«Nur Otan» پارتيياسىنىڭ ورتالىق اپپاراتىندا تەۋەلسٸزدٸكتٸڭ 30-جىلدىعىنا ارنالعان «ۇلى دالا» رەسپۋبليكالىق شىعارماشىلىق بايقاۋىنىڭ جەڭٸمپازدارىن ماراپاتتاۋ رەسٸمٸ ٶتتٸ. بايقاۋ «Nur Otan» پارتيياسى مەن قازاقستان جازۋشىلار وداعى اراسىندا وسىعان دەيٸن قابىلدانعان ٶزارا ىنتىماقتاستىق تۋرالى مەموراندۋم اياسىندا ۇيىمداستىرىلدى.
سالتاناتتى ٸس-شارانى اشقان «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك تەۋەلسٸزدٸكتٸڭ 30 جىلىنداعى ەلٸمٸزدٸڭ جەتٸستٸكتەرٸن زەردەلەۋگە, سول ارقىلى جاس قالامگەرلەرگە جول اشۋعا باعىتتالعان «ۇلى دالا» بايقاۋىنىڭ ماڭىزى ەرەكشە ەكەنٸن اتاپ ٶتتٸ.
«30-جىلدىق دامۋدى جەتٸ اۋىز سٶزبەن تٷيٸندەپ, جاس ۇرپاققا «ەلدٸكتٸڭ جەتٸ تۇعىرىن» انىقتاپ بەرگەن ەلباسى, «Nur Otan» پارتيياسىنىڭ تٶراعاسى نۇرسۇلتان ەبٸشۇلى نازارباەۆتىڭ «ۇلتتىق مەدەنيەت – حالىقتىڭ رۋحاني تٸرەگٸ» دەپ اتاپ كٶرسەتۋٸ تەگٸن ەمەس. كەز كەلگەن مەملەكەتتٸڭ ٶركەندەۋٸ – سول قوعامنىڭ رۋحاني-مەدەني دەڭگەيٸنە بايلانىستى. ەلباسى ايتقانداي, بٸز ەلەمدەگٸ 200-گە تارتا ۇلتتى تەك ۇلتتىق مەدەنيەتٸمٸزبەن, ەدەبيەتٸمٸزبەن, رۋحانيياتىمىزبەن عانا تاڭقالدىرا الامىز. وسى ورايدا «Nur Otan» پارتيياسى قازاقتىڭ ٶنەرٸ مەن مەدەنيەتٸن بارىنشا قولداپ, جان-جاقتى قامقورلىق جاساپ كەلەدٸ», - دەدٸ باۋىرجان بايبەك.
ونىڭ ايتۋىنشا, پارتييانىڭ 2025 جىلعا دەيٸنگٸ سايلاۋالدى باعدارلاماسى اياسىندا ەلٸمٸزدە 259 مەدەنيەت وشاعىن سالۋ, 1241 مەدەني نىساندى جٶندەۋ, 150 نىساندا عىلىمي رەستاۆراتسييا جۇمىستارى جوسپارلانسا, بيىلدىڭ ٶزٸندە 200-گە جۋىق مەدەنيەت نىسانىنا جٶندەۋ جٷرگٸزٸلگەن. سونداي-اق, ول وسى جىلدىڭ تاعى بٸر جاڭالىعى رەتٸندە بارلىق مەدەني-ەدەبي شارالاردى كەشەندٸ تٷردە اتقارۋ ٷشٸن «ۇلتتىق مۇرا» پارتييالىق جوباسى بەكٸتٸلگەنٸن جەتكٸزدٸ. ونىڭ اياسىندا ايتىس, مٷشايرا, جىر-تەرمە, شىعارماشىلىق بايقاۋ سيياقتى 250-دەي ٸس-شارا ٶتكٸزۋ جوسپارلانعان. ال جىل باسىنان بەرٸ پارتييانىڭ قولداۋىمەن 49 اقىندار ايتىسى ٶتكٸزٸلدٸ.
پارتييا تٶراعاسىنىڭ بٸرٸنشٸ ورىنباسارى «Nur Otan» جانىنان قۇرىلعان «Miras» كەڭەستەرٸنٸڭ جۇمىسىنا توقتالدى. بيىل كەڭەس مٷشەلەرٸ وتاندىق كينەماتوگرافييانى دامىتۋ, مەدەني وشاقتاردى قالپىنا كەلتٸرۋ, تاريحي مۇرالاردى ساقتاۋ سيياقتى تاقىرىپتار اياسىندا كٶپتەگەن ٶزەكتٸ مەسەلەلەردٸ كٶتەرگەن.
باۋىرجان بايبەك پارتييا ٶتكٸزگەن پرايمەريزگە 350-دەن اسا قالامگەر, پۋبليتسيست, ايتىسكەر, جۋرناليست قاتىسقانىن ايتا كەلە, ەلدٸڭ دامۋىنا, قوعامنىڭ ٶسۋٸنە باعىتتالعان ەڭبەكتەرٸ مەن ازاماتتىق بەلسەندٸلٸكتەرٸ ٷشٸن بارشا قالامگەر قاۋىمعا ريزاشىلىعىن بٸلدٸردٸ.
