييا, كوستا ريكا, چيلي, كوسوۆو, سولتٷستٸك ماكەدونييا, مەكسيكا, پولشا, كاتار, رۋاندا, ۋكراينا جەنە ۋگاندانى پانالاي تۇرادى.
ال ترانزيت ەلدەر قاتارىندا باە, باحرەين, بريتانييا, گەرمانييا, دانييا, يتالييا, كاتار, كۋۆەيت, قازاقستان, ٶزبەكستان, تەجٸكستان جەنە تٷركييا بار.