«ۇلى دالا» بايقاۋىنا 2021 جىلعى 1 قازان مەن 30 قاراشا ارالىعىندا ەلٸمٸزدٸڭ تٷكپٸر-تٷكپٸرٸندەگٸ 18 بەن 40 جاس ارالىعىنداعى قالامگەرلەردەن باس-اياعى 400-گە تارتا شىعارما كەلٸپ تٷستٸ. ونىڭ ٸشٸندە ەرەجە تالاپتارىنا ساي دەپ تانىلعان 287 شىعارما ٸرٸكتەلٸپ, aikyn.kz سايتىندا جارييالاندى.
بايقاۋ كوميسسيياسى بٸرلەسكەن شەشٸم ارقىلى «پروزا», «پوەزييا», «دراماتۋرگييا», «كٶركەم فيلم مەن تەلەسەريال ستسەناريٸ», «بالالارعا ارنالعان شىعارما» اتتى بەس اتالىم بويىنشا بارلىعى 16 جٷلدەلٸ ورىن يەگەرٸن انىقتادى.
بايقاۋ كوميسسيياسىنىڭ تٶراعاسى, مەملەكەتتٸك سىيلىقتىڭ لاۋرەاتى, قازاقستاننىڭ ەڭبەك سٸڭٸرگەن قايراتكەرٸ, جازۋشى ەلٸبەك اسقار 287 شىعارمانىڭ 173-شٸ – پوەزييا, 52-سٸ – پروزا, 43-ٸ – بالالارعا ارنالعان شىعارما, 10-ى – دراماتۋرگييا, 9-ى – كٶركەم فيلم مەن تەلەسەريال ستسەناريٸ جانرى بويىنشا جازىلعانىن ايتتى.
«وسى شىعارمالاردىڭ بارلىعىن ەربٸر جانر بويىنشا بٶلٸپ الىپ, كوميسسييا مٷشەلەرٸ جەكە-جەكە قاراپ شىقتىق. بٸرنەشە رەت باس قوسىپ, تالقىلادىق. تالانتتار ٶتە كٶپ. العاشىندا بارلىق جانرعا 3 ورىننان بەلگٸلەگەنٸمٸزبەن, سوڭعى جينالىستا پارتييانىڭ باسشىلىعىنا «پوەزييا» مەن «پروزا» نوميناتسيياسىنا تاعى ەكٸ ورىننان قوسۋعا ٶتٸنٸش جاسادىق. ولار وسى ەكٸ جانردىڭ ەرقايسىنا تاعى ەكٸ ارنايى سىيلىق قوسىپ بەردٸ. وسى ورايدا, رۋحانيياتىمىزدى قولداعان «Nur Otan» پارتيياسىنا العىسىمدى بٸلدٸرەمٸن», - دەدٸ ەلٸبەك اسقار.
سونىمەن, «پروزا» نوميناتسيياسى بويىنشا بٸرٸنشٸ ورىندى – جازۋشى قانات ەبٸلقايىر, ەكٸنشٸ ورىندى – IT مامان, مەدياساۋات جەنە كيبەرقاۋٸپسٸزدٸك بويىنشا مەدياترەنەر مەيٸرجان جىلقىباي, ٷشٸنشٸ ورىندى – اقىن, اۋدارماشى, جازۋشى ارمان ەدٸلبەك يەلەندٸ. وسى نوميناتسيياداعى ورالحان بٶكەي اتىنداعى ارنايى سىيلىق ل.ن.گۋميلەۆ اتىنداعى ەۇۋ-نٸڭ وقىتۋشىسى الماز مىرزاحمەتكە بۇيىرسا, بەردٸبەك سوقپاقباەۆ اتىنداعى ارنايى سىيلىقتى شەت تٸلدەر جەنە ٸسكەرلٸك كارەرا ۋنيۆەرسيتەتٸنٸڭ مۇعالٸمٸ ەلميرا نازيروۆا جەڭٸپ الدى.
«پوەزييا» نوميناتسيياسىندا بٸرٸنشٸ ورىنعا جامبىل وبلىستىق «AR-AI» گازەتٸنٸڭ «مەدەنيەت جەنە ەلەۋمەت» بٶلٸمٸنٸڭ رەداكتورى نۇرجان قادٸرەلٸ, ەكٸنشٸ ورىنعا الماتى وبلىسىنىڭ كٶكقاينار اۋىلىنداعى №44 ورتا مەكتەپتٸڭ مۇعالٸمٸ تٶلەگەن مەللات, ٷشٸنشٸ ورىنعا شىعىس قازاقستان وبلىسىنىڭ «اياگٶز جاڭالىقتارى» اۋداندىق گازەتٸنٸڭ باس رەداكتورى ەرمەك دايىرباەۆ لايىقتى دەپ تانىلدى. م.ماقاتاەۆ اتىنداعى ارنايى سىيلىقتى «ورال ٶڭٸرٸ» باتىس قازاقستان وبلىستىق قوعامدىق-ساياسي گازەتٸنٸڭ تٸلشٸسٸ مارلەن عيلىمحان, ال ج.جاباەۆ اتىنداعى ارنايى سىيلىقتى رەسپۋبليكالىق «Egemen Qazaqstan» گازەتٸنٸڭ تٸلشٸسٸ راۋان قابيدولدين يەلەندٸ.
«دراماتۋرگييا» نوميناتسيياسىندا ٷشٸنشٸ ورىنعا ورال قالاسىنىڭ ميچۋرين مەكتەبٸ بالاباقشا-بٶبەكجاي كەشەنٸنٸڭ مۇعالٸمٸ ايتولقىن بالمۋلدينا لايىقتى دەپ تانىلدى.
«كٶركەم فيلم مەن تەلەسەريال ستسەناريٸ» نوميناتسيياسى بويىنشا ەكٸنشٸ ورىندى نۇر-سۇلتان قالاسى باۋىرجان مومىشۇلى اتىنداعى №53 مەكتەپ-ليتسەيدٸڭ مۇعالٸمٸ جاقسىلىق مۇراتبەك يەلەنسە, ٷشٸنشٸ ورىندى جازۋشى, ستسەناريست زەۋرە تٶرەحان جەڭٸپ الدى.
«بالالارعا ارنالعان شىعارما» نوميناتسيياسى بويىنشا بٸرٸنشٸ ورىن – «Abai TV» تەلەارناسىنىڭ قىزمەتكەرٸ ولجاس قاسىمعا, ەكٸنشٸ ورىن – ەل-فارابي اتىنداعى قۇۋ-نٸڭ «قازاق ۋنيۆەرسيتەتٸ» گازەتٸنٸڭ تٸلشٸسٸ نۇربەك نۇرجانۇلىنا, ٷشٸنشٸ ورىن «Egemen Qazaqstan» گازەتٸنٸڭ بٶلٸم مەڭگەرۋشٸسٸ ميراس اسانعا بۇيىردى.
سالتاناتتى شارادا «پوەزييا» نوميناتسيياسىندا بٸرٸنشٸ ورىنعا لايىقتى دەپ تانىلعان نۇرجان قادٸرەلٸ ٶز لەبٸزٸن بٸلدٸردٸ.
«تەۋەلسٸزدٸكتٸڭ قالاي كەلگەنٸ اعا بۋىن ٶكٸلدەرٸنە جاقسى بەلگٸلٸ. ال بٸز سيياقتى تەۋەلسٸزدٸكتٸڭ قۇرداستارى مەن ەل ەگەمەندٸگٸن العاننان كەيٸن دٷنيەگە كەلگەن بالالار ٷشٸن تەۋەلسٸزدٸك – ول اناداي قادٸرلٸ, ەكەدەي اسىل, باۋىرداي ىستىق, ٸنٸدەي ٸزگٸ, قارىنداستاي اياۋلى, وسىناۋ باق-بەرەكەمٸزدٸڭ بويتۇمارى. ەلباسى قاسيەتتٸ قارا شاڭىراق قازاقستاننىڭ كەلەشەگٸندە بٸز سيياقتى جاس بۋىنعا ٷلكەن سەنٸم ارتتى. سول سەنٸمنەن شىعا بەرەيٸك. تەۋەلسٸزدٸك دەگەن بٸر كٷندٸك مەرەكە ەمەس. تەۋەلسٸزدٸكتٸڭ ەربٸر كٷنٸ مەرەكە!», - دەدٸ ول.
ٶز كەزەگٸندە بەردٸبەك سوقپاقباەۆ اتىنداعى ارنايى سىيلىقتىڭ يەگەرٸ اتانعان ەلميرا نازيروۆا قازاقستاندىقتاردى تەۋەلسٸزدٸك مەرەكەسٸمەن قۇتتىقتاي كەلە, «ەگەمەندٸك پەن ەلباسى ەگٸز ۇعىم دەپ سانايمىن. سەبەبٸ, قازٸرگٸ تاڭدا قازاقستان بەيبٸتسٷيگٸش, تولەرانتتى ەل رەتٸندە تانىلدى. ودان بٶلەك, ٸشكٸ ساياساتتا, جاستاردى, جاس انالاردى قولدايتىن بٸردەن-بٸر مەملەكەتتەردٸڭ بٸرٸمٸز», - دەدٸ.
ەسكە سالا كەتەيٸك, بايقاۋدا بٸرٸنشٸ ورىن جٷلدەسٸ ٷشٸن – 1 000 000 تەڭگە, ەكٸنشٸ ورىنعا – 750 000 تەڭگە, ٷشٸنشٸ ورىنعا جەنە ارنايى سىيلىققا – 500 000 تەڭگەدەن جٷلدە بەرٸلدٸ.
